شيطان العشق

العاشر

لحظات قضاها الإثنان فى صمت قبل أن يصلا إلى المنزل ودعته بهدوء شاكرة إياه لتهبط من السيارة متجهة إلى المنزل .. أخذ يراقبها حتى إطمأن لدلوفها للداخل وهم بتحريك السيارة لكن أوقفته صرخة صدرت من داخل المنزل سمرته بمكانه
ثوانٍ بل أقل من ثوانٍ وكان الباب يُطرق بعنف من طرفه ليجدها بعد لحظات تفتحه .. تطالعه بنظرات مستنجدة .. ليذفر أخيراً أنفاسه فى راحة بعد أن اُحتبست بداخله قلقاً ورعباً بسبب صراخها منذ لحظات .. مستمراً فى تحديقه بوجههاً مطالباً إياها بتفسير ما فتقابله عيناها الدامعتين .. لم يشعر بنفسه وقتها إلا وهو يجذبها بين أحضانه ليشعر بإرتعاش جسدها بين ذراعيه .. فيلعن نفسه على غبائه وتهوره عندما طافت عيناه أنحاء المنزل ليجده مقلوباً رأساً على عقب بفوضوية وجنون مما يدل على إقتحام أحدهم له رغبة فى إلقاء الخوف فى نفوس ساكنيه .. لمعت عيناه بغموض ومرر يداه على رأسها بهدوء عند سماعه لشهقاتها تزداد
توجه بها إلى أريكتهم المفضلة فيجدها هى الأخرى فى حالة يرثى لها .. قام بتعديل وضعها وأثناء ذلك لم يجرؤ على إبعادها إنش واحد عن أحضانه
جلس كلاهما بهدوء لتمر عدة دقائق شعر بعدها بجمودها بين ذراعيه قبل أن تهب من مكانها كالعاصفة تقف وبعينيها نيران متقدة تشير نحوه بأصبعها فى حدة
آيات بجنون وصراخ/ أنت .. أنت إللى قلبت حياتي وبكل بجاحة ليك عين توريني وشك؟؟ عايز مني إيه؟؟ عايزين مني إيه؟؟ أنا طول عمري في حالي لا عمري أذيت حد ولا حد آذاني .. أنت مييين وعايز مني إيه؟؟ كفاااااية كفاااية حرام عليك سيبني فى حالي بقى.
قام يواجهها بوقفته .. أقترب منها ماداً كفيه نحوها فى محاولة منه لتهدئتها .. لتصفع كفه بحدة وتهم هي بدلاً من ذلك بالتقدم نحوه تضربه بكلا كفيها بصدره فيتقهقر للخلف عدة خطوات نتيجة لذلك لتصرخ بإنهيار
آيات/ متلمسنيش .. أنت إيه يا أخي مبتفهمش؟؟قولت سيبني فى حالي .. إطلع برة .. برررررة.
نفذ صبره وإنتهى الأمر .. يكفى إنهياراً إلى هذا الحد .. أمسك بكفيها ليجذبها نحوه بقسوة ينظر فى عيناها بثبات قبل أن يردف
طائف بصراخ مماثل ونفاذ صبر/ إهدي بقى .. إهدي شوية وإسمعيني .. ليه بتقولي إني السبب يمكن يكونوا مجرد حرامية دخلوا وحاولوا يسرقوا البيت؟؟
آيات/ والحرامية دول هيسيبوا ليا دي؟؟
مدت يداها نحوه بورقة صغيرة لم ينتبه لوجودها بحوزتها عندما كانت بأحضانه .. إلتقط منها الورقة بقلق لتنقلب ملامحه إلى غضب مخيف من فحواها .. فقد كانت عبارة عن تهديد صريح من عدوه اللدود والموجه له من خلالها .. تلى ذلك تلفظه بشتيمة بذيئة عقدت هى حاجبها بإستهجان بسببها
أغمض عيناه مستدعياً بعضاً من الهدوء المعروف به .. ليقبض يداه الممسكة بالورقة بقسوة ويردف
طائف/ هنفذلك إللى أنت عوزاه .. عاوزة تسيبي الشغل .. أنا موافق معنديش مانع .. بس بشرط.
