وصلوا جسّاس والجوهره ، وكل واحد توجه لمجلس ،
ناظرتهم الجوهره يزغرطون وضحكت بخجل ، سلمت عليهم وراحت المطبخ وناظرت عهود وهي تضمها ونطقت: امس ياكلبه ماشفتك يوم رحت
عهود: يوه لاتذكريني صارت سوالف ، تسهرين عندي اقول لك؟
ضحكت الجوهره: عشان خالتي العنود تلعني حبيبتي ، بتقول اول يوم لها رايحه عند اختها ومخليه ولدي ومدري وشو ، عاد تعرفين انتي خالتي تحب تكبر المواضيع
ناظرتها الجوهره تكمل: الا انتي وش سوالفك قوليها الحين ،
عهود: مِتحت ولد عبدالعزيز
شهقت الجوهره: ولد عم جسّاس؟ كذااابه
عهود بحزن: وساير الي مهدده
عقدت حواجبها الجوهره: سلامات ؟ وش تهبدين انتي
عهود: قلت لك سالفه طويله تكفين تعالي شوي
الجوهره: مايمدي اسهر معك ، بس بجيك شوي العصر لان الفجر بنمشي لابها
عهود: لاتقولين شهر العسل بأبها!!
تنهدت الجوهره: لا ، دوامه بيبدا
ناظرتها تكمل الجوهره : بعدين انتي وش لابسه! جمبسوت باستقبال اختك ياحماره
عهود: وتخيلي حتى مِتحت طقطق علي ، وع كريه
الجوهره باستغراب: بنت تو الاحظ، عيال عبدالعزيز عمّ جسّاس ، ماغير محمد وسيّاف ، مِتحت ذا من وين جا
عقدت حواجبها عهود: هو قالي اسمه مِتحت
الجوهره: وانتي ماشاء الله طاقتها سوالف معه ؟
عهود : ياخي اربعه وعشرين ساعه بوجهي ، شلون ماتبيني اتكلم ، بعدين هو الي يفتح المواضيع
الجوهره بطقطقه: اي اعرفك ثقيله ماشاء الله مايحتاج
عهود: شعرفك حُبي ، بعدين تخيلي ماقلت لك ،
الجوهره: ياخي مو عشاني تزوجت تراكمت العلوم ! قولي وش عندك بعد
عهود: يحب وحده اسمها روند ، ويكلمها تخيلي
الجوهره : وع تكفين وبتتزوجينه!!!
عهود: كله من الزق ساير
الجوهره: يمه ساير ليه كذا ، ماصدقت احس مايسويها
ضحكت الجوهره : بعدين انتي اذا تزوجتيه ، فعّلي عهود القديمه لين تبعد عنكم
ضحكت عهود: اخاف اذا رجعت نفس قبل افرقك انتي وجسّاس وانسى روند
ضحكت الجوهره بقوه: حيوانه ، اجل خليك كذا بليز
عهود : اي حبيبتي من صالحك
دخلت تِذكار بجلالها وناظروها ونطقت عهود: شفيك متغطيه
اشرت تِذكار على الجوهره: يابوي زوج ذي ابلشنا
الجوهره: شدخلني انا
تخصرت تِذكار : مو زوجك؟
هزت راسها الجوهره : ولد اهله
التفتت تِذكار من سمعت العنود تناديهم ونطقت تِذكار تأشر على الباب : ام زوجك
ضحكت عهود من استقعاد تِذكار ، ولبست جلالها وطلعوا الثلاث ،
قطع سالفته جسّاس يناظر الجوهره الي دخلت ، بدون عبايتها ، حسّ بحريق داخله ، غير انها غيره ، انها كسرت كلمته ،
جلسوا البنات وتقدمت الجوهره بتجلس جنبهم واستوقفتها خزنه الي نطقت: لالا
التفتت عليها الجوهره تناظرها باستغراب ونطقت خزنه: روحي اجلسي جنب زوجك
ناظرتها الجوهره بذهوول ، ضحك جسّاس بخفوت وهو يتشمت فيها ، ونطقت : لا عادي مرتاحه هنا
شيماء: قومي صبي لجسّاس نسينا نصب له قهوه
قامت الجوهره تاخذ الفنجال والدلّه ، مشت وصارت مقابله له وصبت القهوه ونطفت بُقعه صغييره على ثوبه جسّاس: لاحوول ولاقوة الاا بالله كبيتيه علي!
