غرفة نرجس ..
همست نرجس لعهود: بقول لابوك صدتها تكلم جسّاس ويلعب عليها ويخليها ترسل له صورها ، وانتي سويه بالكتشب حقكم ذا
ضحكت عهود:اسمه فوتشوب
نطقت نرجس بحدّه: الي هو ، الحين روحي سويه وحطي انها ترسل صوره لها وانه يلعب عليها و
قاطعتها عهود:لعبتي بس، خليهم علي
ضحكت نرجس ونطقت: روحي نادي ابوك وانقلعي
عهود: اي خلصتي مني
راحت عهود تنادي ابوها وقام يدخل الغرفه وناظر نرجس الي تبكي بهدوء تقدم لها ونطق:شفيك ام ساير
ناظرته نرجس وهي تشاهق: جـ جـ جسّاس يراسل الجوهره ويخليها تصور شكلها له
ناظرها بحدّه: وش تقولين انتي
هزت راسها وهي تشاهق : نفس ماسمعت
تقدم ياخذ شماغه وعقاله ويطلع برا البيت كله ، دخلت عهود ركض لامها وناظرتها تمسح دموعها وتضحك ونطقت :هاذي دموع التماسيح الي يقولونها
حذفت نرجس عليها المنديل : بنت احترمي امك
عهود تقدمت تجلس وتسولف لامها عن باقي الخطه ..
،
مدّ يده جسّاس ياخذ الفنجال من نوف الي صبت له وفتح جواله من جاه رساله من رقم غريب محتواها : الجوهره قالت لابوها انك تراسلها وتخليها ترسل لك صورها وتلعب عليها ....
ناظر الرساله يعقد حجاجه وضحك بسخريه وكتب:وش مبتغاها يوم تسوي كذا؟
ناظر الرساله الي جته من نفس الرقم : تبيك تتزوجها..
انصعق جسّاس من الرساله ولف من سمع الي يصارخ ويطق الباب بقوه وينادي بـ"جسّاس يابن اللذينا"
"اطلع ان كان فيك ذرة رجوله"
التفت يناظر الجوهره الي عقدت حجاجها ، ناظرها وهو يشوفها تسوي نفسها ماتدري ، على حسب ظنه، ولكن هي فعلاً ماتدري ، شدّ على يده بقوه برزت عروقه وحمّر وجهه من العصبيه ، تقدم يفتح الباب وانلكم من سعود بضربه على وجهه ، مسكه جسّاس مع ياقة ثوبه ورصّه على جدار الحوش يناظره : من معبي راسك علي هالمره
ناظره سعود بقهر ودمّه يغلي:بنات الناس ماهم لعبه بيدينك ، بتتزوجها ياجسّاس وتستر على العار الي سببته لنا سمعتت؟؟
شد عليه جسّاس يصارخ :العار شوفتك تسمع!!
،
بكت الجوهره تسمع صراخهم ، تظن انه جاي يبي ياخذها من عندهم قصراً ، التفتت العنود على خيّال بتوتر :رح رح شف اخوك لايسوي له شي نبتلي به
قام خيّال يرفع طرف ثوبه ويتعصب بالعمامه ، طلع يناظر جسّاس الي ماسك سعود مع ياقة ثوبه وتقدم يفككهم عن بعض من بين صراخهم ومن بعد معاناة قدر يبعدهم عن بعض ، ناظر سعود : شتبي انت؟؟ ماهو كل شي ينحل كذا، تكلم خلنا نفهم ،
عدل ياقة ثوبه سعود يناظر خيّال: اخوك يراسل الجوهره ويخليها ترسل صوره لها ويـ
قاطعه جسّاس الي صارخ و تقدم بيضربه لكن
مسكه خيّال ونطق جسّاس:تعقب يالرخمه تعقبب ، حرش الحريم تشوشك علينا؟؟؟
رفع جواله سعود من جته رساله من عهود صورة محادثه بين جسّاس والجوهره وناظر جسّاس :بتخطبها وتملك عليها ياجسّاس والا والله مايحصل لك طيب
وطلع من بيتهم يركب سيارته
التفت جسّاس يناظر خيّال : يهددني ذا؟
ضحك خيّال يناظره:كأني سمعته بعد؟
جسّاس:تنكت انت ؟
خيّال: شدعوه نهزر شوي ياعمي ، الا بسألك ابوي ماطرّا جيّه؟
جسّاس : غريبه تسأل عنه
ضحك خيّال :تعرف يعني عشان يخطب لك الجوهره وكذا
ركض خيّال بقوه ولحقه جسّاس يركض ، دخل خيّال ينط على الكنب ويجلس ولا كأنه صار شي ، دخل جسّاس يتفحم ،
استغربت الجوهره من شافت جسّاس مبتسم ويوم التفت لها كشّر ، حست ان وجودها مضايقه ، طلعت لغرفة نوف تنسدح ، تفكر وتفكر، كعادتها، ماتذكر انها يوم نامت بدون يهلكها التفكير ، ودها لو من بين قرن كامل يوم واحد بس ترتاح فيه ، كيف تشوف الهنا في حياتها ونرجس وعهود مايخلونها بحالها؟ ،
،
غرفة العنود..
