පියුමක් ද ඔබ ?

part 34

තව පැයක් ඉවසපන් පොඩ්ඩියේ... මන් ඔයා ලගට එන ගමන්...

එදා ගිහානාව අතටම අහු උන දවසෙන් පස්සෙ තව සතියක් විතර එංගලන්තයේ ඉදපු මම ඩිවෝස් එක අරන් අම්මලා තාත්තලාත් එහෙම ඉන්නකොට දුවගෙන ආවෙ පොඩ්ඩි බලන්න. හිතපු තරම් ලේසි උනේ නෑ ඩිවෝස් එක ගන්න ඒත් හිතපු තරම් අමාරු උනෙත් නෑ. ඔව්... මන් දැනන් හිටියා ගිහානාට සම්බන්ධයක් තියෙනවා කියල. අපි බැදපු පලවෙනි දවසෙ රෑ එයා මන් වොශ් දාන් එනකන් කාත් එක්ක හරි චැට් කර කර ඉදල මන් දැක්ක විතරයි කලබල වෙලා පෝන් එක තියලා වොශ්රූම් ගියා. මට සැක හිතිල පෝන් එක අරන් බලනකොට තමා දැනගත්තෙ එයාට වෙන කෙනෙක් ඉන්නවා කියල. ඒත් මන් ඒ කොල්ලා ගැන වැඩිය හොයන්න ගියේ නැත්තෙ ගිහානා මගේ කවුරුත් නෙවෙයි නිසා. එකට ජීවත් උන ටික කාලෙදි තමා මට තේරුනෙ එයා මන් ලගට ආවෙ ලෙස්බියන් කියන දේ එක්ස්පීරියන්ස් කරන්න ඕනෙ නිසා කියල. ඒත් ඇත්තටම එයා ස්ට්‍රේට්. ඕක තේරුන වෙලේ මට උබව ගොඩක් මතක් උනා පොඩ්ඩියේ... ඔයා ස්ට්‍රේට් ද නැද්ද කියලවත් අහන්නෙ නැතුවයි මන් ඔයත් එක්ක යාලු උනේ... ඒත් අදටත් උබ මට අවංකවම ආදරේ කරනවා. ගිහානා එයාගෙ ස්ටඩීස් වලට ඉන්ග්ලන්ඩ් යන්න ඕනෙ කියනකොටත් මට හිතුනා එයා මේ යන්නෙ එයාගෙ බොයිෆ්‍රෙන්ඩ් නිසාද කියල. ඒත් මන් ඒවා ගැන වැඩිය කෙයාර් කරේ නැත්තෙ මට මගෙ ගමන යන්න තියෙන නිසා, මගෙ පොඩ්ඩි ගැන හිතන්න තියෙන නිසා. ඔව්... මේ අවුරුදු පහටම මන් එයාට එකම එක මැසේජ් එකක්වත් නොදැම්මට එයා ගැන මට පුලුවන් විදිහට දුරින් ඉදන් හොයල බැලුවා. එයාගෙ යුනි එකේ ඉන්න මගේ යාලුවන්ට කියල එයා ගැන තොරතුරු දැනගත්තා. ඔයා නොදන්නවා උනාට විනුදි මගේ සෝශල් මීඩියා ෆ්‍රෙන්ඩ් කෙනෙක්. එයයි මායි කතා කරනකොට එයා ඔයා ගැන මට කියනවා. මාත් එයාට සැක නොහිතෙන්න ඔයා ගැන විස්තර අහනවා. ඔයා නොදන්නවා උනාට ශනූ, මන් පස් වතාවක්ම ජැපෑන් ආවා ඔයාව බලන්න. ඒ හැමවෙලේම ඔයාව බදාගෙන අඩන්න ඕනෙ උනත් දුර තියා බලල හිත හදා ගත්තා. උබ මන් නැතුව ගොඩක් දුක් විදිනවා දැක්කහම මගෙ පපුව පැලුනෙ නැති ටික විතරයි රත්තරනේ... උබේ ඔය ලස්සන හිනාව හැමදාම මට රෑට හීනෙන් පේනවා. ගිහානා මාත් එක්ක පිසිකලි එකතු වෙන්න කොච්චර ට්‍රයි කරත් මන් එයාට මට අතක්වත් තියන්න දුන්නෙ නැත්තෙ මන් උබේ නිසා විතරයි. මන් දන්නවා ඔයා එයාගෙ ටික්ටොක් බලනවා කියල සුදූ... ඒ නිසායි, උබට දුර ඉදන් හරි මාව බලන්න පුලුවන් නිසයි මන් ගිහානා එක්ක ටික්ටොක් වීඩියෝස් වලට හිටියෙ. නැතුව උබ හිතන්න එපා උබත් එක්ක එක පොටෝ එකක් ගන්නත් කොච්චර අකමැති උන මන්ම ගිහානා එක්ක ටික්ටොක් වල ඉන්නෙ, මන් ඒකි එක්ක සතුටෙන් හිටපු නිසා කියල.
තව පැයක් විතර ගියායින් පස්සෙ මන් ජැපෑන් වලට ලෑන්ඩ් කලා. කලින්ම මන් එනවා කියල විනුදිට ඉන්ෆෝම් කරල තිබ්බ නිසා විනුදි ඇවිත් තිබ්බා එයාර්පෝට් එකට මාව පික් කරන්න. විනුදි අද ඇත්තම දැනගනිවී. මන් විනුදිට හැමදේම කිව්වහම ඒ කෙල්ල ඒවා හැමදේම තේරුම් ගත්තා. ඒ වගේ යාලුවෙක් ලබන්න තරම් මගේ කෙල්ල හරිම වාසනාවන්තයි. මගේ කතාව මන් සම්පූර්ණයෙන්ම කියල ඉවර උන ගමන් විනුදි කාර් එක නැවැත්තුවේ ෆ්ලෝරල් ශොප් එකක් ලග. එයා කාර් එක නවත්තල ගිහින් ටික වෙලාවකින් එලියට ආවෙ ලොකුම ලොකු වයිට් ලෝටස් ෆ්ලවර් බොකට් එකක් අරන්...

