පියුමක් ද ඔබ ?

part 13

ඕවා මේවා ගැන හිත හිත ඉන්නකොට එයාගෙ රිසාල්ට්ස් ඇවිල්ලා.

අනේ... කාට කියන්නද මේ දේ ? මට ඇත්තටම මේ සතුට දරාගන්න බැරි උනා. එයාට 3A s තිබ්බා. ඇත්තටම මට ගොඩක් සතුටුයි. කොච්චර ප්‍රශ්න මැද්දෙද එයා ඔය එක්සෑම් එකට ලෑස්ති උනේ. ඒ කාලෙ එයාගෙ අම්මා පවා ගෙදරින් ගිහින් හිටියෙ. එයා ඒකෙනුත් ගොඩක් වැටුනා. අන්තිමට මන් ආන්ටිට කතා කරල පැහැදිලි කරල දුන්නට පස්සෙ තමා ආන්ටිත් අක්කා ගැන හිතල ගෙදර ගියේ. ආන්ටිට දොසක් කියන්න බෑ මොකද ඕනෙම මනුස්සයෙක්ට ඉවසීමේ සීමාවක් තියෙනවනෙ. අනේ මන්දා නෙත්රූ අක්කගෙ තාත්තාත්. තමන්ගෙ මැරුනු පලවෙනි ආදරේ ගැන හිත හිත, ඒ ගැනම වද වෙවී, එයාගෙ වටේ ඉන්න අයවත් ඒ ආදරේ මිනීමරුවො විදිහට හිතාගෙන විදවනවා. කවුරුහරි මනුස්සයෙක් කිව්වොත් සල්ලි තියෙන තැන සතුට තියෙනවා කියල, ඒ මනුස්සයගෙ ඇස් දෙක හොදටම ඇරවල මන් පෙන්නන්නෙ නෙත්රූ අක්කාගෙ පවුලෙ අයව. මොකද එයාලටත් කොච්චර කොහොම සල්ලි තිබ්බත් සතුට කියන දේ ඒ පවුල ඇතුලෙ තිබ්බෙ නෑ. ඒ නිසාම වෙන්න ඕනෙ නෙත්රූ අක්කා මාත් එක්ක ඉන්න හැමවෙලේම මන් කරන පොඩි දෙයින් පවා සතුට හොයනවා. මටත් ඒ සතුට නැති කරන්න ඕනෙ නෑ මොකද එයා හිනා වෙනවා බලන් ඉන්න මන් හරි ආසයි. හිනා වෙනකොට එයාගෙ කම්මුලේ ඩිම්පල් එකක් එනවා වගේම ඇස් දෙක හීනි වෙනවා. එහෙම හිනා වෙනකොට කොල්ලො කෙල්ලො භේදයක් නැතුවම කට්ටියට නෙත්රූ අක්කාට හිත යනවා. එහෙමයි කියල බෑනෙ, එයා මගෙනෙ, ඒ නිස මන් කියල තියෙන්නෙ පොදු ස්ථානවලදි වැඩිය හිනා වෙන්න යන්න එපා කියල ම්හුක්.

මන් ආය හොද සිහියට ආවෙ නිම්මිගෙන් ආපු කෝල් එකෙන්. ඉක්මනට ඇස් දෙකේ තිබ්බ කදුලුත් පිහදාගෙන මන් කෝල් එක ආන්සර් කලා

අනේ මගේ සංකොටෝ

ගත්ත ගමන් මෙන්න මේකි අදත් කන ලග බෙර ගහනවා. ශුවර් එකටම පවනි අක්කගෙ රිසාල්ට්ස් හොද ඇති. කොහොමත් එහෙම වෙන්න ඕනෙනෙ මොකද අන්තිම කාලෙ නිම්මි ඕකිව මැරෙව්වෙ නැති ටික විතරයි එක්සෑම් කියල.

ඕඕඕ... සද්දෙ අඩු කරල කතා කරපන්. මගේ කන් ඇහෙනවා

අනේ ඒයි...මගේ ඒයිට 3As තියෙනව හලෝ. මට මාර සතුටුයි අනේ.