(Unicode)
ငုတ်တုတ်ထိုင်တတ်နေသည့် တစ်နှစ်သမီးခလေးလေးတစ်ယောက်ဟာ ခွန်းစစ်နှင့်အတူဆော့နေလေသည်။ ပေါက်စလေးဆိုတော့လဲ လက်ခုပ်လေးတီး၍ မြူလိုက်သည့်အခါ ဘာမသိညာမသိနှင့်လိုက်၍ရယ်နေလေသည်။
"ဒီကောင်ညီမလေးလိုချင်နေတာဖြစ်မယ်ကွ"
"ထပ်မွေးပေါ့ခွန်းရာ "
"ကိုဥဿာကလဲ မွေးချင်တာပေါ့ဗျ ငယ့်ဆန္ဒကိုမေးကြည့်ရအုံးမှာဗျ"
"သားလဲ ၅ နှစ်ရှိပြီပဲကွာ ယူလို့ရပါပြီကွ"
"နေပါအုံးဗျာ"
ခွန်းနှင့်ကိုဥဿာဟာ ခလေးနှစ်ယောက်ပျော်နေကြသည်ကိုကြည့်၍ နောက်ခလေးထပ်ယူဖို့ပြောနေကြခြင်းဖြစ်သည်။
"ငယ့်လာပါအုံးကွ"
"ဘယ်လိုဖြစ်နေတာလဲကိုကြီးရယ် ဒီမှာအသုတ်လေးသွားသုတ်တာကို"
ဖြူငယ်ရယ် လွန်းငယ်ရယ် အသုတ်သုတ်ပြီး၍ထွက်အလာ ကိုကြီးကပြာပြာသလဲ လက်ကဆွဲ၍ထိုင်ခိုင်းလေသည်။
"ငယ့် ကိုကြီးတို့ခလေးထပ်ယူကြမလား"
"ဟော မယူပါဘူး သားတစ်ယောက်ဆိုလုံလောက်ပြီလေကိုကြီးရယ်"
"သားကညီမလေးလိုချင်တယ်နဲ့တူတယ်ငယ်ရဲ့ ကြည့် Yuri လေးအနားကကိုမခွာတာ "
"သားကလိုချင်တယ်တဲ့လား "
"လိုချင်တယ်တဲ့ငယ်ရဲ့ မယုံရင်မေးကြည့်ပါလား"
ဖြူငယ်လဲ သိချင်လှသည်ကြောင့် သားအနားလေးသွားထိုင်လိုက်သည်။
"သား "
"ဗျာမေမေ"
"သား Yuri လေးကိုချစ်လား"
ခွန်းစစ်ရှေ့က မျက်လုံးဝိုင်းဝိုင်း ပါးဖောင်းဖောင်း မျက်တောင်ကော့ကော့လေးနှင့် နှုတ်ခမ်းဖူးဖူးခမ်းငယ်လေးကို တစ်ချက်ကြည့်လိုက်သည်။
"ချစ်တယ်မေမေ "
"Yuri လေးလိုညီမလေးလိုချင်လားသား"
အားလုံးကခွန်းစစ်၏အဖြေကိုကြားချင်နေကြ၍ နားစွင့်နေကြသည်။
"လိုချင်တယ်မေမေ"
"မေမေမွေးပေးရမလား Yuri လေးလိုညီမလေးလေ"
ESTÁS LEYENDO
Be My Bride 🌷💙 ချိုချိုချဥ်ချဥ် ကိုကို့ရင်ခွင်
Romance"ပူတင်းလေးကဘာလဲ" "ကိုကို့အပိုင်" "ကိုကိုတို့ကရောဘာလဲ " "မောင်နှမ" "ဟာ..."
