شوق محرم|| Forbidden Longing

part20: قلب يخاف على أميرته

Song: shut up and listen ......................................................................................................................................................

مروى ما كيهمهاش الزواج و ما دايراهش أصلاً في بالها.. و بالأخص إيلا الخطاب كانو من طرف سعيد.. باين العربون بلاما تحتاج تفكير.. هزات وجها كتشوف فسعيد لي ما قداه فرحة.. و قالت بقوة:

"ماباغاش نتزوج دبا واخا نبقا بلا زواج حياتي كاملة ما عنديش مشكيل..."

سعيد فقد الإبتسامة و شاف فيها بجمود و قال بصوتو المبحوح لي كيعيفها هي و صفاء:

"ياكما كيصحابليك جاي نتشاور معاك؟.. انا جيت غير نعلمك و بزز منك غتقبلي.. ياكما كيصحابليك غتبقاي شادة لي ركنة فابور ما خدامة ما مزوجة.. و نزيذك ختك قريب غتزوج و ما بقاش ليها بزاف.. يعني حسن ليك تستغلي الفرصة لي عمرها غتعاود مرة اخرى.."

مروى بقات كتشوف فيه و دموع كينزلو من عينيها.. ايلا ما قبلاتش غيضربها هادي حاجة لي باينة.. و لكن شنو كيقصد بلي صفاء قريب غتزوج.. ياكما حتى هي غيبزز عليها شي واحد من الشماكرية لي كيعرف؟.. ما قدراتش تجاهل السؤال لي فراسها و نطقات بيه بلا ما تشعر:

"بيمن غتزوج صفاء؟.."

سعيد رجع لور و تكا على الوسايد ديال صالون و ابتسامة خبيثة ترسمات على وجهو من جديد عاد قال:

"قريب غادي تعرفي.. نتي غير وجدي لي راسك و صافي ما تفكري فحتى احاجة اخرى.. اااه.. ما تقوليهاش لديك سليعفانة غادي غير تصدع ليا راسي.. و راك عارفاني ما عنديش مع صداع الراس و ايدي سابقاني.."

مروى فهماتو شنو كيقصد.. يعني لمشات حتى قالتها لصفاء.. صفاء ما غتبغيش و غتدير حالة و سعيد غيضربها ديكساعات حيت اتعارضو.. مسحات دموعها
و قالت:

"أنا قابلة.. و لكن واش ما غنقولوهاش لصفاء؟.. حيت.. ضروري تعرف بلي ختها غتزوج.."

سعيد فرح حيت قبلات بلاما يضطر يخسر ليها كمارتها لي محتاجها دبا بزاف و قال:

"مني يقرب لعرس غتعرف.. غير كوني هانيا..."
....................................................................................

بقات كتشوف فالكومنود لي محطوطة قدامها.. حسب ما قال اليفرور.. جاسر هو لي كومونداها على ودها.. علاياش ناوي مرة اخرى؟.. اصلا مني بقا ساكت هاد نهار و ما دار حتى حركة من الحركات لي ولات مولفاهم منو من غير ديال القهوة لي ولفاتها حتى ولات من عداتها اليومية غير كتحط الكاس كتشرب منو بلاما يقولها ليها و هو بدورو كيشرب من نفس الجيهة و لكن حتى كتخرج هي باش ما تشوفوش..

تنهدات و هي كتشم ريحة طاكوس من وسط لومبالاج.. ريحتو كتشهي و هي فيها جووووع.. الموت ديال الجوع...

واخا فيها جوع ما غتاكلوش واخا يبقى هو اخر حاجة فهاد دنيا كتكال.. و داك زامل خاص تنقي ليه ودنيه غير بالفن و تعرف شنو تحت راسو..