شيطان العشق

السابع عشر

علا دون وعى/ وأنت حبيبته
لم تتلقى أى رد من آيات لتنظر لها وقد أدركت فداحة ما قالته لكن لم تجد أى دهشة أو رد فعل منها رمشت عدة مرات لتهتف بقلق
علا/ آيات .. أنت كويسة؟؟
طالعتها آيات بدهشة
آيات/ أنا كويسة أنت إللى فى إيه سكتى مرة واحدة؟؟
علا بحذر/ معلش سرحت شوية كنا بنقول إيه؟؟
آيات/ كنتى بتقولى إن طائف مش هيتخلى عنى زى ماهو متخلاش عنك بس زى ما قولتلك أنت أخته وبعديها سكتى.
علا بفرح/ سكت!! يعنى أنا مقولتهاش بصوت عالى؟؟
آيات بإستغراب/ مقولتيش إيه بصوت عالى؟؟ فى إيه؟؟
علا بفرح/ مفيش .. مفيش متخديش فى بالك المهم إن طائف مستحيل يمل أبداً من حمايتك.
آيات/ ولغاية أمتى الوضع؟؟
علا/ لغاية ما ربنا يحلها من عندة، كل إللى طلباه منك إنك تحاولى تهدي شوية وكفاية عراك مع طائف.
آيات/ بتدافعى عنه وكأنه مش السبب فى إللى إحنا فيه!! سواء راضى بالوضع أو لا بس هو مش ملاك وفى نظري هو مجرم.
تنهيدة حارة خرجت من علا لتهتف
علا/الحياة مش قفش يا آيات مش كل حاجة ياغلط ياصح فى وسط بينهم.
آيات/ أنا إتربيت على إن مفيش وسط، إتربيت إن الحياة يا أبيض يا أسود وحياة طائف كلها أسود فى أسود.
حركت علا رأسها بيأس لتهتف
علا/ طب ممكن تقومى تاخدى دش كدة وتفوقى شوية وأنا هنزل عشان أحضر الفطار وأرجوكى بلاش تحتكى بطائف النهاردة بالذات.
عقد حاجبيها بحيرة متسائلة
آيات/ وإشمعنى النهاردة يعنى؟؟
علا/ الظاهر كدة الناس إللى شغال تحت إيديهم صبرهم بدأ ينفذ وهيتحركوا.
نظرت لها آيات بتوتر
آيات/ يعني إيه؟؟ هيبعتوا حد عشان يقتلنى؟؟
علا/ محدش يعرف مكانا هنا، القلق على طائف إللى لازم يظهر ويحاول يبرر إختفائه وإختفائك كمان وإلا هيعتبروه خاين وآآ...
آيات برعب/ وإيه؟؟
علا بقلق/ عقاب الخيانة الموت.
شهقت بفزع لتتسع حدقتاها فى خوف وقلق
آيات/ ده جنون، هم فاكرين نفسهم مين؟؟ إحنا في غابة ولا إيه؟؟
علا/ عشان كدة بقولك متحتكيش بيه النهاردة لأنه مش حمل أى جدال أو نقاش خليه يعرف يفكر فى حل لوضعنا دة.
أومأت آيات على مضض لتتنهد علا براحة قبل أن تتجه مغادرة الغرفة فى حين ظلت آيات على وضعها تفكر فى وضعهم ذاك وخطورتة عليهم جميعاً.
§×§×§×§
§×§×§×§
طوني/ مازن ده مش وقت لعب، أندريه صبره نفذ وعايز طائف يظهر من تحت الأرض.
مازن بتوتر/ قولتلك ياطوني معرفش راح فين بقالة يومين مش ظاهر.
تأفف بصوت عال وتحرك بغرفته محاولاً ترتيب أفكارة وتوقع أين قد يكون صديقه ليهتف بمازن على الطرف الآخر من الهاتف
طوني/ عايز تفهمنى يامازن إنك متعرفش فين أراضيه ولمدة يومين؟؟ ده أنت اقرب صاحب ليه!!
مازن/ مش هكون أقرب منك ليه وهقولهالك تانى أنا معرفش عنه حاجة.
طوني بإقتضاب/ طب والبت؟؟
مازن بغباء مصطنع/ بت مين؟؟
طوني بحدة/ ماااازن.
مازن بإستسلام/ مالها ياطوني مالها آيات؟؟
طوني/ ياسلام!! يعنى مش عارف إنها مختفية.
مازن/ طونى أنت عايز إيه؟؟
طوني بغضب/ عايز ألحق طائف عشان واضح إنه إتجنن وهيودى نفسه في داهية، خفيتوا البت فين يامازن؟؟ وتطلع مين دى عشان الباشا يخاطر بنفسه عشانها؟؟ لا ومش كدة وبس لا آسر كمان يهدد أندريه لو مسبهاش فى حالها.
مازن بدهشة/ أنت بتقول إيه!! آسر هدد البوص؟؟
طوني/ عايز تفهمنى إنك كمان متعرفش بده؟؟ مازن الموضوع بيكبر ولو طائف مظهرش وخلص على البت دى مش هعرف أساعدة، أنا بحاول أكسب وقت .. بلغه بكدة وقوله طونى بيبلغك إن الوقت لسة مأزفش فاهمنى ياصاحبى؟؟
مازن بقلق/ فاهمك ياطونى وهبلغك لو كلمنى أو عرفت عنه حاجة.
تنهد طوني بيأس من محاولة إنكار مازن معرفتة بمكان صديقه
طوني/ مفيش فايدة يعنى مش عايز تنطق وتقول هو فين؟؟ على العموم أنا عملت إللى عليا سلام.
مازن/ سلام.
ثم أغلق الهاتف ليردف لنفسه بقلق
مازن/ وبعدهالك ياطائف نهاية إللى بتعمله دة إيه ياصاحبى؟؟
§×§×§×§
§×§×§×§
بالمستشفى»»»
آسر بدهشة : تركيا ؟
مؤنس : ايوة يا باشا انا اتأكدت بنفسي انه سافر من يومين و بطيارته الخاصة