وقف جسّاس من تعب من النقاش مع امه
جسّاس : يمه مابيها ! وحده تتبلى علي عشان اتزوجها تبين الي هي تبيه يصير؟
العنود: طيب لاتلومها!! يمكن تبي تفتك من نرجس وبنتها
جسّاس:وانا الي اتحمل صح؟
العنود : انت تحبها وش غيرك؟
صدّ جسّاس من الطاري ، رجع يناظر امه : انا تعبت اتحمل شي ماهو مسؤوليتي ، اغلاط سعود تحطونها علي وش ذنبي؟
العنود بحدّه ترفع صوتها: ولد!! الجوهره بنت اختي وماهي غلطه لسعود ولا غيره ، تسمع
صدّ وصرخت عليه :بتتزوجهاا ياجسّاس واذا جا ابوك بقول له سامع؟؟
جسّاس بإنفعال: يمه ! ماني ورع تتحكمون فيني
العنود: وعشانك مانت ورع بزوّجك
رفع صوته جسّاس : يمه تزوجيني وحده تتبلى علي؟ صاحيه انتي؟
لفّ جسّاس من دخل ابوه ينطق: احترم امك
العنود: اي عانه التفت لكم ، خلص من خزنه وورعانها وجاكم ، ذكر ان عنده عيال من حرمه ثانيه غير خزنه
ضحكت نوف الي كانت داخله ورا ابوها وهمست:افعل خير تلقى شر ، معوض يالغالي تكبر وتاكل غيرها
التفت عليها راجح ورجع يناظر جسّاس: القاها من الام ولا بنتها؟
صرخت العنود : ايييه رح رح ماترتاح غير عند الحيّه خزنه
راجح :اجل وش مصبرك علي مادامك ماتبيني
نطقت العنود وهي تهز راسها : عيالي
ضحك راجح : من يوم عمر جسّاس سنتين وهي تقول عيالي مادريت غير هي جايبه نوف وصارت تقول صابره عشان جسّاس ونوف ومادريت السنه الي بعدها الا وهي ضاويتن علي بخيّال
التفتت نوف على امها : هذا وانتي ماتبينه جايبه٣ ورا بعض اجل لو تبينه كم بتجيبين يالغاليه؟
ضحك جسّاس من لقافة نوف ، وصّد يستغفر من نطقت امه : راجح ترانا بنروح نخطب الجوهره لولدك بكرا
التفت يناظر نوف الي مذهوله ونطقت:ماني مصددقه
ناظرت جسّاس:من قدهم عيالك انا عمتهم؟
رفع يدينه جسّاس يستوقفهم: هييه على كيفكم هو؟ زوجوتوني وحطيتوا عندي عيال وحالتكم حاله
ناظرته العنود بحدّه :جسّاس اذلف نام بكرا وراك خطبه
مسك راسه جسّاس بجنون يرفع صوته: ياربي اجرني في مصيبتي! ، دخل خيّال يناظرهم : مصيبة وش من مات
عض اصبعه جسّاس بقهر، ودّه يصيح ، جسّاس هادي بس الواضح بيطلعونه عن طوره من حديثهم ،
ناظرتهم العنود :اطلعوا برا واحد واحد ، بتكلم مع جسّاس
التفت جسّاس يناظر ابوه بترجي مايبيه يطلع ، ناظره ابوه يأشر بيده بمعنى"باي" ،ضحكت نوف:اخس اخس
ناظرها راجح:ابوك يخسى؟
نوف: لا شف يعني ،
ناظرها راجح يتخصر ينتظر تبرير ، سرعان ما انسدحت من الضحك نوف ، نطقت تناظر ابوها وتضحك:خزنه مو مسويه فيك خير تدري ، انهت جملتها تضحك ضحك هستيري ، ادى انهم يضحكون من ضحكها,
،
صارخ سعود : ماعندك مروّه انت
ساير بهدوء :يبه انا اعرف جسّاس مايسويها
مسك راسه سعود:الرجال سواها وخلص وهذا يقول مايسويها
التفت عليه سعود يناظره :اقولك اختك ترسل صورها له
التفت ساير على امه وعهود الهاديات غير عن العاده، ناظر امه ويبدل النظر بينها هي وعهود ، نطق: اتمنى مالكم يد بالموضوع ، مع اني متاكد لكم دخل
ناظرته عهود بطرف عين وصدت تناظر ابوها،
سعود : ان ماخطبها جسّاس زوجتها عيّاد ولد اخوي
ساير ناظر ابوه بحدّه:يخسى ياخذها المعفن عيّاد
اشر سعود باصبعه :قل للي ماينتسمى هذاك يخطبها قبل يصير الي مايعجبك لا انت ولا هي ،
