පියුමක් ද ඔබ ?

part 14

මන් ඒක දැනගත්තෙ අද උදේ.. දැන් වෙලාව හවස හයට ලගයි. මට ඒක දැනගත්තු වෙලේම එයා ලගට යන්න ඕනෙ උනත් මට ඒක කරගන්න බැරි උනා. එකක් මන් කොළඹ නෙවේ. දෙක, ගෙදරට මොකක්හරි බොරුවක් කියන්න ඕනෙ. යන කෙනා නම් මට ප්‍රශ්නයක් නෙවේ මොකද වෙලාවටම අයියා අද ගෙදර නිසා. බැරි වෙලාවත් එයා හිටියෙ නැත්නම් යන කෙනත් මට ප්‍රශ්නයක් වෙනවා.

චූටි ඔයා කලබල වෙලා ඒ නන්ගිවත් කලබල කරන්න එපා

මන් කොහොමද අයියෙ කලබල නොවී ඉන්නෙ. හරිනම් මේ මොහොතෙ පාටි එකක් හරි දාල සතුටු වෙන්න ඕනෙ කෙනෙක් මේ විදිහට අඩ අඩා හොස්පිටල් එකේ ඉන්නෙ. ඉතින් මන් කොහොමද කලබල නොවී ඉන්නෙ.

පිටවෙන්න ආපු ඉකිය හිර කරගෙනම මන් එහෙම කිව්වා. ඇත්තට ම නෙත්රූ අක්කා විතරක් නෙවේ මාත් මේ වෙලේ අසරනයි. අයියා කියනවා මට කලබල වෙන්න එපාලු. එයා කියන්නෙත් ඇත්ත. මේ වෙලාවෙ නෙත්රූ අක්කාගෙ හිත හදන්න ඉන්න මන්ම මෙහෙම කලබල උනාම එයා කොහොමද සන්සුන් වෙන්නෙ. ඒත් මන් කොහොමද දෙවියනේ ඉවසන්නෙ මගේ කෙල්ලට මෙච්චර දෙයක් වෙලා තියෙනකොට ??? නෙත්රූ අක්කා කවදාවත් කැමති උනේ නෑ මගේ ඇහේ කදුලු දකින්න. මට තියෙන ලොකුම බය දැන් හිර වෙලා තියෙන කදුලු එයා ඉස්සරහදි පිටට පනී ද කියල.

මන් දන්නවා සුදූ.. ඒත් නන්ගි ඒ දරුවට මේ වෙලේ ඉන්නෙ ඔයා විතරයි කියන එක විතරක් මතක තියාගන්න. දැන් පවනි නන්ගිල එහෙම ආවද ?

එයාල තාම මේක ගැන දන්නෙ නෑ අයියෙ. මන් එයාලගෙන් ආපු කෝල්ස් ආන්සර් කලේ නෑ, එහෙම ආන්සර් කරල මට කතා කරන්න මූඩ් එකකුත් නෑ. මට එයාලගෙ සතුට නැති කරන්න බෑ

ඒකත් ඇත්ත. ඒත් එයාල එහෙම හිතන්නෙ නෑනෙ දරුවෝ. එයාල හිතයි ඔයාල එයාලව අමතක කලා කියල.

මන් මොකක්ද අයියෙ කරන්නෙ ? ඔක්කොටම වඩා මන් අසරණ වෙලා වගේ.. ඇයි හැමදේම මගේ අක්කටම වෙන්නෙ ??

නෑ නෑ සුදූ.. ඔයාට මන් ඉන්නවනෙ. දැන් ගිහින් ඔයා නෙත්රූ නන්ගිව බලන්න. මන් පවනි නන්ගිලට මේ ගැන කියන්නම්.