..............................................................................................☆•°
طفات على البراد و ضارت باش تجيب الصينية و لكن مع دارت لقات مروى فالكرسي ديالها كتشوف فيها بحزن...باينة سمعات المكالمة من لول...قربات منها صفاء و دفعات ليها الكرسي جيهة الميدة...
وجدات الفطور او حطات لي قسم الله فطابلة و لحد الان ما داواتش ايدها لي تسلخات بداك الحزام ديال باها و ناضت...بعدات مروى على الميدة و مشات لواحد المجورة تحت البوطاجي لي محشرة عليه حتى الخشب ديالو ولا مقشر... جبدات منو دوا الحمر
و القطن و رجعات لعند صفاء..
"أجي نداوي ليك إيديك غادي تعدوا الا خليتيها..."
هزات صفاء كرسي من حدا الطابلة و مشات العندها... بركات حداها و مدات ليها ايديها...قادات مروى القطن
و الدوا و بدات كطبقو ليها على يدها...عضات صفاء فمها بألم و عقدات حجبانها و الجسد ديالها تكمش من قوة الحريق ديال الضربة...مروى بلاما تحس بداو كيهبطو ليها الدموع من عينيها...ختها كتعذب و هي ما فيديها مادير...شافتها صفاء و قالت:
"دبا علاش كتبكي؟؟ راه غير ضربة و غتبرا دغيا ماتخافيش و الله أنا ولفت على الضرب ديالو ما بقاش كيقصحني..."
صوت البكا ديال مروة تزايذ كثر...كانت شادة ليها ايد وحدة كتداوي فيها و هي ايديها كيترعدو..اما الايد لاخرى ديال صفاء فمشات نيشان تمسح ليها دموعها
و قالت:
"مروة ماتبكيييش عفاك... نتي عارفاني ما كنحملش نشوفك كتبكي..."
مروة بقات حادرة راسها كداوي فالجرح لي تورم و حمار كثر من القياس و قالت بصوت مخنوق بالبكا:
"أنا السباب أ صفاء... كون ما عطلتكش ما غيجيش جاسر و بابا ماكنش غيتعصب عليك..."
مسحات ليها دموعها الجداد و ما حساتش حتى نزلو دموعها حتى هي و قالت:
"ديما كيضربني أ مروة واش هادي أول مرة... جاسر غير سبة... و أصلا بغاني نطيحو و نخليه يتزوج بيا تصوري؟؟! هداك الشارف المنافق... مهم ماشي نتي السباب بلاما تلومي راسك على أي حاجة وقعات لي حيت نتي أجمل حاجة فحياتي نتي هي الوردة الوحيدة عندي فهاد الدنية و الباقي غير شوك..."
مروة تماطات ليها و عنقاتها كتبكي و كتقول:
"أنا...أنا مانقدرش نعيش بلا بيك...ايلا خطيتيني غنموت حيت حتى حد ما غيعاملني بحالك و لا غيهتم بي بنفس الطريقة و ماكنضنش شي حد...غيقبل أصلا بيا..."
عنقاتها صفاء بقوة كتجذبها الحضن ديالها كثر:
"بالعكس ألف واحد يتمناك... نتي زوينة بزاف و ضريفة و حنييييينة...أكيد غتلقاي لي يبغيك و أصلا واخا تلقايه ما غاديش نخليه ياخذك مني نتي غتبقاي معايا حتى يدي مول الأمانة أمانتو...و ياربي نكون أنا قبل منك..."
أنت تقرأ
شوق محرم|| Forbidden Longing
Romantiekقرر يسلم سوارت قلبو كاملين ليها... يحطهم فايديها بابتسامة واسعة او بال هاني... قرر يتجاهل الكره لي كيحس بيه من جيهتها... من جيهة باها و الواقع المر لي داير بيهم... داير بيه هو بوحدو... هي عندها باها و مها لي فظهرها... هو عندو غير فوزية لي مريضة بالس...
