Unicode
အလောတကြီး လုပ်မိရင် ငါးလေးက ထွက်ပြေးသွားလိမ့်မယ်
မေမေချီက ထိုစကားကိုကြားတော့ မေးလာတယ် : "မသွားချင်ဘူး? သွားစရာရှိလို့လား? အိမ်မှာပဲနေမှာလား?"
"အင်း" ချီဖန်း ခေါင်းငုံ့ကာ ခြောက်ကပ်ကပ် အသံနဲ့ ပြောလိုက်တယ် : "ညစာစားပွဲကိုသွားတိုင်း ဘာတွေပြောကြမှန်းလည်း မသိဘူး နားထောင်ရတာ စိတ်ညစ်စရာကောင်းတယ်"
ချီဖန်း ဒီလိုပြောတာကို အရင်က တစ်ခါမှ မကြားဖူးတဲ့ မေမေချီဟာ အံ့အားသင့်သွားတယ် : "သူတို့က ဘာတွေပြောကြလို့လဲ?"
"သားတို့မိသားစု ကုမ္ပဏီက တာ့ကောနဲ့ အာ့ကောပဲ ဆက်ခံရမှာတဲ့ နောင်ကျရင် သားက မိသားစုထဲကနေ ကန်ထုတ်ခံရလိမ့်မယ်တဲ့ ပြီးတော့..." ချီဖန်း သူ့အဖေကို သေချာကြည့်လိုက်ပြီး : "ပါပါးက သားကို သဘောမကျတာမို့ ကုမ္ပဏီမှာလည်း နေရာပေးခံရမှာ မဟုတ်ဘူးတဲ့"
"အဓိပ္ပာယ်မရှိတာ!" မေမေချီက ဒေါသထွက်သွားတယ် : "ငါ့သား ဘာလိုချင်ချင် အကုန်ဖြစ်ရမှာပေါ့ သူတို့နဲ့ ဘာဆိုင်လို့လဲ?!"
ချီဖန်း ကြောက်သွားပြီး စကားထပ်မပြောတော့ဘူး။ ဖေဖေချီရဲ့ မျက်နှာဟာ ဒေါသကြောင့် ပြာနှမ်းနေပြီး ချီကျန့်နဲ့ ချီရန်တို့ကလည်းပိုပြီးတောင် စိတ်ဆိုးသွားကြတယ်။
မေမေချီ အသက်ကို ပြင်းပြင်းရှူလိုက်ပြီး အတတ်နိုင်ဆုံး လေသံကိုထိန်းကာ မေးလိုက်တယ် : "မာမားကို အရင်ကတည်းက ဘာလို့မပြောပြတာလဲ?"
အရင်ဘဝက ချီရှောင်းဖန်းက ငတုံးမို့လို့လေ။ ချီဖန်း မတတ်နိုင်ဘဲ သက်ပြင်းချလိုက်မိတယ်။
အရင်ဘဝတုန်းက ချီဖန်းဟာ ဆွေမျိုးတွေဆီက ထိုစကားလုံးတွေနဲ့ နှစ်တိုင်းလိုလို ဦးနှောက်ဆေးခံခဲ့ရလေတယ်။ ဦးနှောက်ဆေးခြင်း လုပ်ငန်းဟာ မအောင်မြင်ခဲ့သော်လည်း သူ့မိဘတွေကိုတော့ ထိုအကြောင်းတွေကို ပြန်မပြောပြရဲခဲ့ဘူး။ သူပြောလိုက်တဲ့အခါ သူ့မိဘတွေက ထိုစကားတွေဟာ အမှန်ဖြစ်ကြောင်း ဝန်ခံလိုက်ကြရင် သူဘယ်လိုလုပ်ရပါ့မလဲ?
YOU ARE READING
ပြန်လည်မွေးဖွားပြီးနောက်မှာအာဏာရှင်ကြီးနဲ့ပူးပေါင်းခဲ့တယ်
FantasyBoth Zawgyi and Unicode.
