سؤال ما الذي يغير حالنا و يؤرق نومنا..ما الذي يقطع حبل راحتنا و يقوي حبل تشتتنا و ارقنا...
و كيف نبحث عن الراحة ونحن قد نسيناها..!
والسؤال الأهم كيف تعود لنا الثقة في شخص و هو ذات الشخص الذي كسر ثقتنا به
هل تعرفون حكاية الطفل الذي هرول الي احضان والدته باكي لتصفعه صفعة قاسية ليكف بها عن البكاء..!
لقد ظن ان تلك اليد ستضمه
جلست ندي وحيدة بعيداً عن الكل بحالة من الهدوء الغريب بالجنينة و هي تستند برأسها علي ذراع الكرسي العريض تمسك بيدها كوب النسكافيه الدافئ نظرة بسخرية شديدة للدخان الذي يتصاعد من الكوب بأنتظام وهدوء شديد وكأنه لا يبالي تمنت لو ان الوجع يتصاعد من روحها هكذا
تتسائل هل حينها سيبدأ قلبها و عقلها؟
شعرت بيد توضع علي كتفها انتفضت لتجد سليم الذي ينظر لها برفق : قاعدة لوحدك ليه
نفضت يده بنفور و ضيق وهي تنهض متجاهلة اياه تماماً و قبل أن تتحرك حتة خطوة واحدة
امسك يدها و هو يردف بلين : ندي استني لو سمحتي تعالي نتكلم شوية انا استنيت تكوني هديتي
دفعت يده بغضب وضيق و احرقها هدوئه : مفيش حاجة بينا نتكلم فيها سبني لو سمحت
رد عليها بذات اللين: طب بصي..احنا دلوقت هنتكلم شوية بس و بعدين لو الكلام معجبكيش هسيبك تطلعي اتفقنا ؟
دفعته بأحتدام و ضيق : يوه وانا مش عاوزة اتكلم مع حد .. ايه هتكلم غصب عني كمان ولا الدنيا تحت امرك هنا..!
تنهد يحاول الحفاظ علي صبره و هو يردف : ندي قولة اقعدي نتكلم بعدين لو الكلام معجبكيش اطلعي
ردت بتصميم و نفي وصوت عالي بدأ الجميع ان يجتمع عليه : لا مش هقعد و مش عاوزة اتكلم و مش بمزاجك انا حرة فاااهم
رد بحدة و عصبية : لا مش حرة انا جوزك يعني ملزمة انك تقعدي غصب عنك و تسمعيني
دفعته من كتفه بغضب و انهيار: لا يا سليم مش هسمعك فاهم انا حرة كلمة كمان هقولك طلقني انا اساسا غلطانة اني وافقت عليك من الاول تحت ضغط الكل
اردف بدر بزهول : ندي اهدي في ايه ..!؟
اقتربت هديل و قبل أن تتحدث انفجرت ندي بالحديث بصوت عالي مقهور غاضب اختلط بدموع الغضب : اييه ندي ندي ندي ...هي ندي دي مش بني آدمة مبتحسش زيكم ملهاش الراحة ..ندي عملت كذا و كذا ..ندي غلطت ..ندي راحت و جت ...عملتي كدا ليه..ازاي تعملي كدا ..ردي عدل ..اتكلمي عدل ..أنا مش قااادرة خلاااص
نظر أسر لها و هو يردف بلين : اي اللي حصل طيب اهدي
ردت بصراخ و غضب اكثر : محدش يقولي اهدي بقا ..انا من يوم ما جيت هنا و الكل حاطتني في دماغه ..و من قبل ما اكلم الاقي مية واحد بيزعق و مية واحد بيتدخل
