Song: Dragnov 3dabi
.......................................................................................
...☆°~
صفاء شافت فيه بعينين كيرتاجفو بعصبية... بدات كترجع بلور و هي كتشوف فالحزام ديال سروالو كيتحل... ديما كيضربها بسمطا ديالو فظهرها بالتحديد
و لكن فاش كيكون جاعر كيبدا غير يشير بيه... بدات كتزحف لور... كتحاول تهرب منو واخا عارفة بلي المصير ديالها ديما هو يسوطها بداك الحزام ديال الجلد لي ديما كيخلي موراه أثار لي ما كتبراش دغيا...
كان كيتقدم بكل خطوة و عينيه حمرين بالعصاب كيلوي الحزام فايديه مزيان و كيعاود يسرحو.. من بعد كيضرب بيه الحيط... و الخطوة التالية كالعادة هي ينزل عليها بيه فين ما جات الدقة ما كيهموش و لكن هي ولات حافضاه مزيان... غير كيهز السمطة كتغطي وجها بايديها و هادشي لي دارت دبا...
حسات بالدقة كتصلخ ليها جلد ايديها الرطب بقوة قادرة انها تقردهم ليها... عضات فمها باش ماتغوتش... حيت لغوتات غتسمعها مروة و تفيق... تقدر الله يستر تحاول تنوض و طيح من الفراش...و كيف كتقول ديما مروة ما ناقصهاش صداع الراس...
حاولت تهدر بصوت هادئ و مسموع وسط انفاسها المتقطها و اللهاث ديالها ...
"أنا...ما دخلتوش الدار....حدو الباب و مشا... جا غير على ود الخدمة..."
سعيد هبط حتى برك فالارض و قال بصوتو المبحوح لي غلب عليه الزمان او ولا كيعيفها... كتعيف تسمع هاد الصوت و من الداخل كتمنى تهرب و تخلي ليه هاد جوج حيوط يربح بيهم... و لكن ما عندهاش فين تمشي كون عليها هي غتخدم فاش ما كان و تكري غير مع البنات و لكن مروة محتاجة رعاية و حتى تيساع ديالها...
"غير على ود الخدمة ماشي شي حاحة اخرى؟ هاه؟ ما تعرفيش ديري بحال البنات لالياتك كيشدو الرجال...هانتي بنت عبد القادر تزوجات بالقايد ديال الحومة... مشات غير تصاوب لكارط باقة غير برهووووشة يا لحمارة و شدات راااجل نتي طوطحتي معاه فزناقي فصغركم و كبرتو فدار وحدة فلخر مني تمشي عندو تهدرو فالخدمة؟؟؟..دوي يا الهبيلة دويييي."
صفاء شافت فيه بصدمة و هبطات ايديها لا إرادياً... أش هاد التناقض عند هاد الشارف لي لسوء الحض كيكون باها من دون كاع الناس... ياك معصب حيت جا و هي بوحدها مع مروة و هو خارج... علاش دبا باغيها تشدو... و علاش غتشدو اصلا؟؟؟ حيت دبا ولا لباس عليه مابقاش الكاري المقودة عليه لي كياكل العصا صباح
و عشية على يديه...
دوات اخيراً من بعد لحظة صمت..
"ياك ما بغيتيهش يجي عندنا علاش كتقول هاد الهدرة واش هاد الراجل هنشدو ببلوثوت و لا بالويفي..."
سعيد نزل عليها بواحد التصرفيقة فالحنك لاخور حتى تصورات ايديه فوجها و قال:
"يا بنت القحبة... واش ماكتفهميييش...واش ماتعلمتي من القحبة مك والووو ... هي صوفات راسها مع راجل مرفح صوفي كرك حتى نتي و صوفينا معاك انا و ختك لي ولات غير شادة الارض.. واش معولة على ديك جوج د ريال لي هتشدي فالخدمة هادشي ايلا لقيتيها... ديري عقلك و شدييه ديري سبة بالسطاج و خليه يتعلق بيك ما دخليهش من الشرجم يا الهبيلة... من البااااب.. يجي طالب راغب فيييك.. واش ما كتفهمييييش...؟؟؟"
أنت تقرأ
شوق محرم|| Forbidden Longing
Romanceقرر يسلم سوارت قلبو كاملين ليها... يحطهم فايديها بابتسامة واسعة او بال هاني... قرر يتجاهل الكره لي كيحس بيه من جيهتها... من جيهة باها و الواقع المر لي داير بيهم... داير بيه هو بوحدو... هي عندها باها و مها لي فظهرها... هو عندو غير فوزية لي مريضة بالس...
