පියුමක් ද ඔබ ?

part 30

අම්මා... මොකක්ද ඔයාල මගෙන් හන්ගන්නෙ ???

අම්මගෙ ඇස් ගැස්සුනා... මන් ඒක දැක්කා. හරියට එයාගෙ හිතත් ඒත් එක්කම ගැස්සුනා වගේ...

මේ ඒකට වෙලාව නෙවේ දුව. කරුණාකරල... කියන තැනකට වදින්නම් දුව... ප්ලීස් ඕක නවත්තන්න... මට මගේ පවුලෙ අයව තරහ කරගන්න බෑ

අම්මා !!!!!!!

මටත් දැන් මේක ඇති වෙලා. මන් යන යන තැනින් මන්තරයක් මතුරනවා වගේ හැමෝම කියන්නෙ මේක නවත්තන්න කියල. ඒ තරමටම අපි දෙන්න ගැලපෙන්නෙ නැද්ද දෙයියනේ ? ඒත් සමාජෙට අපිව ගැලපෙන්නෙ නැති උනත් එයයි මායි හොදටම ගැලපෙනවා කියල අපි දෙන්නම දන්නවානෙ. ඉතින් ඇයි එහෙම තියෙද්දිත් සමාජෙට මේක මේ තරම් ප්‍රශ්නයක් උනේ. මන් සතුට කියන දේ හොයන් යන හැමතැනින්ම අන්තිනට උනේ මගේ තිබ්බ පුංචිම සතුටත් නැති උන එක විතරයි. මෙච්චර කල් අමාරුවෙන් ඒක වාවන් හිටියත්, මේ මගේ අම්මා කියල බලන්නෙවත් නැතුව මගේ ඉවසීම උපරිමේට ගිහින් ඒක නැති වෙලාම ගියා. නෑ... සමහරවිට ඒ මගේ ඉවසීම නෙවෙයි වෙන්න ඇති... ඒ මන් මෙච්චර කාලයක් යටි හිතේ හන්ගන් හිටපු වේදනාව වෙන්න ඇති...

මොකක්ද මේ නාඩගමේ තේරුම ? හැමෝටම මගේ හැගීම් විහිලුවක් ද ? හැමෝටම ඕනෙ මාව එයාගෙන් වෙන් කරන්න විතර ද ? ඒක එහෙම නම් ඇයි මාව එකපාරින්ම මරල දාන්නෙ නැත්තෙ ? ඇයි කාටවත් මගේ වේදනාව, හැගීම් තේරුම් ගන්න බැරි ???

දු..දුව...

ප්ලීස් අම්මා... මන් වදින්නම්... අදවත් මාව ඔයාගෙ දුව විදිහට පිලිගන්න...

මො..මොනවාද දුව මේ කියවන්නෙ ? ඔයා හැමදාමත් මගේ දුව තමා... ඒකෙ ආය අමුතුවෙන් පිලිගන්න තියෙන්නෙ මොනාද ?

ආ එහෙමද ? හැබැයි මට නම් එහෙම පේන්නෙ නෑ අම්මා. මන් ඔයාව මගේ අම්මා කරගත්තට ඔයානම් මාව එක තත්පරයක්වත් ඔයාගෙ දුව කරගත්තද කියල මට නම් සැකයි... මොකද මන් ඔයාගෙ දුව නම් කොහොමද අම්මා අපි දෙන්නා අතර රහස් තියෙන්නෙ ???

දු..දුව ?

කතාවක් අහල තියේද දුවෙක් උනාම තමන්ගෙ හොදම යාලුවව අම්මා කරගන්න කියල. වචනෙන් නොකිව්වට මට ඕනෙ උනෙත් ඔයාව මගේ හොදම යාලුව කරගන්න. ඒත් ඔයා ඒ කාලෙ ඉදන්ම මගෙන් දේවල් හන්ගනවා කියල තේරුන නිසයි ඔයා මගේ හොදම යාලුවා නොවුනෙ. ඒත් අම්මා මතක තියාගන්න අයියට කියන්න බැරි රහසුත් මට තිබ්බා. ඒ වෙලාවල්වලදි මට ඔයාව තදින්ම ඕනෙ උනා අම්මා...