أم علي بحزم: اسمعيني، طلاق مابتتطلقين، الأمور ماتنحل بهالطريقة
شما بغبنة: أمي شوفيج استويتي قاسية ؟
أم علي: أنا مب قاسية، أنا مابا أدمر حياة بنتي، قلتي مابتتكلمين ومابتصارحيني بشي، لا انتي راضية تنطقين بحرف ولا هوه راضي يتنطق، لعبة تتحرون ؟
شما دمعت: والحل ؟
أم علي: اقطعو التواصل
شما باستغراب: كيف يعني ؟
أم علي: لا تتواصلون أبدًا.. اقطعو التواصل وكل واحد يشغّل مخه ويفكر بعقل، البُعد مرات يفيد ويأدب، خذو فترة نقاهة بعيد عن بعض، ولما يصير الوقت المناسب وكل واحد منكم لازم يفكر عدل ويمخمخ صح، ساعتها اتخذو قرار يا إما تكملون، يا إما تنفصلون، لأنه قراركم بيكون قرار العقل مب القلب
شما بضيق: بس أنا ماباه، عفته !
أم علي ابتسمت: انتي زعلانه ومضايقة وعتبانة، صدقيني لو تطلقتي الحين بتندمين، عادي عقب فترة لو بغيتي تتطلقين مابقول لج شي، ومابتدخل بقرارج، إنتي حرة، لكن تتخذين قرار وإنتي بهالحالة والإنهيار لا !!! أكبر غلط ممكن تسوينه بحق نفسج
شما باقتناع: ان شاء الله
أم علي: نشي تسبحي، وامسكي مصحفج، واستغفري، وعيني من الله خير
شما: ان شاء الله
شما بتردد: أبا أحضنج
أم علي فتحت ايدها: وأنا مستحيل أقول لا
تقربت منها شما وغاصت بحضنها
شما صاحت: ليش كنتي قاسية علي الفترة اللي طافت ؟
أم علي تتنهد: لأنج عنيدة، مش كل شي بالدنيا ينوخذ بعناد، هذا زواج يا شما زواج، الطلاق مب سهل ترى
شما ترص عليها: سامحيني
أم علي تبوس خدها: مازعل من بناتي أنا
شما: الحين أرد عليه ولا لا ؟ لو كلمني ؟
أم علي تطالعها بتفحص وتدقيق: انتي اللي غلطانة ولا هوه ؟
شما بحسرة: والله ماسويت شي، هوه الغلطان بحقي
أم علي: مثل ماقلت لج فهميه وكلميه، قوليله نبعد عن بعض عل وعسى نحس بقيمة بعض، وبعد البعد نشوف هل هالعلاقة بتستمر ولا لا ؟
شما: تمام
أم علي: انتبهي على دراستج، قمتي تخربطين وايد أشوفج
أنت تقرأ
ليلة عيد
Romanceرواية ذات طابع اجتماعي، سنقرأ بين طياتها مشاعر مُختلفة، و عميقة، الكثير من لذة الحب ودفء العائلة
