قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل 30 🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt:165

عند سيف اللي غير ركب فسيارتو كسيرا من تما . معارفش فين يمشي ..دار المدينة كاملة .تالف وهدرتها كتعاود فدماغو . وقف اللوطو ديالو قدام دارها .. رجع راسو للور تواني كيفكر وعقلو خدام . ماعرفش علاش جا عندها وشنو بينها وبينو . يلاه غيتحرك من تما شاف الطاكسي وقف ونزلات منو هازة حقيبتها . وبلوزة بيضة ديالها تبسمت فاش لمحاتو من اللوطو وقربات .عندو .

جنات نطقات بهدوء.: كون تعطلت شوية مكنتش غادي نلقاك .

سيف بلاما يشوف فيها: كنت غادي ..

جنات حطات يديها على البولة فوق يديه مباشرة : هبط نهدرو شوية . كيبان ليا عندك بزاف ماتقول . انا كنسمعك

سيف شاف ليها وبعد يديه عليها: ماعندي مانقول تصبحي على خير ..

جنات ماتسوقاتش حلات اللوطو : هبط ماتردهاش فوجهي نزل سمع شنو غادا نقولك وسير الى بغيتي ..

سيف تنهد بقلة حيلة ونزل .. هي سابقاه وهو تابعها . حلات باب الدار وبعدت حتا دخل . خلاتو جلس فالصالون ومشات الكوزينة . وجدات قهوة وجات جلست حداه . مدات ليه الكاس ديالو . ونطقت

جنات : شنو كاين كنسمعك .

سيف رشف من كاسو وشاف فيها : والو ماكاين والو ماتبقايش تسولي .

جنات حطات قهوتها وزادت مقربة عندو : واش هادشي اللي فيه نتا بسبب شي مرا . هي اللي وصلاتك لهاكة . من عينيك وبلاما تهدر قدرت نعرف باللي العشق اللي وصلك لهاد الحالة ..

سيف ببرود: هي اللي بغات تمشي ..ختارتو وخلاتني .

جنات باهتمام: علاش اختارت تكون معاه وماشي معاك شنو درتي ليها .

سيف بصوت مبحوح: خليتها فنص الطريق ..

جنات : شنو كتسنى منها توقف فنص الطريق وتسناك ترجع . من حقها تشوف حياتها .

سيف عينيه حمرين : حياتها كانت راسماها معايا ...

جنات : نتا بيديك هدمتي ديك الرسمة ..

سيف قرب عندها ونطق: كنت مجبور نمشي وهي ماصبراتش معايا .

جنات بنفس البحة: نتا صبرتي معاها . كون شافت فعينيك كاتبغيها .مكانتش غاتمشي وتعيش قصة حب اخرى .

سيف ببرود: شنو كاتشوفي فعينيا نتي ..

جنات بهدوء: كلشي كيبان فعينيك الحب عماهم ومابقيتيش كاتشوف من غيرها . مدام باغيها رجعها ليك . ماتخليهاش تمشي .