පියුමක් ද ඔබ ?

part 12

දින, මාස, අවුරුදු ගනන් ගෙවිල ගියා. එයාගෙයි මගෙයි කතාව පටන් අරන් අදට අවුරුදු දෙකයි. ඒත් තාමත් එයා මට ආදරෙයි කිව්ව ඒ ලස්සන දවස මට තාමත් අද වගේ මතකයි. ඒ වගේම ඉස්සරහටත් මතක තියෙයි. ඒක කවදාවත් අමතක කරන්න බෑ මොකද ඒක තමා මගේ ජීවිතේ මන් ලබපු හොදම ටර්නින් පොයින්ට් එක.

මේ අවුරුදු දෙක ඇතුළත අපි දෙන්නට දෙන්නා ගොඩක් ලං වෙලා. එක්කෙනෙක්ගෙන් තවත් කෙනෙක් ඈත් කරන්න බැරි තරමටම ලං වෙලා. බුදු හාමුදුරුවෝ කිව්වෙ හැම බැදීමක්ම අත් හරින්න කියල උනත් මන් අල්ලගත්තු මේ බැදීම මට කවදාවත් දාල යන්න බැරි තරම් ශක්තිමත් දම්වැලකින් ගැට ගැහිල. ඒක එකපාරටම සිද්ද උන දෙයක් නෙවේ. ටිකෙන් ටික උන දෙයක්.

*වසර දෙකකට පෙර*

Soo, let me reveal my feelings poddi...

එහෙම කියපු එයා අඩි දෙක තුනක් මගේ ලගට ඇවිල්ල මගේ අත් දෙකම තද කරල අල්ලගත්තා. මන් දන්නවා එයා කියන්න යන්නෙ මොකක්ද කියල ඒත් මට ඒක එයාගෙන්ම දැනගන්න ඕනෙ උනා.

All I have to say is...
I love u poddi...

සමහරු ආදරේ ප්‍රකාශ කරනකොට කෙලින්ම ආදරෙයි නොකියා වෙන වෙන දේවල් කියවනවා ඒත් මන් නම් හිතන්නෙ තමන් කෙනෙක්ට ඇත්තටම ආදරේ කරනවනම් එයා ඒක ප්‍රකාශ කරන හරිම විදිහ මේක. එයා කිව්වෙ වචන තුනක් උනත් ඒ වචන තුන ඇතුලෙ එයාගෙ මහා ගොඩාක් උන හැගීම් හැන්ගිලා තිබුනා. මට ඒක තේරුනා එයාගෙ ඇස් දිහා බලපු නිසා. ඒ මොහොත මට නිකන් හීනයක් වගේ. මන් ඒ මොහොත එනකන් ගොඩක් බලාපොරොත්තු තියන් හිටිය නිසාද කොහෙද මටත් නොදැනිම මගේ ඇස් තෙත් වෙලා.

Poddi, I don't know what will your answer...

ඇති, මට තවත් එයා කියන දේවල් අහන්න ඕනෙ උනේ නැති නිසාමයි මන් එයාගෙ කට අතින් වැහුවෙ. ඊලගට මන් කියපු දෙයින් එයා ගොඩක් සතුටු උනා. ඒක මන් ගොඩක් හෙමින් කිව්වත් එයාට ඒක ඇහුනා.

I love u too akke

ඔව්, මන් එච්චර හෙමින් කියපු එක එයාට ඇහුනා. ඒත් ඊලග මොහොතෙ මන් එයා මාව තවත් පුදුම කලා. එයාගෙ ඒ සීතල තොල් මගේ නළල උඩ තිබ්බා. ඒ මොහොත එක තත්පරේකින් හරි ඉස්සරහට යවන්න මට ඕනෙ උනේ නෑ. මට ඒ වෙලේ ඕනෙ උනේ මුලු ලෝකෙම නතර කරන්න. ඒ වෙන කිසි දෙයක් නිසා නෙවේ..මගේ ආදරේ නිසා. එයාගෙ තොල් මගේ නළල උඩ තියෙද්දි එයාගෙ අත් මාව බදාගත්තා. මාත් එයාව හග් කලේ තවදුරටත් එයා නෙත්රූ අක්කා නෙවේ මගේ අක්කා කියල මට හිතුන නිසා. ඒත් එක්කම මගේ ඇස් පියවිල ගියා. මිනිත්තු දෙකක් තුනක් එයා එහෙම ඉන්න ඇති. ඊලගට එයා මගෙන් ඈත් උනාම මන් දැක්කෙ එයාගෙ ඇස් අග කදුලක් තියෙනවා.