«المحكمه»
وقّع جسّاس ، واخذت الورقه روند توقع ، وزغرطت نرجس تنطق: زواج الدهرر يارب
التفت عليها جسّاس بحدّه: جعل الدهر يقضي عليش وافتك
رمى القلم جسّاس ووقف يطلع من عندهم ورفع جواله يناظر رسالة ساير ، مصوّر وهو يحارش بُروق ورعد ويضحكون معه ، همس بداخله: لاتزودها علي ياساير
طلع يركب سيارته وحرّك لبيت راجح ، وبعد ربع ساعه وصل ينزل ، فتح الباب يدخل واستوقفته نوف الي تبكي وتصارخ ، ناظرها جسّاس عرف انها وصلها خبر بالموضوع ، تقدمت له نوف ودموعها اربع اربع ، ناظرته تضرب صدره بقوه تصارخ وهي تبكي : لييييش لييييش ياكلب ياواااطي هذي اخرتتتك ؟؟؟
مسك يدينها الي على صدره جسّاس وابتعدت عنه تبكي وهي تعقد حجاجها تنطق: جسّاس مستوعب انك تزوجت على الجوهره ؟ ومن تزوجت ياحظي؟؟؟؟؟؟
صرخت تنطق: رووووووووند جسّاس روووند
بكت تنطق وهي تهزّ راسها بالنفي ماستوووعبك جسّاس ماستوعبك
ابتعدت عنه ترجع على ورا وهي ماسكه راسها تحس انها مصدعه ماتستوعب اي شي يحدث قدامها ، اذا هذي ردّة فعلها فـ كيف ردّة فعل الجوهره ؟ ،
اسرعت بخطواتها للكنب تاخذ جوالها تنوي انها تبلّغ الجوهره ، مشى لها بسرعه جسّاس واخذ الجوال منها بقوه ينطق: بتجلطينها انتي؟؟؟
بكت عنده نوف بتعب تجلس تمسك راسها ، ورجعت تناظره تنطق: لاتدري من روند ونرجس لاتدري منهم والله تموت تموووت
صرخت تنطق: افهممممووووني ياخي افهمووني
سكت جسّاس يفكر ، وحسّ انه فعلاً بيكون قهرها دبل اذا عرفت من نرجس ، لان نرجس بتضيف من عندها كلام ماصار ، وبتزيد غليل الجوهره ،
تنهد جسّاس يجلس ويمسك راسه ، وهمس ينطق: حسبي الله ونعم الوكيل في من كان السبب
نطقت امجاد بقهر من بروده : الحين بتتحرك وتعلمها ولا وش اسوي فيك انا ؟؟
التفت عليهم جسّاس يصرخ ينفجر بغضب: كيييف تبوني اعلمها انتم اححدد يحسس فينييي تكفووون
بكت نوف تهزّ راسها بعدم تصديق ، والتفتت تناظر امها: ماراح تسامحكم والله ماتسامحكم ، وش سويتوا فيها انتم ؟
التفتت نجد على بُروق ورعد الي دخلوا وخلفهم الجوهره ، ناظرتهم الجوهره بإستغراب على حالهم ، نوف تبكي مقهوره ، وجسّاس يصارخ ويحاول يفهمهم ، ونجد تناظر مصدومه ماتصدق ، وامجاد تبكي وضامّه رجولها لبطنها ،
نطقت الجوهره بعد تردد : شفيكم؟
التفت عليها جسّاس بسرعه ، كان خايف انها وصلها علم ، لكن الواضح على غفلتها وماتدري
نطق جسّاس: مافيه شي تعالي اجلسي
صرخت نوف تبكي: لاتكذب لاتتكذذب
ناظرها جسّاس بتوتر ، ونطقت الجوهره: بتعلموني ولا كيف؟
وقفت العنود تتقدم لها : اسمعي الجوهره حبيبتي
وقفت نوف تركض للجوهره ، مسكت يد الجوهره تبعدها عن العنود ونطقت: لاتقربين منها لاتقربين
صرخت نوف تكمل وهي تبكي بقوه: منافقيييين منافقيين
نطقت نوف تمسح طرف خشمها وهي تبكي: الكلب توه جاي من زواجه ، وينتظرك تباركين له
التفتت بسرعه الجوهره على جسّاس ، كان بينطق جسّاس يفهمها وقاطعته نوف تنطق: ومتزوج مين ؟؟ متزوج ررووند عدوتك الجوهره عدوتك ،
ناظرها جسّاس ماتتكلم وساكته وهاديه وردّة فعلها غرييبه جداً ، وقاطع تفكيره من ضحكت تجلس تنطق: يوه من نوف ممثله بارررعه
ناظرها جسّاس بحرقه ، وجلست نوف على الارض تبكي ماهي مصدقه اي شي حولها ، وخافت الجوهره تلتفت على جسّاس تنطق من حسّت الموضوع جدّي: جسّاس؟
