ဒုံဟျွန်းဟျောင်းဆီကတောင်းထားတဲ့ ဒိုယောင်းရဲ့အချိန်ဇယားစာရွက်ကိုကြည့်ပြီး ထယ်ယုံးငေါင်ငေါင်ကြီးထိုင်နေမိသည်။
ဒိုယောင်းပြောသွားတဲ့စကားတွေက အခုထိနားထဲကမထွက်သေး။
ဘယ်တော့မှအရင်လိုမဖြစ်နိုင်တော့ပါဘူးတဲ့။ ခါးသီးလွန်းတဲ့ဒိုယောင်းရဲ့သဘောထားကို ထယ်ယုံးနာနာကျင်ကျင်လက်ခံလိုက်ရသည်။
“ ထယ်ယုံးနား ”
အနောက်ကနေ ရုတ်တရက်ရောက်လာတဲ့ထယ်ယွန်းနူးနားမသိရအောင် မျက်ဝန်းထောင့်မှာတွဲခိုနေတဲ့မျက်ရည်စတွေကို ကမန်းကတန်းပွတ်သုတ်လိုက်ပြီးမှ နူးနားဆီလှည့်ကြည့်လိုက်မိတော့သည်။
“ ဘာလို့လဲ နူးနား ”
“ ဘာဖြစ်နေတာလဲ မျက်နှာက ”
“ ဘာမှမဖြစ်ပါဘူး ဘာကိစ္စရှိလို့ အိမ်အထိ ရုတ်တရက်ကြီးရောက်လာတာလဲ ”
“ ဖုန်းဆက်နေတာကိုမကိုင်လို့လေ ကောင်စုတ်လေးရဲ့ ”
“ အာ ဆောရီး ဖုန်းကိုအသံပိတ်ထားမိလို့ တစ်ခုခုရှိလို့လား ”
“ အင်း နင့်ကိုဒါလာပေးတာ ”
“ ဘာကြီးလဲ ”
ထယ်ယွန်းနူးနားကမ်းပေးလာတဲ့ဖိုင်ကိုလှမ်းယူလိုက်ရင်း ထယ်ယုံးမေးခွန်းထုတ်မိသည်။ နူးနားအိမ်အထိလိုက်လာတယ်ဆိုကတည်းက ကိစ္စတစ်ခုခုရှိလို့ဆိုတာသိပေမယ့် ကိုယ်ပိုင်ဘရန်းအဖြစ်တည်ထောင်ဖို့ D&Tကနေထွက်လာကတည်းက နူးနားနဲ့သူကြားမှာ အလုပ်နဲ့ပတ်သက်ပြီးပြောစရာမရှိတော့တာမို့ အခုလိုဖိုင်ကြီးလာထိုးပြတာကိုက ထူးဆန်းနေလေသည်။
“ ဒိုယောင်း-ssiနဲ့ရိုက်ဖို့စီစဉ်ထားတဲ့ကြော်ငြာလေ နင့်ကိုလာပြတာ
ဘာပဲပြောပြော နင်ဆွဲထားတဲ့ဒီဇိုင်းတွေဆိုတော့ နင်သိသင့်တယ်ထင်လို့ ”
နူးနားပြောလိုက်မှ D&Tမှာရှိတုန်းက သူဆွဲပေးခဲ့တဲ့ဒီဇိုင်းတွေ နူးနားဆီမှာကျန်နေသေးတာကို အမှတ်ရသွားမိသည်။ ထိုစဉ်ကတည်းက ဒိုယောင်းအတွက်ရည်ရွယ်ပြီးဆွဲခဲ့တဲ့ဒီဇိုင်းတွေမို့ လိုက်ဖက်မယ့်မော်ဒယ်ကိုမရှာနိုင်ခဲ့တာကြောင့် မထုတ်ဖြစ်ခဲ့ဘဲ အခုထိကျန်နေခဲ့တာဖြစ်ပြီး အခုအချိန်မှ တိုက်တိုက်ဆိုင်ဆိုင် ဒိုယောင်းက Brand Ambassadorဖြစ်လာခဲ့တာမို့ နူးနားကအခွင့်အရေးကိုအမိအရအသုံးချလိုက်ဟန်တူသည်။
YOU ARE READING
THE SECOND CHANCE
FanfictionSometimes, two people have to fall apart to realize how much they need to be fall back together __ Colleen Hoover __