අක්කෙ... නෙත්රූ ආසම ලෝටස්වලට කියල මන් අක්කට අමුතුවෙන් කියන්න ඕනෙ නෑනෙ. ඒකෙනුත් වයිට් ලෝටස් තමා එයාගෙ ෆේවරිට්. එයත් නෙලුමක් වගේ කෙල්ලෙක්. ඉතින් මේ බොකට් එකත් අරන් යන්න එයා ලගට. මගේ යාලුවා එයාගෙ ආදරේ නැතුව විදවපු කාලෙ හොදටම වැඩිත් එක්ක. ඔයාව දැක්කහම එයා මොන වගේ හැසිරෙයිද දන්නෙ නෑ හැබැයි අක්කෙ එක දෙයක් මතක තියාගන්න. ශනුති මෙච්චර කාලයක් බලන් හිටියෙ ඔයා වෙනුවෙන්...

මන් ඒක දන්නවා. මගෙ කෙල්ලට මන් නැතුව ඉන්න බෑ කියල.

තවත් විනාඩි තිහක් විතර ගෙවිල ගියා. විනුදිගෙ කාර් එක නැවතුනේ එයාගෙ අපාර්ට්මන්ට් එක ඉස්සරහ.......

__________________________________

අදට මෙච්චරයි... හෙට තේරෙයි ඇයි අද එක මෙච්චර ශෝට් උනේ කියල. හෙටින් කතාව ඉවර කරන්න තමා මන් හිතන් ඉන්නෙ. ඉතිම් යාලුවනේ.... නොදැනීම කතාව ඉවර වෙන්නත් ඇවිල්ල... හෙට ඒ ගැන වැඩිදුර කතා වෙමු.

ආහ් මේ.... කොමෙන්ටු පහකට වඩා මේ එපියට වැටුනොත් මන් තව එපියක් ඇඩ් කරනවා කතාවට 😁😁

බායි 💐👋🍁