පියුමක් ද ඔබ ?

part 31

Dear love,

Do you know about the LOTUS FLOWER 🌷 ?

A lotus flower is a nicest miracle...
Because,
It grows on the mud but When it came out of the mud, IT BLOOMS REALLY GORGEOUSLY...

You are the lotus flower of my world...

  Still with love
- Nethruu

මට හරි සතුටුයි පොඩ්ඩියේ උබ අද ඉන්න තැන දැකල. මීට අවුරුදු පහකට කලින් මන් ගත්ත ඒ තීරනේ නිසා අපි දෙන්නා වෙන් උනත්, මන් වැඩිපුරම දුක් උනේ මගේ ඒ තීරනේ නිසා උබ උබේ ජීවිතේ කාලකන්නි කරගනියි කියල. මුලු ජීවිත කාලෙම මට සාප කර කර උබේ ජීවිතෙත් නාස්ති කරගනියි කියල. ඒත් මන් වැරදී. එදා උබ ගැන වද වෙලා අඩපු මේ ඇහැට අද උබ ලෝකෙ දිනල, උබේ හීනෙ හැබෑ කරල මගේ ඇහැට කදුලක් දුන්නා. ස්තූතියි ඒකට...

මේ අවුරුදු පහම මන් කොලේකට විතරක් වෙන කෙනෙක්ගෙ උනත් එදා වගේම මුලු හිතින්ම මන් ඔයාගෙ තමා පොඩ්ඩියේ...

*************

කාලයත් එක්ක ජීවිත වෙනස් වෙන තරම්... ජීවිතේ එක එක කාලෙට එක එක මිනිස්සු අපේ ජීවිතේට එනවා. ඒ එන අයගෙන් බහුතරයක් ආපු ගමන් යන්න ගියත් සමහරු ටික කාලෙකට හරි අපි ලග රැදෙනවා. වාසනාවන්ත සමහර අයගෙ ජීවිත වල මුලු ජීවිත කාලෙටම රැදිල ඉන්න අයත් ඉන්නවා. පවුල, තමන්ගෙ ලයිෆ් පාට්නර් තමා ඒ අතරින් ප්‍රධාන. ඒත් මන්... මුලින් කිව්ව දෙගොල්ලම මගේ ජීවිතේ මට හම්බෙලා තියෙනකොට අන්තිමට කිව්ව පුද්ගල කොට්ඨාසය මගේ ජීවිතේට අයිති නැති කට්ටියක්. කොටින්ම එහෙම කෙනෙක් ගැන හිතුවොත් ඊලග දවසෙම එයා මාව දාල ගිහින්. ලයිෆ් පාට්නර් කෙනෙක් කෙසේවෙතත් මගේ වයසෙ ගොඩක් කෙල්ලොන්ට තමන්ගෙ කියල පවුලෙ අය හරි ඉන්නකොට මට එහෙමවත් නෑ. ඒ හැමෝම මීට අවුරුදු පහකට කලින් මාව අත ඇරියා. ඒ නිසා ඒ හැමෝගෙන්ම ඈත් වෙලා මන් මෙහාට ආවා. සල්ලි, ඉන්න ගෙයක්, හොද ඩිග්‍රි එකක්, හොද රස්සාවක්, ගොඩක් නැතත් යන්තමට හෝ කැපිල පේන රූපයක්... ඔය මොන දේ තිබ්බත් මට මන් මැරිච්ච පුද්ගලයෙක් විතරයි. මීට අවුරුදු පහකට කලින් එයාල හැමෝම අතැරල මෙහාට එනකොටම මන් මැරිල ඉවරයි. මැරිච්ච මිනිහෙක්ට මොනා තිබුනත් වැඩක් තියෙනව ද ? නෑ.. කිසිම වැඩක් නෑ. එහෙම මිනිස්සු හරියට හුලගට වැනෙන දිරච්ච ලොකු ගහක් වගේ... ලෝකේ ඉස්සරහට යනවට ඉස්සරහට යන, පිටට ශක්තිමත් වගේ පෙනුනට හැබැයි ඇතුලෙන් ගොඩක් වැටුන, කැඩුන චරිතයකට ඔය මොන දේ තිබුනත් වැඩක් නෑ. හරියට මට වගේ... එදා හිටපු කටකාර, දගකාර ශනූ නැති වෙලා ගිහින් අද ඉන්නෙ වගකීම් සහගත, හිත ඇතුලෙන් මැරුන කෙල්ලෙක්...