قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل الثاني 🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt:05

نور حنات راسها بتوتر كتفرك فصبعان يديها وعينيها دغيا دمعوو وبان فيها باللي غاتبكي

ريحانة شافتها هكاك عزات عليها دغيا قلبات الموضوع: ماشي عمك انور قولي بعدا غير خويا .. شرفتي لينا السيد .

نور هزات عينيها كترمش بالزربة وشافت فيه: بصاح تقلقتي فاش قلت ليك عمي ...سمح ليا مانعاودش (كتحرك راسها يمين وشمال )

إسحاق بهدوء مركز مع حركة شفايفها الحمرين ومتمرين بحال حبات الكرز وعويناتها اللي كيلمعو واكتفى بالصمت ....

حليمة عرفت راسها جرحتها فاش فكرتها فقرايتها: كبرت هنا من اللي عندها عامين جات لهاد الدار كبرات على يدي زوينة وفيها واحد البرائة فشكل مابقاتش فبنات اليوم .. وهي عيطات ليك عمي حيت احترمتك ..

إسحاق تنهد او وقف : غانمشي نرتاح !!

حليمة : واخا اولدي راه صهيب يمشي معاك تشوف بيتك ..بينما وجد الغدا ونعيطو عليك ..

طلع بلاما يتسنا جواب منها مخلي صهيب لاحق عليه وكيهدر ويبلبل بوحدو غير وصل قدام البيت دخل وسد على صهيب فوجهو مخليه مصدوم ..

صهيب : هدا مااالو ؟؟؟

عند نور دخلات الكوزينة لقات ماماها كتوجد الغدا قربت حداها خدات كرسي وجلست جنبها ..

نور كتهدر وتحرك يديها بحركة طفولية : نااري أماما وتشوفيه شحال عملاق .. كبير بزااف يهزني ويلوحني للتلت الخالي فرمشة عين ..

رحمة تبسمت على هبال بنتها: خفتي منو ابنتي ياكما زبلتيها قدامو عارفاك مكتوزنيش ..

نور حركت راسها بنفي: لا بالعكس قلت ليه عمي حيت شفتو عامر وعرييض بزاف خفتو يتقلق الى محتارمتوش ..

حليمة دخلت على حديتهم: بنتي نور غير قولي ليه عمي ماتقلقش منك هو هكاك داير قليل فين يتبسم ولا يضحك وراه عارفك نويتي فيها الاحترام ليه ...

نور نزلات من الكرسي وحنا راسها بحشمة: واخا اخالتو ..غانبقى نقولها ليه ديما .

حليمة طبطبت على كتفها: يلاه سيري ابنتي عند ريحانة جلسي معاها شوية وخليني نهدر مع ماماك شوية ..

نور تبسمت بخفوت وخرجت من الكوزينة عند ريحانة ..

داز حديت خاص بين حليمة ورحمة مكانش طويل بزاف قد مكان مهم عندهم بجوج موضوع اللي من زمان هدرو فيه ودابا وصل الوقت اللي يطبقوه ..خلاتها تقابل شغلها وطلعت الجناح ديال ولدها مزال ماشبعاتش منو وتوحشاتوو وبغات تهدر معاه ويعاود ليها وتعاود .. دقات بشوية فالباب حتا حل عليها وعطاها الإدن باش تدخل سبقاتو وجلست فوق الكنابي .مخلية ليه بلاصة فين يجلس حتا هو ..