පියුමක් ද ඔබ ?

part 06

තාම මට අවුරුදු 15 යි. ඒත් මේ වෙනකොට මට ඇවිත් තියෙන යෝජනා ගණන 15කට වැඩියි. මන් හිතන්නෙ මේ 16 හරි 17 හරි. වෙන කෙල්ලො නම් තමන්ට කොල්ලෙක් කැමති කිව්වහම කොහොම හැසිරෙනවද දන්නෙ නෑ. හැබැයි මන් දැකල තියෙනවා කොල්ලෙක් කැමතී කිව්වා කෙසේ වෙතත් කොල්ලෙක් තමන් දිහා බලන් හිටියත් 'අනේ අර කොල්ලා මට කැමතී' කියල හිතන, කියන කෙල්ලො. මන් අහන්නේ ඇයි එහෙම හැසිරෙන්නෙ ? මෙහෙමයි. මේ වයසට හෝර්මෝන ක්‍රියාකාරීත්වයත් එක්ක ඔය හැගීම් එන එක සාමාන්‍යයයි. ඒත් ඒ හැගීම් පාලනය කරන් ඉන්න ඕනෙ අපි. මොකද අපි ගෑනු ළමයිනෙ. මොකක්හරි උන ගමන් සමාජෙ ඔක්කොම ඇගිලි දික් වෙන්නෙ අපේ පැත්තට. කොල්ලොන්ට එහෙම ලොකු පාඩුවක් වෙන්නෙ නෑ ඒකෙන්. මෙහෙමයි ඉතින්, හැගීම් පාලනය කරගන්නවා කියල කොල්ලෙක් දිහා ඇහැක් ඇරලවත් බලන්නෙ නැතුව ඉන්න කියනව නෙවෙයි. බලන්න, ලස්සන කොල්ලෙක් දැක්කොත් බලන්න. හැබැයි කවදාවත් ලස්සන දේවල් ලං කරගන්න හිතන්න එපා. මොකද අපිට පේන ලස්සනම ලස්සන රෝස මලේ තමා විශ කටු තියෙන්නෙ. අපේ හරි කාලෙ එනකන් ඉවසන්න ඕනේ. කාලෙ ආවට පස්සෙ අපිට හොඳ කෙනා, ගැලපෙනම කෙනා හම්බෙයි. එතකන් ඉවසන්න ඕනෙ. ඉතින් හැමදාම ඔහොම හිතන මන් මේ ආපු ලියුම දිහාත් බලල ඒ අයියටත් මන් මෙච්චර දවස් අනිත් අයට දුන්න උත්තරේම දෙනවා. මට කවදාවත් මෙහෙම යෝජනා ආවා කියල කිසිම සතුටක් දැනුනෙ නෑ. මුල්ම එක ආවෙ මට 7 වසරෙ අන්තිම වගේ වෙනකොට. මට ඒ වෙලාවෙනම් ගොඩක් බය හිතුනා. ඒත් පස්සෙ මන් ඒකට හුරු උනා. මන් වැරද්දක් කරල නෙවේනෙ මට එහෙම වෙන්නෙ.

ගෙදර එනකොට පුදුම මහන්සියක් මට දැණුනෙ. සමහරවිට අද මන් වෑන් එකේ එනකොට ගොඩක් කල්පනා කරපු නිසා වෙන්න ඇති. ගෙදර ඇවිල්ල වොශ් දාල කෑම කාල මන් කෙලින්ම ගියේ ඇදට. ගිහිල්ලා මන් ආයෙත් අර ලියුම කියෙව්වා. කියවල පෑනකුයි කොලේකුයි අතට අරන් ඒකට උත්තරයක් ලිව්වා.

Hello අයියේ,
                        Thank you ඔයාගෙ යෝජනාවට. ඒත් sorry මන් කැමති නෑ දැන්ම ඕවගෙ පැටලෙන්න. ඔයාට මට වඩා හොද කෙල්ලෙක් හම්බෙයි. ඔයා අහපු ප්‍රශ්නෙට කෙලින්ම උත්තරයක් ඕනෙ නම් මගේ උත්තරේ බෑ කියන එක. Sorry

               Triple Gem Bless.
       
                                             - Shanuthi