ညနေ ၄ နာရီလောက်ကျတော့ သက်လွှာရဲ့ အိမ်ကို တာရာနဲ့ ပြည့်ဖူးတို့ ရောက်လာကြသည်။ ပြီးတော့ ဟော့ပေါ့လုပ်စားကြဖို့ ပြင်ဆင်ကြပါတော့သည်။
" ငါလမ်းထိပ်မှာ သောက်စရာ အအေးသွားဝယ်လိုက်ဦးမယ် သက်လွှာ "
" ငါလည်း လိုက်ခဲ့မယ်လေ .. "
ရှိုင်းတာရာက ယောကျာ်းသားပီပီ ဂတ်စ်မီးဖိုနားမှာ ဟော့ပေါ့အိုးအတွက် အသားတွေနဲ့ အသီးအနှံတွေထည့်ပြုတ်နေရသည်။ မိန်းမသားတွေဖြစ်တဲ့ သက်လွှာနဲ့ ပြည့်ဖူးက လမ်းထိပ်ကို အအေးသွားဝယ်ဖို့ ဟန်ပြင်နေကြ၏။ သိမ်မွေ့ထည်ကတော့ ရောက်လာတဲ့ ကြောင်ပေါက်လေးတစ်ကောင်နဲ့ အလုပ်ရှုပ်နေလေရဲ့။
Wet tissue နဲ့ ကြောင်လေးကို သန့်ရှင်းရေးလုပ်ပေးနေပြီး လက်ကိုင်ပဝါလေးနဲ့ သေချာသုပ်ပေးနေ၏။
" ညှောင် .. "
" ဆာပြန်ပြီလား သမီးလေးရဲ့ .. နို့သောက်ချင်လား .. နို့ .. "
ကြောင်လေးကို မျက်နှာရှေ့တည့်တည့် မြှောက်ကိုင်ထားပြီး ကလေးတစ်ယောက်လို ချော့မြူပေးနေသည့် အပျိုကြီး ဒေါ်သိမ်မွေ့ထည်။
" သက်လွှာရေ .. နို့ .. နို့ "
သက်လွှာက ဟိုးခြံရှေ့ရောက်နေပြီမို့ ခပ်မြန်မြန်ထရပ်ကာ သိမ်မွေ့ထည် အမီလေး လှမ်းအော်လိုက်ခြင်းသာ .. ။
" ဟင် ဘာနို့လဲ .. "
ဒါကို သက်လွှာဟာ ပြူးကြောင်ကြောင်လေးနဲ့ ခြံတံခါးဝမှာရပ်ပြီး ခေါင်းကိုအောက်ငုံ့၍ သူ့ရင်ဘတ်ကို ပြန်ငုံ့ကြည့်နေသည်လေ။
" ဖတ် .. "
" အ .. "
" ဟဲ့ အရူးမ .. အန်တီက သူ့ကြောင်လေးအတွက် နွားနို့ဘူး မှာနေတာဟဲ့ "
ပြည့်ဖူးက လက်မောင်းကို လာရိုက်ပြီး အသံစူးစူးလေးနဲ့ အော်ပြောမှ သက်လွှာ ရယ်ကျဲကျဲနဲ့ ခေါင်းလေးကုတ်နေပါတော့သည်။ အပျိုကြီး သိမ်မွေ့ထည်ကတော့ ရှက်ရှက်နှင့် ဘာမှတောင် ထပ်မပြောပဲ အထဲပြန်ဝင်သွားလေရဲ့။ မျက်နှာကလည်း ခရမ်းချဉ်သီးလေးလို ရဲတက်လို့နေပါတော့သည်။
" နင်တို့ကို ငါပြောစရာတစ်ခုရှိသေးတယ်။ တကယ်တော့ ငါတီလေးနဲ့ တွဲနေတာ ၅ လလောက်ရှိနေပြီ "
ESTÁS LEYENDO
Elegant
Romanceလှပကြော့ရှင်းသော ချစ်ခြင်းမေတ္တာသည် အမုန်းတရားမှ စတင်ပေါက်ဖွားလာခြင်းဖြစ်၏။ Own Creation by Moe(JE Rain)
