အပိုင်း - ၃၄
ချိုချိုချဉ်ချဉ် ကိုကို့ရင်ခွင် 🍀📖
အိမ်ပြန်ရောက်သည်နှင့် အင်္ကျီလေးလဲမည်လုပ်နေသည့်ပူတင်းလေးကို ခဏတားထားရသည်။
"ကိုကိုဘာလုပ်မလို့လဲ အင်္ကျီလဲချင်ပြီကိုကိုရဲ့"
"ခဏလေးပဲ ကိုဆန်းသစ်ကိုစောင့်နေတာ လာတော့မယ်တဲ့"
သရက်ပင်ကြီးအောက်မှ ခုံလေးပေါ်ထိုင်၍ ခမ်းလေးထိုင်စောင့်သည့်အခါ ကိုကိုကဘေးတွင်ဝင်ထိုင်သည်။ လူဘေးအတင်းကြီးကပ်ထိုင်နေသည့်အခါ တံတောင်ဆစ်နှင့်တွန်း၍ ထောက်ထားပစ်သည်။
လေလေးတဟူးဟူးနှင့် နေလို့ကောင်းသလို ထိုလေးလေးထဲ ဆံနွယ်လေးများ လွင့်နေသည့်ပူတင်းလေးကြောင့် မေးထောက်၍ ကြည့်မိသည်။ ဒါကိုသိတော့ ရှက်သွားသူလေးက သူ့ကိုကျောပေး၍ ဘေးတစ်စောင်းလေးပြောင်းထိုင်လေသည်။ ယခုဘယ်လိုဖြစ်နေသလဲဆိုလျှင် ခုံတန်းပေါ်တည့်တည့်မထိုင်ကြပဲ နှစ်ယောက်သား ဘေးတစ်စောင်းကြီးများထိုင်နေခြင်းပင်။
"မှာထားတဲ့ဆိုင်က ဖွင့်တာနောက်ကျလို့အကိုကြာသွားတယ်ကွာ"
"ရပါတယ်ဗျ အကိုကောင်းကောင်းသုံးတတ်တယ်မလား "
"ဒါပေါ့ကွ ပုံကောင်းစေရမယ်"
"ဒါဆိုရပြီ ပူတင်းလေးထ"
"ကိုကိုဘာလုပ်မလို့လဲ"
"ဓာတ်ပုံရိုက်မလို့ပေါ့ကွ ကိုကိုဓာတ်ပုံရိုက်ချင်လို့ camera သွားဝယ်ခိုင်းထားတာ နေအုံး လက်ထပ်စာချုပ်လေးတွေသွားယူပေးမယ်"
ကိုကိုကအိမ်ထဲဝင်ပြေးသွားသည့်အခါ အကိုကြီးဆန်းသစ်ကို အို့တို့အမ်းတမ်းနှင့် ပြုံးပြရသည်။
နဂါးမောက်ခြံကြီးအတွင်း ပန်းအလှများလဲစိုက်ပျိုးထားသည်ကြောင့် ပုံရိုက်ရန်မြင်ကွင်းမှာ လှပလေသည်။ အပြာရောင်စုံတွဲလေးမှာ အပြာရောင်လက်ထပ်စာချုပ်လှလှလေးကို ကိုယ်စီကိုင်၍ ပန်းပင်လေးများကြား ပုံစံအမျိုးမျိုးထုတ်၍ ပုံရိုက်သည်။
ကျန်သည့်အချိန်ကိုကိုနှင့်အတိုင်အဖောက်ညီချင်မှညီလိမ့်မည်ဆိုပေမယ့် ပုံရိုက်လျှင်တော့ ခမ်းလေးတို့သိပ်ကိုညီပါသည်။ ခမ်းလေးပခုံးကိုဖက်၍တစ်ခါ၊ ခါးကိုဖက်၍တစ်ဖုံ၊ မေးကိုကိုင်ပြီးပါ ပုံလှလှလေးများထွက်အောင် က်ိုကိုကသေချာရိုက်ခိုင်းလေသည်။
YOU ARE READING
Be My Bride 🌷💙 ချိုချိုချဥ်ချဥ် ကိုကို့ရင်ခွင်
Romance"ပူတင်းလေးကဘာလဲ" "ကိုကို့အပိုင်" "ကိုကိုတို့ကရောဘာလဲ " "မောင်နှမ" "ဟာ..."
