شوق محرم|| Forbidden Longing

part14:ام لأطفالي و أب لأطفالك

Song of the part:
I see red
...............................................................................................☆•°~

كان غيهبط عندها و يجرها من ايديها لعندو و ايلا دوا داك المسخ غيهرس ليه فمو و لكن هو ما باغيش يبكيها.. و ما باغيش يآذيها و يبعدها كتر منو.. ديك المرة ندم بزاف.. ندم بزاف حيت هو لي بكاها.. دبا حاول يصبر راسو و هز تيليفونو.. كيصوني عليها..

دِخلات ايديها لجيب ديال الكسوة او جبدات تيليفونها و اروى باقة فايديها... شافت جاسر مجبدة تماك.. قلبها تجاوز واحد تلاتة ديال الخفقات.. و لكن تنفسات و حجبانها عقادو و توترات.. ما عارفاش بلي حاضي كاع تعابيرها لي كتبدل كل شوية.. جاوباتو حاطة التيلفون عند ودنها و قالت ألو بنبرة عادية.. حاولت ما امكن تكون عادية.. جاوبها هو بنفس الكلمة.. من بعد جات لحضة صمت بيناتهم.. كيتصنتو لصوت انفاس كل واحد لي مرتجفة و كتخرج فتنهيدات بحال كانو كيجريو بجوج...

نطقات هي لولة مني بقا ساكت.. كان ساكت حيت كيتأملها.. جات زوينة فديك الكسوة الخضرة و هي هازة ديك البنت لي ما عرفش بنت من و لكن باينة بنت شي عزري من ولاد عمتها... كون غير تزوجو كاملين و خلاو ليه الأميرة ديالو فتيقار...

"شنو باغي...علاش معيط ليا دبا؟..."

جاوبها بنبرة صارمة فكراتها فليلة لي بززها تهبط عندو و لكن من بعد لامها:

"باغي نشوفك ضروري.. خاص نهدرو..."

بعدات على امين لي كان كيسمع فيها داوية مع شي واحد و لكن ما بغاش يدخل.. ردات عليه بعصبية:

"ايلا كنتي جاي تفرع ليا راسي بداك الديسك ديال حقوق الانسان و الحيوان... و تزيدها بدروس الفقه ديالك... بلاما تهدر معايا..."

غوبش و هو كيشوف فأمين حاضيها و كيتأمل فيها بعينيه و هي كتهدر معصبة.. كيعجبو العصاب ديالها.. كيتأمل فالانفعالات ديال الأميرة ديالو.. ضرب الكيدون و قال بين سنانو:

"انا دبا حاضيك من طوموبيل.. غتجي عندي دبا نهدرو و لمجيتيش غنهبط عندك انا... نيت باغي نسلم على الحمار ديالك واحد السلام كيتسالو ليا..."

دارت عند امين كتشوف فيه.. ما باغاش تشوف داك الوجه مزوق خصوصا اليوم و محجوبة مريضة ما ناقصها عصاب... قالت بترجي:

"العار لما سير بحالك.. ما عندك ما تقوليا و بعد من ولاد عمتي و عائلتي.. ايلا جاك الملل سير سافر دور راك مرفح علاش جاي تحرم علي انا عيشتي...."

سكتات و كملات فخاطرها.. لي مافيها ما يتشاف اصلا... بقا ساكت كيسمع ليها.. خاصو يستغل فوزية.. الورقة الرابحة ديالو دبا غيستعملها.. ما عندوش خيار اخر.. قال بهدوء و هو كيراقبها.. كيتسنى يشوف ردة فعلها:

"الموضوع عندو علاقة بالواليدة... غير كوني هانية ما جايش نضارب و لكن لماجيتيش عندي دبا غتكبتيها نتي و داك الحمار ديالك...."