آيات بحدة/ شرط إيه؟؟ قصدك الشرط الجزائي؟؟
طائف/ لا مش عايز منك فلوس .. عايز حاجة تانية.
آيات/ إيه الحاجة دى؟؟
طائف/ شهرين .. هتفضلي لمدة شهرين بس لغاية ما ألاقى سكرتيرة مناسبة تفهم الشغل .. Deal؟؟
دقيقة مرت إلى أن نطقت بإستسلام
آيات/ Deal.
بعدها تحرك هو بصمت نحو الخارج تاركاً إياها تطالع مكانه الفارغ بقلق وتعجب من موافقته على رحيلها
آيات لنفسها/ ملكيش دعوة وأحمدي ربنا إنك هتنفدي بجلدك .. بس هروح فين بعد ما أسيب الشغل وهعيش ازاى؟؟
ثم هبت من مكانها بذعر لتهتف
آيات/ دول ممكن يطردوني من الشقة كمان هعمل إيه وقتها؟؟ كان لازم أنسحب من لساني يعني وأطلب أمشي من غير ما ألاقي مكان تاني؟؟
ثم تنهدت بتعب/ ربنا يستر بقى.
§∆§∆§
§∆§∆§
بڤيلا آسر الرفاعي...
نجده هو ويده اليمنى مؤنس يخططان لأمر ما
آسر/ عملت إيه فى الموضوع بتاع البت دي؟؟ نفذت إللى قولت عليه؟؟
مؤنس/ تم ياباشا بس يعني...
آسر بتأفف/ بس إيه؟؟ حصل إيه تانى؟؟ متقوليش الحوار ده كمان فشل زي موضوع روما.
مؤنس/ لا ياباشا مش القصد ...بس يعني حضرتك مكانش فى داعي تقوم بأى حركة إحنا رقبتنا سدادة ونقدر نتعامل مع الكتكوتة بسهولة.
عقد حاجبيه بعدم فهم ليردف
آسر/ مش فاهم!! حركة إيه؟؟ وكتكوتة مين؟؟
مؤنس بتوضيح/ أقصد يعنى إنك تروحلها وتجر ناعم معاها و...
آسر مقاطعاً/ أروح لمين وأجر ناعم مع مين؟؟ هو أنا كنت أعرف مين دي أصلاً؟؟
مؤنس بإعتراض/ الله إزاى الكلام ده ياباشا ده حضرتك كنت معاها النهاردة؟!! الولا إللى بعته عشان يراقبها بلغنى بنفسه.
آسر بتهكم/ تلاقي الولا بتاعك أحول ولا حاجة قال كنت معاها قال .. غووور يامؤنس من قدامي وخلى رجالتك يشوفوا شغلهم عدل بدل ما أخليهم أنا يتعدلوا بمعرفتى.
هم مؤنس بالمغادرة ليعود آسر إلى مباشرة العمل قبل أن تخطر له خاطرة جعلته يصرخ برجله أن يتوقف ثم تحرك من خلف مكتبه متوجهاً نحوه
آسر/ إستنى هنا .. أنت قلت إن الولا ده قال إنى كنت معاها النهاردة؟؟
مؤنس/ متآخذهوش ياباشا أنا هظبطه وأخليه يفتح عينه ويشوف شغله كويس دة عيل ا....
آسر مقاطعاً/ إسمها إيه؟؟
مؤنس بغباء/ هي مين دي ياباشا؟؟
آسر بإنفعال/ البت سكرتيرة طائف إسمها إيه؟؟ إخلص.
مؤنس/ أه أه إسمها آيات ياباشا .. آيات رأفت.