ناظره ساير وهو ناقد :سلامات كأني ارمي اختي عليه
،
بيت وافي .. "اخو سعود "
صرخ عيّاد ينادي اخته: هِتااااان
ماجاوبت عليه والتفت لامه :شفيها ذي
تنهدت لمياء :عيّاد اترك البنت في حالها
كان عيّاد ، لا خُلق ولا اخلاق ولا اسلوب ، حتى مع امه ، تعبت لمياء من تربيته ، عنيد ، راسه يابس، مافيه حميّا على اهله، راعي خراب ، ينضرب فيه المثل الي يقولونه البدو قبل " الرخمه جيده في خواته " هذا هو المقصود ، عيّاد بحد ذاته ، نزلت هِتان تتجاهل عيّاد وجلست جنب امها ، اخذت بيالة شاهي تصبها ، سندت ظهرها على الكنب تشرب من الشاهي، التفت وافي لـ لمياء ينطق:خيّال ماخطب ؟
التفتت بسرعه هِتان تنتبه لحوارهم ، لفت تناظر امها الي نطقت :مدري عنهم الله يستر عليهم
عيّاد :واحد من عيال راجح بيخطب بس نسيت منهو
توترت هِتان تهز رجلها بتوتر ،
،
حطت العود بالمبخره تنتظر جسَاس ، طول عليها ونطقت ترفع صوتها :جسّاس تعال تبخر
جا جسّاس يستعجل خطواته واخذ المخبره ،يبخر شماغه ، نزل المبخره يمشي تجاه الباب ينطق:انا فالسياره عجلوا
ابتسمت العنود وتنهدت براحه ، واخيراً الي هي تبيه بيصير ، الجوهره زوجة لجسّاس ، قاطعت تفكيرها نوف الي جت تركض بفستانها الاحمر الي مفتوح ظهره وصدره من فوق وعاري الاكتاف ، نطقت:ماما حبي مو بس المعرس الي يتبخر ، حتى اخت المعرس لها حق ترا
التفتت على امها :تصدقين كلمة اخت المعرس حلوه
ضحكت العنود من استهبال نوف ،وناظرتها : ادعي تتيسر بس ، ياخوفي نرجس وبنتها يسوون شي
ناظرهم خيّال : عندي احساس لو ماخربوها نرجس وبنتها بخربها انا
ناظرته العنود بطرف عين: عشان العصا تلعب على ظهرك
خيّال: لا خلاص ، لاتلعب علي ولا العب عليها
التفت خيّال على امه : اقول يمه
ردت عليه العنود بتمتمه :همم
ناظرها خيّال:من بتعزمون
ناظرته العنود :انشغل في نفسك، مالك شغل بالحريم
غمز لها خيّال:عشان اختار مني ولا مناك
التفت عليها بذهول:ولاماتبين تفرحين فيني!
نوف وهي تشغل فحمه : لا حبيبي خلصت من الغالي جسّاس خلاص بتسحب علينا
ناظرتها العنود :لايكون تبيني ادور لك عريس انتي بعد
ضحكت نوف تناظر امها بذهول ،
خيّال: لا يمه دوري لي انا وهي اخو زوجتي شرايك
نوف : لا وع مابي اخو الجنيه حقتك ، انا يالله متحملتك انت تبيني اروح اتزوج اخو زوجتك بعد
ناظرتهم العنود تستوقفهم :ياذا الزوجه الي ماندري وينهي
خيّال بطفاقه يرفع صوته:عندي يمه عندي
ناظرته العنود بطرف عين:ياخيه من الي تبيها بعد
خيّال بربكه:لا يعني شوفي
العنود: شفت شفت وانا امك و يانكر عيني
طق رجله خيّال بالارض ولف يروح يتدلع بتصنع: زعلت
، مب حاله ذي ! تزوجين جسّاس وانا لا
ناظرته نوف توسع عيونها : ياي
العنود : ياذنب جسّاس ، علامك تولّجت ورعي
خيّال: وشو يعني انا ماني ورعك
نوف: اي ما انت ورعها ولا انت اخوي
خيّال ناظرها : خاطفيني من المسجد ؟ كنت حاس اني من عايله غنيه وانتم خاطفيني اصلاً انا استحق عـ
قاطعته نوف :ليته من مسجد ، من عند كيس زباله معفن بعد
قاطعهم جسّاس الي دخل : الحين المطمطه ذي ليه؟ لي ساعه بالسياره
خيّال : زوجيني يمه و والله اخليكم تمطمطون ابوي الي جابني بعد ، ذا مايستحق تزوجينه