اسماء: روحي جيبي منديل مبلل مسحيه له لايطلع للريجيل كذا
نزلت القهوه والفنجال على الطاوله وطلعت فوق تجيب منديل مبلل ونزلت تمدّه له ونطقت العنود: لالا مايعرف يمسح امسحيه انتي
مسكت طرف ثوبه بقوه وهي تفركه ، ضحك جسّاس والتفتت عليه بحدّه ورجعت تمسح ، ازالت البُقعه وقامت ترميها بالزباله وجلست بمكانها اخذت جوالها تقعد عليه ونطقت نوف: قومي حطي لزوجك حلا
ناظرتهم الجوهره باستحقار ، قامت اخذت الحلا تمدّه له ونطق : بس
رجعت للطاوله ترجع الحلا وطلعت من الصاله تروح للمطبخ ، تاففت تحاول تمسك بكيتها تحسهم متفقين عليها يحرجونها ، ماتدري وش ذا اليوم السيء من بدايته
ناظرتها نجد من طرف الباب تبكي ومستندة براسها على الثلاجه ، ماتوقعت توصل معها للبكاء ، رجعت للصاله تناظرهم
ونطقت تحكّ جبهتها بوهقه : تبكي
قام جسّاس يطلع للمطبخ: يلعن ابو مقالبكم السخيفه ياسخيفين
اسماء بذهول: ماتوقعتها تبكي
الهنوف: الا صراحه مالكم داعي احرجتوها مره
نجد: وربي واضح انكم مستقعدين لها ترا
،
دخل جسّاس يناظرها ، هو جاء وهو مايعرف يواسي بس ماقدر يتركها لحالها وهي تبكي ، التفتت من شافته وزاد بكائها ،وناظرها: يعني انا جيت عشان اهديك رحتي تبكين زياده
جسّاس: احس البكيه ذي عشان اكنسل روحة ابها وتقعدين عند اهلك صح
ضحكت تمسح دموعها وهو يناظرها ونطق : نكنسل يعني ولا كيف
ناظرته تنطق بنبرة بكاء : ماقصدي ! لاتحط بنيتك اني بكيت عشان ماروح ، انت ماشفت كيف وكانهم متفقين علي داخل ! اول ماجلس تطلع لي وحده بشغله وكلها لك انت ،
ناظرها تفضفض بشكل يضحك وبريء ونطقت تكمل: لا والي يقهر اكثر انك تضحك علي بعد !!
قرب منها جسّاس ينطق : اسف طيب
ناظرته ترفع صوتها بجنون: لاتجنني اسف ذي وش بتسوي
ناظره اجسّاس: يمكن بوسه
دفته عنها تطلع من المطبخ تتهرب منه ، ناظروها تتجاهلهم وجلست وناظرتها العنود: خلي روحتس رياضيه ماغير نطقطق معتس
الجوهره: طقطقوا معي بس بدون جسّاس
تخصرت نوف: وي ! وش فيه اخوي
عهود: ذي جلسوها تدور الفتن
التفتت عليها نوف بطقطقه :نسينا ماكلينا ياعهوود
تحسست عهود ، ماتبيهم يعايرونها بماضيها ، هي غلطت وعرفت غلطها، ليش يرجعون يذكرونها
اخذت فنجالها عهود بيدها اليمين وجوالها بيدها اليسار تطلع من الصاله للحوش ، ناظرت ساير الي يدخن وناظرها ينطق: البسي عبايتك بنمشي ، وراك ماتردين على جوالك
عهود: مدري مانتبهت له وانا مع البنات ،
دخلت تاخذ عبايتها عهود وناظرت الجوهره: تروحين معنا؟
الجوهره : اي
عهود: دقي على جسّاس بلغيه طيب
اخذت جوالها واغراضها وعبايتها الجوهره تدخل المطبخ وتدق عليه رد يسمعها تنطق: بروح مع ساير وعهود
جسّاس: ليه؟ انا اوديك
