Song: Aaryan shah_ renegade
..........................................................................
حلات فمها فصدمة و عينيها وساعو مرة اخرى.. او وقفات.. وقفات قدامو و قالت:
"عمرني طلبت منك تركع فاش كنتي فعلاً العبد ديالي.."
شاف فيها بذهول... فعلاً... كانت حاسباه نيت عبد ديالها.. كبرات و باقة متيقة انه كان العبد ديالها واحد نهار... شي نهار غتساليي معاه..
و لكن كلاشتو دبا.. بنت سعييييد.. كلاشاتو غير من لتحت.. ماشي جديدة على صفاء و هو عارفها مزيان أش كتسوى و لكن بغى يستفزها كثر.. حيت واخا هكاك كيعجبو الحال فاش كتدوي على الماضي ديالهم.. داكشي علاش.. دار على البيرو ديالو و هي دورات الجسد ديالها لعندو عارفاه جاي لعندها...
و فعلاً من بعد مادار على البيرو وقف قدامها مسامي معها واخا هي قصر منو.. هزات وجها باستعلاء كتشوف ليه فعينيه.. لي كيتساراو على الملامح ديالها كاملة بما فيهم شفايفها لي ساداهم و عينيها لي مطرطقاهم فيه...
"عاودي شنو قلتي... حيت بحال غلطت فسمع..."
هو سمعها مزيان.. سمعها مزيان شنو قالت و ما خفاش عليه شنو قصدات.. و لكن خاص يندمها أولاً.. ثانياً خاصها تعلم تحتارمو.. هو ما بقاش العبد لي كتحتاقرو.. هو ولا الأمير لي كتحلم بيه.. الأمير لي كتمناه و لي كيليق بالأميرة...
هي تفكيرها مشا بعيد.. ارتجفت قدامو.. مني عرفات راسها شنو قالت.. من غير انها أذاتو فديك الفترة بزاف.. جاية بلا حشمة و بلا حية لعندو.. فشريكتو و كتقول ليه بوجه حمر بلي كان العبد ديالها واحد نهار.. سرطات ريقها و حدرات راسها بخوف.. هو تبدل بزاف و مابقاتش كتعرفو.. عضلاتو كبرو كتر و طولو حتى هو زاذ بزاف.. كيضاعف طولها و عرضها.. و كيضاعف القوة ديال الرجل لي سنين و هو كيعذب فيها.. ايلا مشا حتى هز ايديه و صرفقها غتشوف نجوم.. اشمن نجوم؟؟.. بدوك الخباطات لي عندو و لي مولفين بالحديد ديال سعيد غتودع... تنهدات تحت من راسو و هو مراقب الخوف ديالها منو...
علاش ولات كتخاف منو؟؟... ما كنتش هكا من قبل.. قالت بنبرة مرتجفة بصوتها الرطب:
"سمح ليا ما قصدتش نهينك.. انا.. غير.. انا.. غي نسيت راسي.. صافي آخر مرة ما غنعاودش نذكر شي حاجة بحال هادي قدامك.."
ماشي هادشي لي كان باغي.. حس بالاحباط و الندم.. هو باغيها تشوف ليه فعينيه ماشي تحدر راسها بحال قاتلة روح.. بغاها تشوف فعينيه و تقول بصوت واضح 'نتا العبد ديالي.. و أنا الأميرة ديالك و لمعجبكش الحال ايدك فيه'....
حيت هكا كانت كتهدر معاه.. بهاد الوقاحة و قلة الحيا.. لي فوقتها كانت كتعصبو و حتى دبا كون نطقات بيها غتعصبو و لكن غترضي واحد الجانب فقلبو لي كيحماق على النسخة القبيحة من صفاء.. من الأميرة ديالو..
أنت تقرأ
شوق محرم|| Forbidden Longing
Lãng mạnقرر يسلم سوارت قلبو كاملين ليها... يحطهم فايديها بابتسامة واسعة او بال هاني... قرر يتجاهل الكره لي كيحس بيه من جيهتها... من جيهة باها و الواقع المر لي داير بيهم... داير بيه هو بوحدو... هي عندها باها و مها لي فظهرها... هو عندو غير فوزية لي مريضة بالس...