سكت جسّاس يصدّ ، ووقفت برعب تنطق: الي تقوله نوف جسّاس ؟
نزلت دموعها تحرق قلبها قبل خدّها ، مسكت راسها بجنووون تبكي وتهزّ راسها بعدم تصديق ،
ناظرت جسّاس الي ساكت وكأنه يأكد لها كلام نوف ،
صرخت تنطق: اكررررررهك جسّاس اكرررررررهك
بكت بحسره تلتفت للعنود تنطق: هذي انتي؟
شهقت تمسح دموعها واخذت الورقه الي بشنطتها ترميها عليه ،
طاحت الورقه على الارض وانثنى جسّاس ياخذها ، اعتدل بوقفته ويدينه ترجف ، فتح الورقه يناظر ورجع يناظرها بصدمه ،
ناظرتهم العنود تنطق: خلع؟ الجوهره صاحيه انتي ؟ صاحيه ؟
التفتت عليها الجوهره تصرخ: اانطمي انتي انطمممي
سكتت العنود تبكي ماتوقعت الموضوع يوصل الى هنا ، وسكت جسّاس يمدّ الورقه لامه واخذتها العنود تقرا وتنهدت براحه وسط دموعها ، وكان موجود بالورقه نتيجة تحليل حمل ، وطلعت حامل الجوهره ،
نطق جسّاس يأشر على الباب: اروح الحين اطلقها بس تكفين الجوهره
ضحكت بسُخريه وسط بكائها تنطق: عشان البيبي يعني؟ بنزّله جسّاس ماعليك ، كمل مع زوجتك
اشرت عليه بأصبعها تنطق: والله مانساها لك ياجسّاس
التفتت على العنود تنطق: ولا انتي ،
ضحكت بقهر الجوهره ودموعها تنزل ونطقت: مثل بنتك اجل ؟
بكت تناظر نوف وميّلت راسها تنطق بتعب : ليش
مسكت جبينها تنطق: وش سويت لهم
شهقت تنطق: والله ماذكر اني غلطت على احد
ناظرها جسّاس وتقدم لها يحضنها وهي تحاول تبعده عنها وتدفه لكن جسّاس كان اقوى منها ، ابتعد عنها ينطق: انتي حبيبتي قسم بالله ماتساوي سـ
قاطعته تصرخ: لاتقول حبيبتي
بادلها الصراخ جسّاس ينطق : الا حبيبتي وغصبٍ عن الي مايرضى
بكت بعدم حيلة الجوهره ، واخذت جوالها وعيونها مغبشه من الدموع ، مسحت دموعها واتصلت على ساير ، ملجأها من كل حزن ، ملجأها من يوم عرفت الدنيا وقذاراتها ، حطته سبيكر الجوهره وهي تبكي ، وردّ ينطق: سمّـ
استغرب انها تبكي ونطق: اخو من طاع الله صدق ، وش فيك جعلني مابكيك ؟
بكت الجوهره ماترد ماتقوى تتكلم ، ونطق ساير: جسّاس وينه عنك يا امي
بكت زياده من طرى جسّاس ، ونطقت: جسّاس ياساير ؟
جسّاس يمرح في العسل ، كل الناس الي حولي يتغذون على قهري ،
اعتدل بوقفته ساير ينطق: بنت انتي وش تقولين ؟ جسّاس مايرضى لك القهر وانتي تقولين يتغذا على قهرك ؟ صاحيه للي تقولينه؟
بكت تنطق: ساير تكفى
رصّ على يده جسّاس بقهر من شاف ضعفها وترجيها ، نطق ساير : انتي الي تكفين ، ابك من الي مبكيك جعلني ابكيه ، والله لا اوريه عجايب السماء والارض ، لاتققهريني علميني وش فيك
رفع صوته ساير: جاييك جايك
قفّل الجوال ساير يركض للسياره وركب يحرك بأقصى سُرعته ، القلق يعتليه على الجوهره ، وانشغل باله يفكر ليش تتكلم عن جسّاس كذا ، هو يحب جسّاس ،
لكن مهما كان لو هو مأذي اخته بشيء ، بيكون قدّ كلمته وبيندمه على الي هو مسويه ،
وقف عند بيت راجح يطفي سيارته ونزل يطق الباب ، فتح له رعد وتقدم ساير يشيل رعد وهو مبتسم ، ووقف عند باب الصاله يرفع صوته: ياولد
تغطوا البنات ودخل ساير ، نزّل رعد على الكنب ووقف جنب الجوهره ، وتقدم جسّاس بيسلم عليه ومدّ يده ساير يستوقفه ينطق: ماني مسلم عليك انت خص نص ، لين تعلموني وش السالفه ،