شلل أصابه .. ينظر لمؤنس بعينان مفتوحتان على وسعهما .. تحرك جسده بصدمة ليتراجع عدة خطوات إلى الخلف كرد فعل لصدمته ليتهاوى بعدها على مقعد خلفه .. بقى لحظات على هذا الوضع ينظر إلى اللاشئ قبل أن يوقظه صوت مؤنس
مؤنس بقلق/ حضرتك كويس ياباشا؟؟ تحب أطلب الدكتور؟؟
أستيقظ على هذا الصوت لينظر نحوه لثوان هب بعدها واقفاً متجهاً للخارج تجاوز مؤنس والذي راقبه بتعجب قبل أن يجد سيده يردف بتحذير
آسر/ تنسى أى شيىء خاص بأذية آيات .. محدش يجي جنبها أو يفكر يلمسها وتكلم الولا إللى بيراقبها إنه هناك لحمايتها يعني لو حصل أى حاجة معاها يتصرف ويبلغني فوراً فااااهم؟؟ محدش يمسها بسوء.
ثم تحرك مسرعاً إلى الخارج يسب ويلعن نفسه على تهوره وإهماله الذي كاد أن يُفقده أغلى وأنقى ما يملك بحياته.
§∆§∆§
§∆§∆§
وبمنزلها نجدها تتحرك يميناً ويساراً تعيد كل شيىء إلى مكانه وتلملم بعض من الزجاج المحطم تكاد تذرف دموعها حسرة على ما أصاب منزلها العزيز تعاونها في ذلك صديقتها سهام والتي هاتفتها خصيصاً لمساعدتها فى خضم هذا الجنون
وأخيراً إنتهوا تقريباً من إعادة ترتيب المنزل حتى وإن لم يعد كما كان لكن يمكن الآن القول أنه صالح للإقامة به .. إستلقت سهام بإنهاك على فراش صديقتها والذي إختتمت مهمتها بفرشه.
سهام/ دي ولا قصة ألف ليلة وليلة .. بقى كل ده يحصل ومتحكليش؟؟
آيات بتأفف وهى تعيد رص ملابسها بالخزانة/ أنت هبلة يابت أنت؟؟ ما قولتلك لسة راجعة مصر النهاردة وبعدها تعب رقيات ومنظر البيت لما رجعت .. كل ده مخلنيش عارفة أفكر أتصرف إزاى وأكلم مين.
سهام/ يالهوي يابنتي يومين بس وإنقلب حالك كله .. الله يكون فى عونك.
آيات/ لا وأنت الصادقة ده شهر ونص مش يومين.
سهام بحزن/ يعنى خلاص هتسيبي الشغل فعلاً؟؟
آيات بحزن مماثل/ ما أنت شوفتى إللى حصلي من ورا الشغل ده .. فكرك يعني سهل عليا أسيبه؟؟ بس أعمل إيه غصب عنى.
سهام/ طب ومستر طائف؟؟
آيات بإضطراب/ ماله؟؟
سهام بخبث/ يهون عليكي؟؟ أقصد يعني هتسيبيه والشغل كله هيبقى فوق دماغه؟؟
آيات بتلعثم/ ماهو .. ماهو هيكون لقى سكرتيرة وهتفهم الشغل ماشى إزاي.
سهام/ طب وأنت؟؟
إنتهت من رص الملابس لتجلس هى الأخرى على الفراش أمام صديقتها
آيات/ أنا إيه؟؟
سهام/ سهل عليكي تسيبيه؟؟
تنهيدة عميقة صدرت منها قبل أن تردف بتعب
آيات/ معرفش .. مش عارفة أنا حاسة بإيه زعلانة ولا فرحانة؟؟ حقيقي مش عارفة .. أه كنت بزن عليه إني عايزة أستقيل يمكن من تاني أسبوع شغل معاه بس مش عارفة ليه لما وافق بقيت محتارة وتايهة كده؟!!
سهام/ أنا قولت هتستهبلى وتقاوحى بس أديكي قولتي إللى جواكي.
آيات بحيرة/ قصدك إيه؟؟
سهام/ قصدي إنك زعلانة عشان هتمشي .. مش عشان هتسيبي شغلك لأ  عشان هتسيبي طائف عشان هتبعدي عنه صح ولا غلطانة؟؟
آيات بإستسلام/ صح كلامك ومعرفش ليه؟!!