الجوهره : لا جسّاس بروح معهم
جسّاس : مافي مشكله ، نص ساعه واجيك عشان نمشي
قفلت الجوهره تطلع لساير وعهود بعبايتها : يعني تحسبونكم افتكيتوا مني عشاني تزوجت ؟ معصي
ضحك ساير : امشوا امشوا الله يخلف بس
طلعوا ووقفوا عهود والجوهره عند باب السياره الامامي
التفتت الجوهره لعهود: انا الكبيره احترميني واركبي ورا
عهود: حلوه ذي انا الكبيره! واذا الكبيره ؟ انا بركب قدام
الجوهره: اقول عاد ! ومتزوجه انا بعد يعني عيب احترميني
عهود: وانا بنخطب يعني احترميني
ناظرهم ساير يطلع من السياره وينطق بحدّه وعصبيه :اركبوا كلكم ورا خلصوني
ركبوا ورا وتكتفت عهود تناظر قدام والتفتت لهم الجوهره: الله يعزّ جسّاس بس! ماعمري ركبت معه ورا اخ
ساير: قلتيها "جسّاس" اما انا ساير ، تركبين ورا وانتي ماتشوفين الدرب
الجوهره: اي لو انها نوف كان خليتها قدام ياساير
استوقفتها عهود بذهول: هيه هيه وشو الي نوف؟ الي فاتته علوم مو انتي انا ، انتي حتى وانتي متزوجه شافطه علومنا ، انطقي وش علاقته بنوف
الجوهره : يحبها ويتغزل الشايب ويعنني
ضحكت عهود : كذاااااببه ! بموت مالقيتي غير ساير ونوف! يويلي ذولا هطوف
التفتت الجوهره من طق شباك ساير، جسّاس
نزل الشباك ساير يناظره: ارحب ابو نسب
اخذ جسّاس الزقاره من فمّه ينطق: سواق انت؟ وراهم كلهم ورا
ساير: يارجال تهاوشوا من يركب قدام وحطيتهم كلهم ورا
ضحك جسّاس بخفوت ونطق: زوجتي الكبيره يعني هي الي تركب قدام ، التفت على الجوهره يرفع حجاجه وينزله بحركه سريعه: نطي
نقزت الجوهره تركب قدام وهي تحرّ عهود ،
تنهدت عهود: اخ يازوجي المستقبلي وينك
ضحكت الجوهره: مافيه مثل زوجي حبيبتي
تنهدت عهود بشكل مُضحك :الله يهني سعيد بسعيده
،
نوف: ماما سلامات تو خلصنا من جسّاس
العنود: برتاح ، بخلصهم كلهم مره وحده ، خيّال اشغلني كل يوم يذكرني ،
نزلت العنود تجلس بجنب اسماء ، ناظرت البنات تنطق: خلونا شوي لحالنا يابنات
قاموا الهنوف ونجد يطلعون فوق، ونطقت العنود:ام فواز
اسماء : هلا
العنود: حنا طالبين القرب منكم ، نبي بنتكم نجد لولدنا خيّال
ناظرتها اسماء بذهول ، دخلت على الموضوع دايركت ، صدمتها كذا بدون مقدمات ، وقاطع تفكيرها العنود الي نطقت : خطبتها من سلطان وافق، وقلت ماني متعديه اسماء ونجد هم صاحبات الراي
اسماء : والله اني مصدومه ولا ادري وش اقول لك ، بشاورها انا ومانلقى اطيب من مناسبكم يام جسّاس
ابتسمت العنود: يابعد قلبي والله ابد خذوا راحتكم
،
نجد : منجدك انتي ! ماما مستوعبه خيّال! مابقى غيره اتزوجه؟ سلاماتت
هزت راسها بالنفي تستكمل كلامها: لا ماما لا
سلطان: وش الي لا ! وش العيب الي في خيّال علميني بس واوقف بصفك ، ترفضينه كذا بدون سبب؟
