شيطان العشق

الرابع

طائف/ مازن؟؟؟؟
نظر كلاً منهم للآخر فى ذهول لتظهر آيات فى تلك اللحظة وترى أسوء كوابيسها أمامها .. تباً ماذا سيظن مازن بها!! .. تُخفى رجل غريب بمنزلها وهى فتاة غير متزوجة ذات سُمعة لم تشوبها شائبة حتى تلك اللحظة .. لكن الأن إنتهى كل شيئ
آيات بتوتر/ مستر مازن أرجوك متفهمش الوضع غلط .. ده ده ..
مازن مقاطعاً ومتجاهلاً آيات/ طائف!! أنت بتعمل إيه هنا؟؟
نظرت له ببلاهة ثم نقلت أنظارها نحو طائف لتجد ذهوله قد إنقشع ليحل محله إبتسامة إنتصار وتشفى .. لكن لما؟؟
طائف بغموض/ ظروف حصلت معايا وإضطريت أبقى فى ضيافة .. آيات.
لم ينتبه مازن وسط دهشته لنطق طائف المتعمد إسم آيات مجرداً دون القاب ليكمل...
مازن/ ظروف إيه يابنى دى؟؟ وبعدين أنت مش المفروض ترجع الأسبوع الجاى!! جيت بدرى ليه؟؟ إيه حصل!! وليه مقولتش ليا على وصولك؟؟
طائف بملل/ قولت ظروف يامازن يبقى خلاص ظروف .. مش وقته الرغى بتاعك ده .. وكويس أوى إنك جيت عشان من إمبارح مش عارف أوصل لحد تبعى .. خلينا نمشى بقى.
أومئ مازن دون تفكير لحديث صديقه ليجد من هبت من مكانها تطالب بتفسير...
آيات بإندفاع وحدة دون وعى/ ممكن أعرف بقى أنتوا تعرفوا بعض إزاى؟؟
طالعها مازن بإستهجان لحدة حديثها لتتنحنح قائلة
آيات/ أحم أحم مقصدش .. بس يعنى أقصد إنى إتفاجئت إنكم تعرفوا بعض.
مازن دون إهتمام/ ده طائف العمري ويبقى صاحب ال...
طائف مقاطعاً/ صاحبه .. أنا ومازن صحاب من زمان.
طالعه مازن فى ذهول ليتلقى نظره منه أخبرته أن يصمت ويجاريه فى الحديث.
مازن/ أه فعلاً صحاب من زمان أوى.
أومأت هى دون إقتناع وأكملت برسمية...
آيات/ ده الورق إللى حضرتك طلبته بس أنا بعيد كلامى لحضرتك تانى إنى سبق وسلمت الورق ده إمبارح لمستر هادى.
مازن بضيق/ عارف يا آيات عارف بس مستر هادى ضيع الورق.
آيات وطائف بإستهجان/ ضيع الورق؟؟؟؟
نظرت له نظرة تعنى وما دخلك أنت؟؟ فى حين هو أكمل تفحصه لمازن...
مازن بتبرير/ ماهو دايماً كده يا آيات مستغربة ليه دلوقتى؟؟
آيات/ دايماً كده أه لكن أنا مش هقدر أستحمل أكتر من كده ... يافندم لو ورق خاص بأى صفقة أو بشئون حساسة خاصة بالشركة ضاع برضوا من مستر هادى أنا هقع فى مصيبة وهينتهى مستقبلى عشان كده أنا بفكر إنى أقدم إستقالتى وإللى يحصل يحصل.
مازن بسرعة/ إستقالة إيه بس يا آيات صلى على النبى كده .. إحنا مستحيل نقبل إن الشركة تخسر موظفة بكافأتك وإخلاصك .. أكيد هلاقى حل غير موضوع الإستقالة دة.
طائف بغموض/ فعلاً هنلاقى حل وبعدين إستقالة إيه بس ده اللعب أبتدى يحلو.
آيات بحدة/ أفندم؟؟
طائف لمازن/ يلا يامازن خلينا نمشى.
أمتثل مازن أخيراً لحديث صديقه فسبقه للخارج فى حين تلكع هو فى طريقه ليهديها نظرة تَشفى وإبتسامة أحتارت هى فى تفسير معناها وأخيراً خرج ليحتل المقعد المجاور لصديقه بالسيارة ليهتف فى وهن...
طائفذ/ إطلع بينا على المستشفى بتاعتى.
زوى مازن مابين حاجبيه قائلاً فى قلق...
مازن/ مستشفى!! ليه؟؟ أنت كويس ياطائف؟؟
طائف بتأفف/ إخلص يامازن وبعدين هحكيلك.
مازن/ حاضر حاضر.
§∆§
§∆§
أنطلق مازن سريعاً نحو مستشفى العمري الخاصة ليتم إستقبال حالته بسرية تامة وبعد معاينة دقيقة علم أنه بخير حال بفضل إسعافات تلك الصغيرة ولولاها لأصبح فى خبر كان.
بجناح خاص فى المشفى نجده جالس بأريحية على سرير ما يجاوره صديقه وقد إنهال عليه بالأسئلة والعتاب...
مازن بغضب/ ممكن تفهمنى بقى إيه إللى حصل معاك بالتفصيل؟؟
طائف/ فخ.
مازن بإستفهام/ أفندم!!!
أرجع رأسه للخلف ليستند على ظهر الفراش فيعيد أحداث اليوم السابق ويبدأ بسردها على صديقة...