سهام بضحك/ عشان معجبة بيه.
آيات بصراخ قافزة من مكانها/ نعم!! لا طبعاً أنت إتجننتي؟؟ مستحيل.
سهام بمرح/ بلاش جنان وإسمعيني .. أنا مقولتش بتحبيه أنا قولت معجبة بيه .. يعني هو كشخص راجل وسيم وچنتل .. مستواه المادي خرافي يعنى حاجة كده تزغلل عين أى واحدة.
آيات بتهكم/ لا ونسيتي أهم حاجة .. إنه متورط فى مصيبة وصلت إن فى ناس عايزة تخلص منه.
سهام بضحك/ إحنا منعرفش أصل الحكاية .. بس بغض النظر عن آخر حاجة قولتيها فهو عريس لقطة
آيات بضحك/ والله أنت مصيبة ومفيش فايدة فيكي.
سهام/ ياستي مصيبة مصيبة بس متنكريش إنك فعلاً معجبة بيه صح؟؟
همت بالاجابة عليها إلا أن قاطعها جرس منزلها لتنظر لصديقتها بقلق
آيات/ ده مين إللى هيجي فى الوقت ده الساعة عدت عشرة؟؟!
سهام/ غريبة فعلاً بس قومي نشوف مين وكويس إني معاكي.
آيات متجهة للخارج لترى الطارق/ ربنا يستر.
وصلت لباب المنزل لفتحه لتجد
آيات بدهشة/ آسر!!
وجدته يطالعها بقلق وسرعان ما تقدم خطوة نحوها يمسك بكفيها الإثنين يسألها بتوتر
آسر/ آيات أنت كويسة؟؟ جرالك حاجة؟؟ حد لمسك؟؟ أنا أسف .. أسف.
آيات/ إهدى يا آسر فى إيه مالك؟؟ أدخل أدخل تعالى.
سحبته خلفها داخل المنزل فى حين كانت عيناه معلقتان بها بندم وخوف حتى إنه لم يلحظ تواجد سهام والتى كانت تطالعه بريبة وتعجب
آيات وبعد أن جلسا/ قولى بقى مالك فى إيه؟؟
توتر لحظات أثر سؤالها .. فماذا يقول بعثت برجالى لقتلك دون علمى من أنتِ .. فكر سريعاً ليجد أقرب إجابة إليه وإن كامت غير مقنعة
آسر/ يعنى عشان سيبتك لوحدك فى المستشفى الصبح ومتصلتيش بيا تاني فإفتكرت إن فيه حاجة حصلت.
آيات بعدم إقتناع/ يعني كل القلق ده عشان كده؟؟ ونازل فى الساعة دي جى تتطمن عليا بسبب ده؟؟متأكد إن مفيش حاجة فعلاً؟؟
أومئ لها بإبتسامة قبل أن يلاحظ وجود سهام معهم ليتنحنح بحرج فتقوم آيات بمهمة تعريفهم ليتلو ذلك إعتذاره على إزعاجهم ومغادرته بعدها فتبقى الفتاتان معاً وحدهم مرة أخرى
سهام/ مين المز؟؟
آيات/ نفسي فى مرة تشوفي واحد ومتقوليش عليه مز.
سهام/ ذنبي إيه يعنى إنهم كلهم مزز؟؟ بس مقولتليش مين ده بجد؟؟ وبتاع إيه إنه يجيلك فى الوقت ده وتدخليه بيتك عادي كده؟؟
آيات بتنهد/ هحكيلك ياستي.
وبدأت بإخبارها حقيقة علاقتها الأخوية بآسر ومدي تقاربهم لتردف صديقتها بشك
سهام/ بس ده واضح إنه جاي وعارف إن حصل معاكي حاجة فعلاً؟؟
آيات/ وهيعرف منين يعنى؟؟ ده أنا حتى محكيتلهوش إللي حصل فى روما.
سهام بتأكيد/ معرفش بس سي آسر بتاعك ده وراه حاجة وبكرة تقولى سهام قالت.