شوق محرم|| Forbidden Longing

part19:الأمير الذي يغار

.........................................................................☆•°~

بركات سامية فالكرسي لي قدام البيرو اما جاسر كان باقي واقف فبلاصتو.. عقلو مع سامية و قلبو مع صفاء لي البوسة ديالها باقة كتحرق ليه فحنكو لدابا.. شحال رطبة.. شفايفها منفوخين و صغار و رطبين بزاف..

حلات سامية الملف و حطاتو فوق طبلة ديال زاج لي قدامها محنية شوية.. عينيها على الملف لي خدامة عليه من لبارح و قالت:

"صدمتييييني فيك صراحة... ماتقوعتهاش منك نتا بالظبط..."

كان داير ايدو فجيبو و كيشوف فسامية محنية على الملف كتقاد فالوراق لي فيه و جاوبها:

"داكشي لي شفتي نسايه أ سامية و هادا ماشي طلب.. هادا أمر..."

شافت فيه بطرف عينيها و رجعات لملف ديالها و قالت:

"نتا عارفني ماشي بروالة غير بغيتي تعذب راسك و صافي و لكن ديك البنت كتبان ليا مسكينة ما عارفة والو فهاد دنيا و باغة هاد سطاج بزاف.. ما نبغيكش تستغل الاحتياج ديالها ليه باش ترضي الشهوات دياولك.. ماشي فعايل رجال..."

جاسر عقد حجبانو هاد المرة و بلا تردد قال بلهجة حاسمة لا تقبل الجدال:

"أنا ناويها لزواج و ماشي باغي نتفلا عليها.. و ماشي نتي لي غتوريني كيفاش غنتصرف مع مراتي المستقبيلة.."

دارت عندو سامية مني سمعات الاصرار لي فصوتو و لي بان ليها كتر فاش شافت عينيه لي كيلمعو بالعشق لديك البنت لي خدمات معاهم غي لبارح.. و اليوم باغي يتزوج بيها و لكن هي عارفة.. عارفاه كيعرفها من صغرهم و يعلم الله شنو دوزو بجوج.. اصلا نوع لي بحال جاسر كيتشد بكري.. ماشي حتى كيكبر.. كطير بيه  شي حادكة فاش كيكونو صغار و مع كيدير لاباس كيتزوجو بلاما يتسناو.. و ديك الحادكة هنا هي صفاء..

تكات على الكرسي و دارت رجل على رجل و بقات كتشوف فيه شحال عاد قالت:

"ايوا شنو كتسنا؟... حتى يطيرو ليك بيها..؟؟ يمكن هي ليوم سطاجيغ عندك و لكن غدا ما تعرف شنو يوقع.."

جاسر فهمها شنو قصدات.. حتى هو كيخاف تطير منو شي نهار.. النهار لي عمرو غيجي.. هو ما غيخليهاش تضيع منو.. و لكن ما بغاش يطول مع سامية لهدرة على  صفاء.. داكشي علاش حيد ايديه من جيبو و جلس قدامها و قال الجملة لي ديما كيقولها فاي حوار فيه صفاء:

"نسايها عليك او وريني الخدمة المهمة لي ما قدرتيش تصبري و دقي كي ناس على ودها.."

ضحكات و دفعات الملف ليه و بدات كتشرح ليه المحتوى ديالو و هو كيسمع ليها...

......................................................................................................

خرجات من طواليط للمرة التانية من بعد ما قدات الميكاب ديالها.. حيت فاش خرجات منها المرة لولة كانت حالتها.. خاصها تصبر.. تصبر على داك المريض لي ولا واحد اخر.. ما بقاش جاسر لي كيعيف لبنات.. جاسر الانطوائي لي كيريح بوحدو فطاويلة لولة و كيقمع لبشار الا هي.. يعلم الله شحال دوز فحياتو.. و هادشي كيحرقها من لداخل.. لسبب لي ما عارفاهش.. دبر راسو هي مالها؟؟... تنفسات بعمق و مشات لبيرو ديالها..