شوق محرم|| Forbidden Longing

part2☆~:ترويض الأفعى

Snog>>>shut up and listen
...................................................................................................................................................................................☆•°~

وقف طوموبيل ديالو فالجاراج ديال المول... هي  دارت شافت فيه او حتى هو شاف فيها و هز حاجب واحد باستفهام.. هدرات من بعد ما رجع ليها صوت ديالها..

"علاش جينا هنايا؟"

ضحك ضحكة خفيفة بسخرية و قال:

"راه باينة باش نشريو ليك ما تلبسي"

غوبشات و هي كتشوف فيه...الحوايح هنايا غاليين و هي ما هزاش معها الفلوس من غير فلوس المركوب.. باينة جايبها غير باش يبان عليها بفلوسو لي بلي هو ولا الأمير لي ما تقدرش توصل ليه حتى فأخلام العصر دياولها.. حوايجها لي لابسة ما فيهم حتى عيب و أي وحدة بنت الشعب كتلبس بحال هكا و هو عارف غير بغا يستفرها..

و لكن دبر راسو ياك هو لي بغاها تلبس بحال الناس de luxe ايوا يشريهم راسو هي مالها... اهانتو لي بداها من اول نهار ليها فهاد الخدمة.. الكره ديالو لي ما نساهش واخا دازو سنوااات و هي كبرات و حتى هو... الإنتقام لي كان سبب فانه قبلها فهاد سطاج.. هادشي كامل يخشيه فكرو حيت هي باغة غير تقضي غرض و انتقامو غادي تستافد منو قدر  المستطاع.. هو لي خاسر..

هزات نيفها لسما او شافت فيه و هي مربعة ايديها عند صدرها و قالت:

"ماغنحطش درهم هي لخرة فيهم... نتا لي باغيني نلبس من الماركات اذن نتا لي غتخلص.."

شاف فيها بعينيه بنظرة خطيرة و هو كيقول:

"شتك بحال رتاحيتي بزاف لا؟ نسيتي بلي أنا المدير ديالك دبا و خاصك تحتارميني؟..  تبرهيش ديال شحال هادي نسايه أ صفاء.. كنا و كنتو و صرنا و صرتو"

هزات راسها بالنفي مني تفكرات الفالطة لي دارت و هي كتقول بلهجة مأدبة على لي قبل:

"سمح ليا نسيت راسي... غير حيت أول نهار مني غنولف مانبقاش نهدر بحالهكا.."

حاول ما امكن يخبي ضحكة ديالو من الملامح الطفولية ديالها و لي كتناقض مع الصورة لي كانت عندو عليها... ماتصورش انها تكبر و تزيان أضعاف الزين لي كان فيها و هي صغيرة و الحاجة لي ماكنتش على بالو هي ايجي نهار لي غتحدر عينيها بكل خضوع ليه و يحمارو ليها دوك الحنيكات لي ما كيعرفوش الحشمة نهائياً..

من المقابلة ديالو معها اليوم قدر يعرف طموحها القوي فهاد السطاج... و الحاجة القوية لي عندها  ليه بحال حياتها كاملة كتوقف عليه... هو عارف الحالة لي وصلات ليها عائلتها دبا... حيت كان مخدم باها عندو كعساس فنفس العمارة لي لقاها باركة فيها قبل و لي هي في الأصل ديالو او بالطبع صفاء ماعارفة من هادشي والو... لا باها لي كان خدام عندو و لا حتى الموبل لي دخلات ليه...

نفض الأفكار ديالو و قال ليها بصوتو الرجولي العميق:

"يله ندخلو واش معولة تبقاي حادرة داك الراس او مربعة يديك بحال شي تلميذة ديال الابتدائي ما حافضاش سورة الفاتحة.."