نجد بجنون: بابا شفت معاملته لي؟ شفت كيف اربع وعشرين ساعه يحارشني؟ مستحيل مسستحيل
سلطان بعصبيه :نجد! بلا هبال، فكري زي الاوادم هذا موضوع مافيه لعب ،
طلع سلطان يضرب بالباب قوّه ، وناظرت محلّه نجد بخوف ونطقت: ماما مابيه مابيه
اسماء بهدوء: شوفي ، اخذي اللقطات الحلوه ، تذكرين يوم جسّاس قال تخسين ؟ وش قال هو؟ قال احترم نفسك من الي يخسى؟ اخذي اللقطات البسيطه هاذي صدقيني دافع عنك من كلمة تخسين ، وش بيسوي لو جاك شي اكبر ؟ بيقوم الدنيا ويقعدها ، ترا خيّال ماهو سهل ، لاتشوفينه انه دايم يطقطق ويستهبل تحسبينه ضعيف شخصيه ، بالعكس ، لو تشوفينه بالمواقف الي عليها الكلام ، غيرتي رايك ١٠٠٪
رجعت راسها على ورا نجد: ماما احس محتاره
ضحكت اسماء بخفوت: تخيلتكم مع بعض ، شخصياتكم تتشابه وتفهمون بعض ، نفس الحركات نفس كل شيء ، تخيلي معي ، لو اخذتي واحد ثقيل ، مايحب الاشياء ذي ، ينقد على ادناة شيء ، كيف بتستانسين مع شخص مايفهمك ؟
سكتت نجد تحس بدت تقتنع بكلام اسماء ،ناظرتها اسماء :ها موافقه؟ نبارك؟
ابتسمت نجد وضحكت اسماء تحط يدها على كتفها تربت عليها بهدوء تنطق: الله يوفقكم
،
بالحوش عند العيال يلعبون كوره طايره، عضّ طرف ثوبه خيّال ينط وهو يرمي الكوره براسه ،
تحت انظار البنات ونطقت نجد: الحين ذا انا بتزوجه؟
ناظرتها نوف بطرف عين : حاصل لك ها
نجد: للاسف حصل لي
الهنوف: بالعكس والله حليو وفرفوش شفيك عليه
نجد بفرحه: خذييه انتتي ، عاجبك صح؟
ناظرتها الهنوف تنقد على الطفاقه الي فيها وصدّت تناظر العيال وهم يلعبون ، التفتت وهي تمسك اذنها من صرخت نجد :عااش نووواف عااش
صرخ خيّال من مكانه: ماهطف من اخوك الا انتي ، ولا فيه واحد يرمي برجله وحنا نلعب طايره يامعتّه
رفعت صوتها سِهام تعزز لاخوها : شف شف سيّاف ، ياعيني على اللعب ياعييني
التفت فواز لساير يهمس: نوف وين؟
التفت عليه ساير بحدّه : وانت وش تبي؟
ابتسم فواز: خطيبتي
لانت ملامح ساير ينطق: وافقت؟
فواز: للحين بس تقول عطوني اسبوع افكر
مشى ساير يناظر خيّال: ولد
التفت له خيّال بطقطقه:لا بنت
ساير بعصبيه: لاعاد تنكت ، بدخل اخذ لي مويه ،
مانتبه خيّال ان نوف مو هنا ونطق : اي عادي البيت فاضي كلهم هنا ، ابد رح خذ راحتك
دخل ساير البيت ومشى للصاله بهدوء وناظرها على جوالها منسدحه ولابسه بجامه كاروهات وشعرها رابطته بشكل عشوائي ، هو ذاب الحين ونسى الكلام الي كان بيقوله ، صحى على نفسه من صرخت تنطق : يمه
ناظرها: اجل اسبوع لفواز واسبوعين لي؟
