ريم: في واحد فالدوام كلمني ويبا يتقدم لي
حمدة: موظف عندج بالقسم ؟
ريم: لا، المدير
حمدة: كيف فتح لج الموضوع ؟
ريم: كلمني فالواتساب، هوه ريال والنعم فيه بسس ماحس يناسبني
حمدة: ليش ؟
ريم: عمره 42
حمدة بصدمة: خيبة تخيب العدو، لايكون بياخذج الحرمة الثانية ؟
ريم: لا، مطلق وعنده ولد واحد من طليقته
حمدة بتساؤل: ريموه !!! لايكون بتوافقين عليه ؟
ريم: ماحس يعيبه شي، ريال والنعم فيه
حمدة بانفعال: ياحبيبتي بينكم حول الثمنطعشر سنة تقريبًا !!!!! شو تبينه هذا ؟؟؟
ريم: العمر مب مقياس، ثانيًا من توظفت وأنا أشوف شخصيته، صدق انسان راقي و واعي
حمدة: ريموه لا ترفعين ضغطي زود، حبيبتي شخصيته فالدوام غير عن البيت والعشرة، وبعدين شو سبب طلاقه ؟ سألتيه عن هالشي
ريم: لا ما سألت، أحس شي خاص
حمدة: لا مايخصه، من حقج تعرفين هالتفاصيل عشان تحكمين عليه صح
ريم: انتي تحسين مول مانصلح لبعض ؟
حمدة: بصراحة لا، بالنسبة لي العمر مهم، ثانيًا شاوري عبيد، كلميه وناقشيه
ريم باحراج: لازم ؟
حمدة بتأكيد: طبعًا، طول عمرنا مانخش شي عن عبود ونشاوره، ورايه دوم حكيم
ريم: خلاص عيل بشوف لي وقت وبخبره، بس خلج وياي
حمدة ابتسمت: لا تحاتين
***********************************
سالم: كيف أبوج وافق ؟؟؟؟ انصدمت والله
شما بتعجب: مادري، تخيل فجأة ونحن فالمطعم قال أنا موافق
سالم: شرايج نملج بعد اسبوع ؟
شما:..........................
سالم: وينج ؟؟
شما: تريا الكورس يخلص عالأقل بلاك مستعيل ؟
سالم: خلينا نملج الحين ونهاية الكورس نعرس شرايج ؟
أنت تقرأ
ليلة عيد
Romanceرواية ذات طابع اجتماعي، سنقرأ بين طياتها مشاعر مُختلفة، و عميقة، الكثير من لذة الحب ودفء العائلة
