“ နှစ်ယောက်မှာ ဘယ်သူက အရင်ဆုံးဖွင့်ပြောခဲ့လဲဆိုတာ ပြောပြလို့ရမလား ”
“ ___ ”
“ ____”
.
.
.
ဒေါက်...ဒေါက်
မနက်စောစောစီးစီး အခန်းတံခါးလာခေါက်တဲ့အသံကြောင့် အအိပ်ဆတ်တဲ့ဒိုယောင်းမှာ လန့်နိုးသွားရသည်။
“ ဟုတ်ကဲ့ ”
“ ဒိုယောင်းနား ငါပါ ”
ရုတ်တရက်ကြားလိုက်ရတဲ့ ထယ်ယုံးအသံကြောင့် ဒိုယောင်းအိပ်မက်မက်နေသည်ဟု ယူဆလိုက်မိသည်။ ထယ်ယုံးက သူ့ဆီကို မနက်စောစောစီးစီးလာလေ့မှ မရှိလေဘဲ။
ခဏထပ်အိပ်ပြီးတော့ မျက်လုံးနှစ်လုံးဖွင့်လိုက်တာနဲ့ ဘေးမှာထိုင်နေတဲ့ ထယ်ယုံးကိုမြင်လိုက်ရတော့ ဒိုယောင်းအံ့ဩသွားရသည်။ ကြည့်ရတာ စောနက အခန်းတံခါးလာခေါက်တာက အိပ်မက်မဟုတ်ခဲ့ပုံပင်။
“ အီထယ်ယုံး? ”
နာမည်ကိုခေါ်လိုက်ပြီးမှ အိပ်ရာကထကာစမို့ အသံကထူးထူးဆန်းဆန်းဖြစ်နေတာကို သတိပြုလိုက်မိတာမို့ ဒိုယောင်းမှာအနည်းငယ်ရှက်သွားရသည်။
“ မနက်အစောကြီး ဘာကိစ္စရှိလို့လဲ ”
“ အောက်ထပ်... အောက်ထပ်ရောက်မှပြောတော့မယ် မြန်မြန်သန့်ရှင်းရေးလုပ်ပြီးဆင်းလာ ”
စကားတွေ အထစ်ထစ်အငေါ့ငေါ့ပြောရင်း ထွက်ပြေးသွားတဲ့ ထယ်ယုံးကိုကြည့်ပြီး ဒိုယောင်းမှာကြောင်တက်တက်လေး ကျန်ရစ်ခဲ့သည်။
** ဒီကောင်ဘာဖြစ်သွားတာပါလိမ့် **
အောက်ထပ်မှာစောင့်နေမယ်ဆိုတဲ့သူကြောင့် ဒိုယောင်းရေပင်ချိုးမနေတော့ဘဲ မျက်နှာပဲခပ်သွက်သွက်သစ်ပြီး အောက်ဆင်းလာခဲ့သည်။
အောက်ထပ်ရောက်တော့ မနက်စာပြင်ပေးနေတဲ့မေမေနဲ့ မေမေ့ကိုကူပေးနေတဲ့ထယ်ယုံးကိုကြည့်ပြီး ယောက္ခမနဲ့သမက်နဲ့တူတယ်ဆိုတဲ့ ပေါက်ကရအတွေးက ခေါင်းထဲကိုဝင်လာတာမို့ အသာခေါင်းယမ်းရင်း ဖယ်ရှားလိုက်ရသည်။ အီထယ်ယုံးကို ယောက်ဖမတော်ချင်ပါ။ တော်ချင်ရင်တောင် ဒိုယောင်းမှာအစ်မရှိမနေ။
YOU ARE READING
THE SECOND CHANCE
FanficSometimes, two people have to fall apart to realize how much they need to be fall back together __ Colleen Hoover __
