فاطمة بغضب: شو هالعيشة ؟ محبوسة بين أربع يدران فهالشقة، وانته طول الوقت برع ولا مسافر، طفرررت مليييت، كله يالسة بروحي
أبو علي ببرود: قلت لج بتعيشين عند شمسة مارضيتي
فاطمة: مالي حق أشاركها بيتها، يكفي إني الحرمة الثانية، بعد أناشبها فمكانها هيه وعيالها ؟
أبو علي بملل: إنتي الحين شو تبين ؟
فاطمة: أبغي أتوظف وأخذ الليسن
أبو علي: ليش تطلبين شي إنتي عارفة اجابته ؟
فاطمة بقهر: يا ربي ترحمني، محمد وبعدين وياك ؟؟ والله إني ملانة، ماعندي شي غير إني أسير لأهلي ولا أهلي إيووني، أبا أطلع بروحي أقضي مشاويري، أشم هوا وأتنفس، أغير جو أنا و ولدي، كل مابغيت شي لازم أخبر الدريول وأترياه لين مايفضى ! ياخي مب حالة هذي
أبو علي: يصير خير
فاطمة تمسك ايده برجاء: برايها الوظيفة، الليسن بس، طلبتك لا تردني، دخيلك
أبو علي: ان شاء الله
فاطمة بشك: أفهم إنها موافقة ؟؟؟؟؟
أبو علي قام: نتفاهم بعدين، أنا طالع تبين شي ؟
فاطمة بضيق: سلامتك
طلع أبو علي من الشقة، أما فاطمة نزلت دمعتها
وهمست: الله يسامحك يابوي يوم إنك جبرتني على هالزواج.. هذا سجن وضيم مب زواج
*************************************
كانت يالسة فالصالة، وسرحانة، رجعت فيها الذكريات لسنين طويلة مضت
أم علي تصيح: نسفره انزين ؟ يمكن نقدر نعالجه ؟
أبو علي: شو بتعالجين فيه ؟؟ قال لج الدكتور ماله علاج، ونحن مستشفياتنا ماشي أحسن عنها الحمد لله، ولدج عوقه ماله حل
أم علي برجاء: دام الله منعم عليك والخير موجود، خل نسافر شو خسرانين ؟؟؟ هذا ولدك حشاشة يوفك المفروض تسعى وتحاول في علاجه، ماتدري يمكن ربك يكتب له الشفا
أبو علي: انتي عارفة ظروف دوامي، ماقدر أخذ إجازة مدتها طويلة
أم علي بإنهيار: حرام علييييك، الموضوع يخص ولدك، الدوام والشغل بنفاده لاحق عليه، صحة عيالك فووووووق كل شي!!
أبو علي بحزم: سكري الموضوع ولا تفتحينه مرة ثانية، ولدج بيتم بهالحال طول عمره، ما بيتغير هالشي لو نسفره ستين بقعة عشان يتعالج، المهم إلتزمي بمواعيده ولا تطوفين المراجعات
أنت تقرأ
ليلة عيد
Romanceرواية ذات طابع اجتماعي، سنقرأ بين طياتها مشاعر مُختلفة، و عميقة، الكثير من لذة الحب ودفء العائلة
