هل تعرفون معني الألم الحقيقي ..هو ذلك الذي
يشق قلبك نصفين و كل نصف يحترق بناره ...
لقد ...يشعر بالندم علي كل ما حدث يريد البكاء بشدة
لكن البكاء لم يجدي نفعاً..لو كان البكاء لحدث و انتهي
حتي الندم فات وانه واخذ معه الكثير اخذ روحه واخذ حبيبته واخذ ذكرياته الجميلة ف لم يبقي له سوا الألم و ترميم روحه
كانت نظرات كريم حزينة و اعينه شاردة علي خروج ندي المندفع بتلك الطريقة و نفورها منه والمقصود هنا بروحه يقصد ندي
ربتت هديل علي كتفه مرددة بأبتسامة : هتسامحك متعرفش كنا عاملين ازاي و خاصةً ندي يا كريم
ابتسم بأنكسار و حزن: بس ندي مبتسامحش حبايبها بسهولة يا هديل مبتسامحش
ردت و هي تعبث بخصلاته : هتسامح هي بس اتجرحت اوي و علي قد حبنا علي قد زعلنا
اوما لها ثم نهض و صعد لغرفته ليأخذ حماماً ويريح جسده ..
...
الليل قد حل و ندي لم تعود و كأنها تعلن الحرب و الغضب علي الجميع ..و مع ذلك الجميع هادئ و صامت فقط ..لم يتحدث احد و لم يتحرك ساكناً
اقتربت نورسين من سليم و هي تردف بصوت منخفض : سليم عشان خاطري متعملش مشاكل مع ندي لما ترجع هي اكيد مخنوقة شوية
رد بضيق شديد : مخنوقة متردش من الصبح بقالها عشر ساعات برا مفيش مكالمة موحدة ردت عليها
همست له برجاء : ما انت عارف موضوع كريم زعلها مع خناقتكم و هي كانت مكتئبة اخر فترة اساساً
اردفت هديل بتساؤل تحاول ان تشتت علي الجو :
قولي بقا يا كريم كنت عايش ازاي و فين
افاق من شروده و هو ينظر لها : عادي شقة واحد صحبي اللي هو طارق و كان الدكتور متابع معايا عشان قافل عليا طبعاً
اومأت بتأثر و صمت ف نظر لعمته سوسن : بعد اذنك يا عمتو اطلع اطمن علي جنة
اومأت بتأكيد : طبعا يا حبيبي
ما أن نهض اردف هاشم براحة : يارب ييسر اموركم و يعوض جنة و كريم علي اللي مروا بي
...
بالاعلي طرق كريم علي غرفة جنة بهدوء حتي أن كانت نايمة لا يوقظها ولكن ثواني معدودة واتاه صوتها
: اتفضل
فتح كريم الباب و دلف : ممكن ادخل
نظرة له بتفاجئ ثم اردفت بصوت هامس : اتفضل
دلف و اغلق الباب خلفه وجدها تجلس علي السرير تعبث بهاتفها ولكنها تركته و نظرة له نظر لبطنها المنتفخة و ابتلع ريقه بحزن و اسي
جلس علي طرف السرير حمحم ثم اردف: عاملة ايه
