قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل 18🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt:97

فنفس البلاصة باقا واقفة كاتطل مور الزاج وهي كتشوف الأم ديال جتةة هامدة مكتحركش غير الألات اللي خدامين . عينيها دمعوو الخنقة والخوف من اللي جاي حاكمينها .. تنهدت بخوف فاش شافت الأطباء جايين جهة الغرفة ودخلو واحد مور واحد فاش سمعو صوت إنذار من غرفتها ..الممرضة هبطات الريدو اللي كانت واقفة قدامو نور مخلياها كتشوا وكتحرق على الام ديالها . دقات قلبها تسارعو..هزات عينيها الباكين كترمش بيهم وهي واقفة. قبالتو .. تنهد وخشاها فصدروو كيعطيها الامان .. حتا هو كان خايف عليها ماباغيهاش تعيش حدث خايب ويقدر يدمرها ..كتبان ليه وجهها ماشي ديال الحزن والقرح باغيها تكون فرحانة..

إسحاق بصوت باح :شووو باركا من البكا طيبتي عينيك .

نور تمخشات فيه كتر ونطقت بصوت مخنوق ومغنغن بالبكا: دير شي حاجة عتق ليا ماما ..خلعوني دخلو عندها وباقي ماخرجوش عنداك توقع ليها شي حاجة..

على إثر كلامها تحل باب الغرفة وخرج منها الطبيب .. واقف قبالتهم نور حسات بيه بعدت من إسحاق ونطقت

نور بلهفة غالب عليها الخوف : شنو واااقع ..خلعتوني ..

الطبيب شاف فيها وتبسم مكمل كلامو : الأم ديال إنسانة قوية . قدرات تخرج منها وتحل عينيها ..

نور ضحكت وسط دموعها: فااقت ..حلات عينيها هي بيخير يااك ..مكتكدبش عليا ..

الطبيب شاف فيها والفرحة اللي فعينيها: حلات عينيها .. واخا كان صعيب ولكن قاومت يمكن عندها شي حاجة تشبتت بيها .. مهم الحالة ديالها تجاوزت مرحلة الخطر .. ودابا هي بيخير باقين غير شي فحوصات نديروهم ليها غدا باش نزيدو نطمنو على حالتها ونحيدو الشك باليقين ..

إسحاق : نقدرو نشوفوها..

الطبيب : حاليا لا خليوها ترتاح غدا تقدرو دخلو عندها ..وحتا نتوما سيرو رتاحوو. حتا الصباح وجودكم ماعندو باش يفيدها ..

نور شافت فإسحاق: قلبي غيوقف حاسة بدقاتو كاتزيد .

إسحاق حس برجفتها دور يديه على خصرها ملصقها معاه: شووو انا معاك ..وماماك فاقت..ماخاصهاش تشوفك هاكا ..توݣضي .

نور حركت راسها بالإيجاب وتكات على صدرو براسها حاسة بالامان معاه .. تبسم وتحنى شوية هزها بين يديه خارج بيها من تما.... وصل قدام اللوطو هبطها حتا حل الباب ديال الطوموبيل وعاونها تركب .عاد دار جهتو..

نور شافت فيه: مابغيتش نمشي لديك الدار عفاك ديني لدارنا

إشطاق تبسم بهدوء ونطق بصوت باح ممزوج ببحتو الرجولية الخاترة: نمشيو لداارنا ..