قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل 21🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt:113

تعاشات العشية ..كانت جالسة فبيتها اللي مخرجاتش منو النهار كامل . حتا جات عندها حليمة جابت ليها قفطان بالحزام خفيف وسباط ميني طالون . عاونتها لبسات وقادات وجهها اكتفت بمايكب خفيف .. كانت ساكتة وملامحها ممحية .. تنهدت بصوت عالي او وقفت حيت الناس جاو وخاصها تهبط ..حلات باب بيتها لقات نور لابسة عباية بضية ونقاب ابيض .هبطو بجوج حتا وصلو الصالون فين كانو مجموعين جلست جنب بين إسحاق وصهيب.. دورت وجهها مشافتوش ومقدراتش تسول عليه ..وارتاح نسبيا انه مغاديش يحضر..

سمية تبسمت وشافت فولدها: ايوا مدام عروستنا جات نلبسو الخواتم ..

حليمة داخلة هازة بلاطوو فيه التمر معمر باللوز والكاجوو.والحليب مع الخواتم .. ديك الساعة طلبو منو يتحول حداها .. كان فكامل اناقتو وهيبتو الوقار والروجولة كتبان واضحة عليه اللي شافو ميقولش هاد سايكو ومهووس بيها

. غير جلس مدوو ليه الحليب والتمر عطاهم ليها وهو مبتسم .وحتا هي نفس الشي واخا يديها كيرجفو بالخوف قدرات تعطيه . هز خاتم ديال الذهب منقوش إسمو فيه .. لبسو ليها فصبعها .. وهز خاتموو اللي فيه سميتها مدو ليها .حتا هي لبساتو ليه تحت تصفيقات الباقي ...

حليمة قربت عنقات بنتها: الله يسعدك ابنتي ويفرحك...

ريحانة تبسمت بمرارة: أمين اماما دعي معايا ..

حليمة : دعواتي ديما معاك.... الله يعاونك .

إسلام شد ليها فيديها ونطق قدامهم كاملين: كنواعدك غاتكوني احسن إمراة . غانعيشك عيشة الاميرات تيقي فيا .

صهيب : شفتي والى مدارش هادشي غانهجمو عليه .

إنصاف همسات فودنو: زعما نتا درتي هادشي . ولا حلال عليكم وحرام علينا .

صهيب تبسم بمكر: تاتكوني بحالها ونقية بحالها نهزك فوق رموش عينيا .

جملة دازت على ودنيها .. شافت ف إنصاف كيفاش عينيها عمرو بالدموع وتزݣو قربات عندها ونطقت .

نور : ماديهاش فيه ..هاداك هكاك داير فمو ناقص .. كون مكانش كيبغيك مغاديش يتزوجك ..

إنصاف ببرود: لهلا يوريك شنو كيبغي وشنو باغي هاداك .. سيري حدا راجلك كيقلب عليك .

تلفتت بان ليها كيشوف فيها رجعت وقفت حداه وهو بالسيف قبل تجلس معاهم

اسحاق: ماتحركيش من حدايا ..

نور : واخا !!!!

أحمد : اسيدي يلاه نتعشاو .ونكملو هدرتنا . والله يجعل كلشي مبارك و مسعود ..