පියුමක් ද ඔබ ?

part 19

නෙත්රූ ...

අම්මා... ඇයි ඔයා මේ උඩට ආවෙ.  මොනාහරි ඕනෙ නම් මට කතා කරන්න තිබ්බනෙ, එහෙම කලානම් මන් නෑවිත් ඉන්නෙ නෑනෙ අම්මා

පෝන් එකේ එයාගෙ රිසාල්ට්ස් දිහා බලාගෙන තනියෙන් සතුටු වෙන ගමන් ඇහැට කදුලක් උනනකොට අම්මා මට කතා කරපු එකෙන් මන් පියවි සිහියට ආවා. ඒත් එක්කම තමා මට මතක් උනේ අම්මාට සනීප නැති උනත් මාව බලන්න තුන්වෙනි තට්ටුවට පඩිපෙළ් නැගගෙන ඇවිත් කියලා.

මගෙ කෙල්ලගෙ රිසාල්ට්ස් කොහොමද

මන් අහපු ප්‍රශ්නෙට උත්තර නොදී එයා කෙලින්ම ඇහුවෙ පොඩ්ඩිගෙ රිසාල්ට්ස් ගැන. එහෙනම් එයා මේක අහන්න තමා උඩට ආවෙ. එයා ඒක අහපු විදිහට මට ඇත්තටම සතුටු හිතුනා. මන් එයාව අල්ලල ඇදෙන් වාඩි කරා

එයාට 9As තියෙනවා අම්මා. Island 15th

අනේ මගේ කෙල්ල දක්ශයි

ඔව් අම්මා... එයා ගොඩක් දක්ශයි.

පුතේ... මට ඔයත් එක්ක දෙයක් කතා කරන්න ඕනෙ.

දුවේ කියල කතා කරන්න ඕනෙ උනත් අම්මා කවදාවත් මට දුවේ කිව්වෙ නෑ ඉදල හිටල ඇරෙන්න. එයාට මම පුංචි කාලෙ ඉදන් ඕනෙ උනේ මන් කොල්ලෙක් වගේ ශක්තිමත් වෙනවා දකින්න. මන් එයාට දොසක් කියන්නෙ නෑ මොකද එයත් මේ ගෙදරට මනාලියක් වෙලා ආපු දවසෙ ඉදන් වින්ද දුක්වල හැටියට එයාට ඕනෙ උනේ තවත් පිරිමියෙක්ගෙ ආරක්ශාව වෙන්න ඇති. එයා නිසාම වෙන්න ඇති මන් මේ විදිහට ටොම්බෝයි කෙනෙක් වෙලා ඉන්නෙ. කොහොමත් මට දහය වසරෙදි විතර මගෙ වෙනසක් දැනුනා. මගෙ යාලුවො ඔක්කොම බෝයිස්ලා ගැන කතා වෙද්දි මට ඒ ගැන කිසිම උනන්දුවක් තිබ්බෙ නෑ. පස්සෙ මන් බලපු සමලිංගික ආදරය ගැන තියෙන වැඩසටහනකට පස්සෙ මටත් තේරුනා මටත් බෝයිස්ලට කිසිම ඇට්‍රෑක්ශන් එකක් නෑ නේද කියලා. මොකද ඔයිට කලින් මට ප්‍රපෝසල් හතරක් පහක් විතර ආවත් ඒ කිසිම දේකින් මට කිසිම වෙනසක් තේරුනෙ නෑ. පස්සෙ මට මාව වෙනස් විදිහට දැනුනා. මන් ඇවිද්දෙ, ඇදුම් ඇන්දෙ බෝයි කෙනෙක් විදිහට. කොටින්ම මගේ කටහඩ පවා වෙනස් උනා. ඊටපස්සෙ තමා මන් ටොම්බෝයි කෙනෙක් උනේ. ඊටපස්සෙත් ගොඩක් නන්ගිලගෙන් එහෙම ප්‍රපෝසල් ආවත් මන් දන්නවා ඒ හැමෝම හොයන්නෙ තාවකාලික ආදරයක්. හැබැයි මට ඕනෙ උනේ සදාකාලික ආදරයක්. ශනූව දැක්ක මුල්ම දවසෙම මට එයා ගැන කැමැත්තක් ඇති උනා. මුලින් තිබ්බෙ කැමැත්තක් උනත් පස්සෙ මටම තේරුනා මට එයා ගැන තියෙන්නෙ කැමැත්තට එහා ගියපු දෙයක් කියල. අවුරුද්දක් තිස්සෙ හිතේ තියන් ඉදල එයාට ප්‍රපෝස් කරාම මට මාරම නිදහසක් දැනුනෙ. එයා මට කැමති උනා. දන්නෙ නෑ මන් හොයපු සදාකාලික ආදරේ මේකද කියල ඒත් මන් දන්නවා ශනූ මාව දාල යන්නෙ නෑ කියල.