دخل عليهم راجح يعدل شماغه وينطق بسخريه: تخليهم يمطمطون من ياوليدي ؟
ناظره خيّال يحك دقنه والتفت لامه اقرب مخرج ونطق: امي
ناظرته العنود بحدّه وقمط رجع يناظرهم وناظر جسّاس ونطق : جسّاس
ضحكوا وناظره جسّاس: عشان خطبتي اليوم بمشيها ياورع
التفت جسّاس بيطلع وناظره خيّال يهمس :اذلف بس
ضحك جسّاس يكمل طريقه وهو يدري انه هياط، لو التفت عليه قمط
،
تبخر ساير والابتسامه شاقه وجهه، اخيراً بيلتقي بنوف ، شافها يوم تجي مع امها ياخذون الجوهره ، بس بوسط المعمعه ماشبع منها ، يبي يتأمل اكثر واكثر ،
،
مجلس الرجال >
الشيخ ناظر سعود:كرر وراي ، زوجتك ابنتي ياجسّاس
سعود ناظر جسّاس بتردد بداخله لثواني ، ضحك جسّاس بسخريه : مسرع هونت ياسعود؟
نطق سعود بحدّه:زوجتك ابنتي ياجسّاس
تنفس بسرعه من نطق الشيخ : معي ياجسّاس ، وانا قبلت
ناظر ابوه ورجع يناظر الشيخ : وانا قبلت
راجح: الرجال بيشوف زوجته ياساير شف له درب
طلع ساير لغرفة الجوهره وفتح الباب وسرعان ما انلخم من شاف نوف قدامه ، تتزين باللون الاحمر ، نطق بدون شعور يهمس : ادري اني حمار ، حمار في حبك والله
سمعته نوف تصد بخجل وتغطي وجهها بيدينها ، وليتها ماصدت ، الادهاء فتحة الفستان بظهرها، وجسمها المرسوم ، ما ارمش ساير يحلل النظره الاولى ،
صرخت الجوهره بعصبيه: ساير ياكلب انقلع
ناظرها ساير : طيب زوجك الماصون يبي يشوفك
هدت الجوهره تستغرب : من زوجي
ساير : مسرع نسيتي ، جسَاس
الجوهره : اي صحح ، اقول اطلع برا وقل لزوجي مافيه شوفه
لف بيطلع ساير والتفت من نطقت تستوقفه : وقل له بعد يورينا مقفاه ولا عاد يجي
ضحك ساير : بالله كيف زوجوك انتي
،
ناظره جسّاس وطلع من ناداه برا ساير ،
جسّاس : ارحب
ساير : البقى، زوجتك الماصونه تقول قل لزوجي مافيه شوفه ،
ابتسم جسّاس ، ترك كل الجمله وركز على كلمتها "زوجي" وناظر ساير الي نطق: وتقول بعد قل له يورينا مقفاه ولا عاد يجي
ضحك جسّاس بقوه : اسلم
ساير: اي حبيبي وش على بالك بعد ، اختي ماهي هينه
جسّاس: اطلبك طلب؟
ساير : اطلب جعلني فداك
جسّاس : غرفتها فيها احد الحين؟
ساير : نوف وهي بس
جسّاس عقد حجاجه : وش دراك ان نوف عندها؟
تلعثم ساير : شسمه، امي تقول نوف فوق لاتطلع
جسّاس : وكيف رحت لاختك ؟
ساير : جسّاس
جسّاس : سم
ساير : كل زق
جسّاس بذهول: اح ليه
ساير : شتبي مني اعترف
جسّاس : مابي شي ، ابي زوجتي وينهي بطلع لها
ساير : رح لغرفتها ماقدر ادخل فيه حريم وكلهم يحلون لك يهب ،
ابتسم جسّاس ، ودخل يتنحنح : ياهل البيت
نرجس قرصت عهود تغمز لها ، قامت عهود تطلع لغرفة الجوهره ودخلت عليها : الجوهره روحي لغرفتي دقايق الحريم بيشوفون البيت وامي تقول عيب تطلعين لهم
قامت الجوهره ومعها نوف ودخلوا غرفة عهود ، وعهود بغرفة الجوهره تعدل شكلها بالمرايه ،
،
رفعت جوالها الجوهره من وصلتها رسالة من جسّاس محتواها : جايك
ارسلت له : لاتجي، لاتجي ، لاتجي ،
حك دقنه يرسل لها : ليه ، ماردت تنشغل عن جوالها
التفت جسّاس يناظر نرجس : وين غرفة الجوهره
اشرت له نرجس وطلع لها ،
انستا > vv.dd00 هناك انزل يومياً
وتشبيهاتكم والتلميحات انزلها هناك حياكم💙💙
