رقصة بين أحضان الموت 🩰♡𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍

| 𝔓𝔞𝔯𝔱 |1🍷:

                       | 𝔓𝔞𝔯𝔱 |1🍷:

﴿ الـكره و الإنـتـقـام رحـى تـدور و تـطـحـن الـجمـيـع و لـن يـكـسـرهـا ســوى الـتـسـامـح و الـتعـايـش و قـبـول الاخـر﴾

فأول إشراقة شمس ، كان الجو هادئ وساكن ،مع القليل من نسيم البحر البارد لي عطا للجو انتعاشة صباحية كتحل النفس .

وسط حي من احياء الطبقة الأرستقراطية ، وبضبط فقصر عائلة الشرقاوي. فاقت على عادتها بكل نشاط. من ديما عزيز عليها تفيق بكري باش تسمتع بداك الجو حيت كترتاح فيه وفنفس الوقت حيت هي انسانة منضابطة ومنضمة ، كتعطي لكل حاجة فحياتها وقتها.
بعدما خدات دوش خفيف ووجدات راسها هبطات نيشان للجردة .

لقات الأم ديالها جالسة كتفطر ، قربات ليها معانقاها من الخلف.

لالة زهرة (غوتات): حراام عليك اخديجة كنقوليك ديما متبقايش تخليعيني هاكا.

خديجة (باستها فخدها عاد جلسات قبالتها كتفطر) : شنو منعنقش الزين ديالي أنا.

قاطع حوارهم دخول الأب.

احمد الشرقاوي(بوجه صارم): صباح الخير

لالة زهرة: صباح النور، (عيطات للمساعدة تجيب ليه القهوة ديالو)

ناضت خديجة باستو بدورو عاد نطقات : صباح النور بابا

احمد الشرقاوي: الله يرضي عليك ابنتي
(وجه نضرو جيهة زهرة) : فين هو داك ولدك ، مالو ماجا يفطر معانا كيف الناس.

لالة زهرة (بتوتر) : غير بقا ساهر مع صحابو ودخل شوية معطل بليل داكشي علاش صبح ناعس خليه يرتاح شوية.

احمد الشرقاوي (بنبرة صارمة): راني عارفو مباتش فالدار وماجا تاصبح الحال ،باراكة متغطي عليه، هاد الفشوش ديالك هو اللي خرجو على طوعي.

عرفات خديجة ان التوتر غيبدا داكشي علاش سلمات عليهم وقررات تنساحب : نخليكم دابا خصني نمشي.

لالة زهرة: واخا ابنتي ردي البال لراسك.

احمد الشرقاوي: بسلامة ابنتي.

بقا حاط عينيه على خديجة حتا شافها ركبات فسيارتها ومشات عاد استانف كلامو
احمد الشرقاوي: مدويتيش معاها فالموضوع.

لالة زهرة(تنهدات): معرفت منين نبدا ولا نوخر ليها ، كن غير حيدتي عليا هاد الحمل ودويتي معاها نتا هي كتسمع ليك ومتقدرش تطيح كلامك.

احمد الشرقاوي: ولابد ماتخبريها هادشي ماشي لعب ملزوم عليها تمشي ودوز من هاد المرحلة بحالها بحال ولاد جيلها.
اليوم غايكون الاجتماع ديال كل عام يعني مابقا والو خصها تكون واجدة.

لالة زهرة: واخا غير ترجع من الجامعة ويكون خير ان شاءالله.
نمشي نفيق عدنان يالله يوجد راسو باش يمشي معاك للاجتماع.