شوق محرم|| Forbidden Longing

تنويه!!!

* رواية بداريجة ايلا ماكتعجبكش الدارجة ماكين لاش تجي تنتاقد الرواية و القراء ديالها...

*غادي يجيكم بلي البطلة زاعمة على البطل و حتى البطل زاعم على البطل فاول نهار غيتلقاو فيه.. ما تخافو ما دهشو.. حيت كبرو مع بعضياتهم.. هاد المعلومة ما كنتش باغة نديرها فتنويه و لكن بزاف لاحضت انهم ما فهموش لبلان مزيان.. مهم مع غتقراو كتر غتعرفو العمق ديال الماضي لي كيجمعهم بالحزن و الحقد و حتى الكيوتنس بعد المرات...

*البطلة ما تسوى ما تصلاح لفيعة كيروضها غير البطل... ماشي شريييرة بمرة فيها حوايج زوينين... شخصيتها واقعية ماشي مثالية..

*البطل ماشي سادي او لا من نوع لي كيعنف المراة و لكن ماشي بيرفكت حتى حد فهاد رواية ما بيرفيكت حاولت نخليها واقعية ما أمكن نتمنى تفهمو شنو بغيت نقصد...

*ماشي بارد و جامد سيبيريا الغربية... لا صراحة جاسر عصبي بزاف دمو حامي و عندو واحد النفس فشكل و مغياااار و متملك ديال بصح..

*الأبطال ماكيبغوش بعضياتهم و لكن بيناتهم رابطة لي صعيب يفهموها كتخليهم مربوطين ببعضياتم... ما كينش شي حقيقة محتومة يقدرو يكونو كيبغيو بعضياتهم و لكن مازال مافهمو مشاعرهم...الله أعلم... الرواية عبارة عن بلوت تويست كتقرا الحاجة كتخرج ليك حاجة اخرى..

*ما كنديرش نهايات حزينة و لكن كيبقاو غير متوقعين اما الحزن فكاين و لكن حتى السعادة حاضرة و الفراشات بنسبة كبيرة حيت هادي رواية رومانسية..

* ايكونو  شي مواقف لي اجتماعيين داخلين في القصة حيت رواية عندها بعد اجتماعي من غير الرومانس...

*التفاعل كل ما زاذ التفاعل التنزيل كيكون اسرع و أكثر حيت راه انا بنادم كنتحفز ملي كنشوفكم كتفاعلو مع الرواية او عاجباكم و كل ما تفاعلتو الانتاج كيزيذ...

*اسلوبي يختلف عن باقي الكاتبات لا فالسرد و لا في الحوار يقدر يجيك جديد عليك و لكن لكنتي مولف بالروايات العربية غيجيك عادي ثانيا اسلوبي عصري قريب شوية الروايات الاجنبية بزاف و لكن القصة ديالي مائة بالمائة ابداعي الخاص و ما غتلقاها فحتى بلاصة لفي روايات العربية و لا حتى الاجنبية و لي تجرأ ينسخها ورقياً او الكترونيا مايلوم غير راسو... و قد اعذر من انذر...

*كنسرد الاحداث و حركات الشخصيالت الخ و حتى افكارهم و مشاعرهم فنفس الوقت
و كين ما يسمى ب dual pov يعني وجهة نظر الابطال بجوج حاضرة و انا كنميكسي بيناتهم بجوج فالفصل..

*أخيراً الرواية قصتها جديدة او واقعية بشكل كبير او غتخليك متحمس تكملها فنهار و  انا متأكدة غادي تعجبكم كيف ما عجبات بزاف ديال البنات♡

*رواية فيها تخسار الهدرة و مشاهد حميمية رومانسية ماشي بالتفصيل يعني ماشي +18.. الرواية ما دايراش على الجنس و تخسار الهدرة... ما كينش فكل جملة و كل فقرة حتى هو من الواقع لي كنطرحو فالرواية...