التفت على الجوهره الي وجهها ذبلان من كثر البكى والتعب ، وناظر نوف الي نفس الشيء وعقد حجاجه ينطق: العلم ؟
بكت نوف تقول له من الالف الى الياء ، اعتلاه الغضب ساير ينطق: رمّه وطول عمرك بتبقى رمّه ، يالرخمه ماقدرت عيالك طيب؟ علي بالطلاق ان الشارب الي على وجهك ماتستحقه ولا تمثلّه
نطق راجح: لاتنسى ان الشرع حلل له الاربع
صرخ ساير ينطق: وانتم ماتعرفون الشرع غير بالزواج؟؟ وش قال الشرع ؟ قال تزوجوا حتى لو حريمكم مافيهم العيب الي يحدكم على الزواج من الثانيه؟؟
صرخ ساير يأشر بعشوائيه: الشرع قال ان كانها ماتجيب لك عيال ، تزووج ياحمار وجب لك عيال ، وقال ان كانها عاصية لك تزووج عليها ياثووور ، ماقال تزوج وانت ماعندك سبب يارخمه ،
التفت على راجح ينطق: هذاا الشرررع على اصوله
التفت على الجوهره ينطق:امشي واخذي عيالك
نطقت الجوهره : مو قبل يطلقني
انصعق جسّاس يناظرها بذهول ، ونطق : الجوهره ؟
رفع صوته ساير ينطق: اسمها اشرف من لسانك ياكلب
صرخ ساير ينطق: رعد ، بُروق
جاء يركض رعد وتتبعه بُروق الي في يدها دبدوبها حاضنته بخوف ، وانثنى ساير لبروق ينطق: نروح عند يبه سعود ؟
نطقت بُروق بطفوله: ابي ماما وبابا
رفع راسه ساير يناظر جسّاس بخيبة امل ورجع يناظر بُروق ينطق: انا ابوك ، وماما بترجع معنا شرايك؟
هزّت راسها بالايجاب بُروق وشالها ساير وبيده الثانيه ماسك يد رعد ، واشر للجوهره يمشون ، اخذت جوالها الجوهره تطلع مع ساير ،
،
بعد يومين بدون احداث تُذكر ،
«في بيت راجح»
نطقت العنود: نوف قومي نادي اخوك ياكل له لقمه
نطقت روند: خليه خاله انا اناديه
صدّت العنود بقرف تهمس:تخلخلت عظامتس
وقفت روند ووقفت نوف تنطق بحدّه:انطقي
جلست روند بهدوء ، وطلعت نوف لغرفة جسّاس تفتح الباب وناظرته يمثل النوم ، ونطقت: الجوهره جت
فزّ جسّاس ينطق: اسألك بالله
طلعت نوف تتركه بحيرته ، ووقف جسّاس يلبس ثوبه ولبس شماغه واخذ العطر يتعطر ، ولبس ساعته ونعاله يطلع من الغرفه يسكر بابها ،
نزل جسّاس يستعجل خطواته مع الدرج ، وقف قدام الجلسه يعقد حجاجه : وينها
نطقت روند : انا هنا ياحبيبي
كشرت العنود تصد تستغفر ، وتجاهلها جسّاس يناظر نوف ينطق: الجوهره وين؟
التفتت نوف لروند تناظر وجهها الي انخطف لونه وضحكت بسُخريه: عرفتي من يدور؟
نطق جسّاس : نوف
ناظرته نوف تنطق: ماجت ياجسّاس ماجت ولا هي بجايه غير معها ورقة طلاق هذي
نطق جسّاس : هي قالته لش؟
نطقت نوف : المفروض تقوله لي ولا لك؟
تنهد جسّاس ونطقت العنود: ياحليلك الكشخه هذي كلها لها ؟ لنا يومين مانشوفك
مرّ طيف ابتسامه على ثغر جسّاس وتلاشاها يلفّ يطلع فتح الباب ونطقت روند: دقيقه جسّاس
تجاهلها جسّاس مايطيق اسمه منها ، وطلع يركب سيّارته ، وضحكت نوف بشماته ، ونطقت العنود: القلب عند الجوهره ، لاتحاولين
سكتت روند بغضب ، تحاول تتجاهلهم ، هي ماتزوجت جسّاس الا تبي تغث الجوهره ، وتقهرها في اغلا ناسها ،
بس فشلت في انها تصير له زوجه ،
،
شغل سيارته يحرك جسّاس ، مابين هواجيسه الي اتعبته وارهقته ، دق جواله واخذه يناظر رقم الجوهره ورد بسرعه بلهفه ، ونطق: لبيه
انقطعت اماله من سِمع بُروق تعبر له عن اشتياقها بكلامها الطفولي الي تتلعثم وسطه : بابا ، خالي يقول انه بابا حقي ، بس انت البابا الحقيقي ابيك انت
