يا بعد عمري كم انا اغليك
و الروح دونك ما لها اوطان
اهواك .. و بعمري انا افديك
و العمر عقبك دون حسبان
ابيع غيرك .. لكن اشريك
غالي .. و لا اقدرك باثمان
واعطيك كلي كيف ما اعطيك
دونك يصير الحال ضميان
لو ما اجيك اشواقي تجيك
ولهان شوفك موت ولهان
ودي اقبل راحة ايديك
واحيا بشوفك دون حرمان
عيني و روحي دوم تبكيك
ومن الغلا لك دوم شفقان
يا بعد عمري كم انا اغليك
و الروح دونك ما لها اوطان
بعد مرور اسبوعين:
سمع الإغنية وتنهد بضيق وحسرة، هند مختفية، قبل كان متعود يصادفها عند الباب أحيانًا، والحين لا، وده يتصل لها لكنه متردد، بالنهاية تشجع واتصل
عبيد بارتباك: السلام عليكم
هند: وعليكم السلام ورحمة الله
عبيد: شحالج ؟
هند: الحمد لله تمام وإنته شحالك ؟
عبيد تنهد: بخير الحمد لله، أدري مستغربة من اتصالي، ويمكن ما عيبج هالاتصال بكبره، بس بغيت أطمن عليج
هند: أنا بخير وعافية الحمد لله، لا تحاتي
عبيد بتردد: بنت عمي
هند: هلا ؟
عبيد: عادي أخطبج ؟
هند باستغراب: ليش مستعيل ؟ تراني قلت لك من تولد أمي على خير اخطب ولا املج عـ هواك ماعندي مشكله
عبيد برجاء: ماقدر أتريا، حسي فيني !
هند بحدة: عبيد، صراحة مافرقت على كم شهر !!!
عبيد: انزين خليني أخطب عشان نتواصل عالأقل، أبا أتواصل وياج على راحتي وبعلم أهلج
هند: لا، مابا ولا شي الحين، لاتضغط علي وعطني وقتي، عقب ولادة أمي سو اللي تبغيه ماعندي اعتراض
عبيد بضيق: اللي تشوفينه، يلا عيل أنا بسكر
هند: مع السلامة
عبيد: فمان الله
*****************************
علياء باستياء: سالم لا تدخلوني بينكم !!!! لو درت شموه بتعصب وايد والله وبتسويلي سالفه
أنت تقرأ
ليلة عيد
Romanceرواية ذات طابع اجتماعي، سنقرأ بين طياتها مشاعر مُختلفة، و عميقة، الكثير من لذة الحب ودفء العائلة