نطق جسّاس : جعلني قبلش ،هو فيه غيري بابا؟ جايك جايك وكم عندي بُروق انا ؟
سكّر جسّاس وغيّر مساره يتجه لبيت سعود ، واخيراً لقى له العذر يقدر يشوفها ، نزل عند تموينات يشيل الخُضار والفواكه بالكراتين ، وحلويات وبساكيت وعصاير وشبسات ، وحاسب يطلع يركب سيارته ، بعد دقايق مرّت ماحس فيها من كثرة هواجيسة ، طفى سيارته ينزل لبيت سعود وسكر باب السياره ياخذ الكراتين ينزلها قدام الباب ، نفض يدينه بعد ماخلص واخذ جواله يدق على الجوهره يهقى ان بترد عليه بُروق كـ العاده ،
لكن سمعها ترد عليه الجوهره بصوتها الهادي : بُروق عند رعد بالمجالس
ابتسم جسّاس بلهفه ينطق: وحشتيني ، وِحشه ماعمري ذقتها وليتني كملت باقي العمر ماذقتها
سكتت الجوهره ماترد وقفلت ترجع لسريرها وتكرر نفس الروتين ، تبكي لحد ماتنام ، وكل ماتتذكر انه لغيرها تحترق اكثر من حرقتها وغبنتها الي هي فيها ،
جلست تمسح دموعها ، ووقفت تلبس شبشبها تنزل ودخلت للمجالس بتبلغ بُروق بجيّة جسّاس
ونطقت الجوهره: بُروق ابوك جـ
ناظرت جسّاس الي جالس وبحضنه بُروق ويمينه رعد ، توترت من نظراته تطلع بسرعه ، زاد همها هم من شافته وطاحت عينها بعينه ،
ناظر شكلها جسّاس لابسه بجامه باللون الاسود حرير ، ورافعه شعرها بشكل عشوائي والتفت ينطق جسّاس: رعد ، خالك وين؟
نطق رعد: في الاستراحه ، وجدي عند عمي وافي
هزّ راسه بالايجاب جسّاس ونزّل بُروق على الكنب ووقف ينطق: لاتطلعون من هنا سمعتوا ؟
هزوا روسهم بالايجاب وطلع جسّاس للشارع ، ركب سيارته يدق عليها ، ردّت الجوهره وهي ساكته ، وشغّل شيلته جسّاس يسمعها اياه لرُبما تحس بتأنيب ضمير وتحسّ فيه وترجع له ، ابتدت الشيله والجوهره تسمع ابياتها :
لافقدتيني وبكّاك الحنين
ابعدي عنك الظنون الواهمه
وكفكفي دمعك ترا دمعك ثمين
كل شي الا دموعك ، فاهمه ؟
ياحبيبة قلب شاعرها الحزين
اه لو ظروفنا متراهمه
كنت اناظر للفراق بنص عين
لين داهمنا الفراق مداهمه
سكّر باب السياره ينزل منها جسّاس ، وناظرها وصدّ يدخل ، تقدم للصاله بربكه وطلع مع الدرج بسرعه ، ناظر غرفتها وتقدم يفتحها وناظرها تبكي والتفت يناظر الكوب الي هو اهداها اياه مكسور على الارض ، وميّل راسه يناظرها ويدينه بجيوبه ،
اشرت على الباب الجوهره تنطق: جسّاس تعبانه اطلع
تجاهل كلامها جسّاس يتقدم ينطق: ارجعي معي وافهمك كل شي
ناظرته تنطق: تفهمني انك تضحك معها وفرحان فيها؟ ولا تعلمني انك متزوجني لرضى امك ؟
ولا تعلمني انك عمرك ماحبيتني ومتزوجني عشان تفكني من نرجس ؟ هذا كلام امك لك يوم قالت لك تتزوجني ياجسّاس؟
ناظر عيونها جسّاس ينطق :هذا كلام امي ، لكن الي بقلبي مايمس كلام امي بـ صله ، انا احبك ولو عاكسنا الدهر ،
وماتزوجتك عشان الخرابيط الي تقولينها ، انا تزوجتك من حبي لك ، ولو اني مابيك من البدايه ماتزوجتك ، وانتي تدرين زين اني مامشي على كلام احد
نطق جسّاس يستكمل حديثه: انا دخلت علي السلقه روند بيوم كنتوا مجتمعين في بيتنا ،
وقعدت تصارخ عشان يظنون اني مسوي لها شي ، ودخل ابوي على الصراخ وفهم غلط وحلف يطلق امي بالثلاث لو ماتزوجتها ، وش تبيني اسوي وقتها ؟ اخلي امي تتطلق بالثلاث؟
نجمة تقديراً لتعبي
صلوا على النبي❤️