ناظرته ماتدري كيف عرف ، نطقت بتصريفه : انت خلك ذكي ياحبيبي ، لو اني بوافق على فواز ماخليتك بعده ! وش ابي بك وانا موافقه عليه ؟ عشان كذا قلت برفض الزفت ذا بعدها باسبوع يكونون نسوا الموضوع واوافق عليك انت ، شعرفك يعني ذكاء وكذا
ناظرها ساير : وش قلتي ؟
نوف: وشو ! كلامي كثير مالي خلق اعيد
ساير بقروشه : لالا ، رابع كلمه وش هي؟
ضحكت نوف لانه حافظ حتى ترتيبها ونطقت: ذكي؟
ساير : لالا الي بعدها
نوف بغباء: لو اني بوافق؟
ساير بحدّه: نوف
نوف : عيوني
ناظرها ساير تلعب فيه يمين يسار ونطق : شغلك بعدين انتي
توسعت عيون نوف بذهول: ساير! برا برا
ضحك ساير يلف يطلع ، ضحكت نوف بحماس وهي تعض يدها بقوه وتصرخ بخفوت ،
،
رفع صوته راجح ينطق: خيّال يابوك الماء برا احترّ
خيّال: يبه تكفى بكمل لعب ، قل لنواف ماعنده شغله
توسعت عيون نواف : تخسى ، رح انت ياورع
خيّال: ماعندكم ولد غيري يعني ولا كيف
ضحك راجح: عرفت نعمة جسّاس ؟
خيّال : يخسى حتى وهو موجود انا الي اشيل
سلطان: ولد احترم ابوك
ناظره خيّال: خالي الكلام ذا قله لعيالك الله يسعدك ، انا وابوي متفاهمين ، صح يبه؟
هز راسه راجح بالنفي : لا
خيّال بتصنع: رجوحي ، والحين؟
راجح بحدّه:ورع الكلام هذا لحرمتك ماهو لي
طلع خيّال ياخذ الكراتين وقرا اسم الشركه وابتسم يشيلها بكل قوته ، دخل عليهم وهو مبتسم وضحك راجح من عرف انه يقصد اسم الشركه ، ونطق: الله يشفيك يابوك
خيّال: يعني بتقنعني انك ماكنت خروف مع امي
ضحكوا من سرعته الي بدون بديهه ونطق راجح بحدّه: ولد
خيّال: اسلم ، والله امزح
،
في ابها ..
بيت جسّاس >
دخل البيت جسّاس ناظر الصاله فاضيه والمطبخ فاضي ومشى للغرفه يرفع صوته: الجوهره
دخل ناظرها منسدحه تمثل النوم ، ونطق : ادري انك صاحيه قومي
انتبه انها تبكي ونطق : فيك شي؟
تقدم يجلس على طرف السرير يناظرها تبكي ، هي تحس بالوحده ، تحس ماحولها احد ، ناظرته بتعب جالس جنبها واعتدلت بجلستها تنطق: ماتحمل كل يوم نفس الروتين جسّاس ، ادري انك متعود ، بس قبل تجي البيت مافيه احد ، قبل انت عزابي ، جسّاس الحين انت متزوج حسّ فيني ، نطقت برجفه :ترجع من الدوام الظهر تنام تعبان ، تقوم المغرب تروح لاخوياك ترجع الفجر ، وكل اليوم على ذا الحال ، ودني بيت اهلي واستمر كذا مابعارضك ، تعبت وانت تروح تستانس وترجع تنام وانا اقعد لحالي،
ناظرها جسّاس يسترجع تصرفاته ، وتو ينتبه ، حطّ نفسه بمكانها ، مستحيل يتحمل ، ناظرها : اسف
بكت تصدّ عنه ، وطلع جسّاس يجلس بالصاله ، يسند راسه على ورا بتعب ، هو ماكان ملاحظ تصرفاته ، كان لاهي بوقته مانتبه لها ابداً ، لو وحده ثانيه ماصبرت عليه ، هي الحين المفروض مسافره معه شهر عسل بس العكس ، هو يطلع يتونس مع اخوياه وتاركها هنا ، وقف يدخل الغرفه وناظرها تحط شنطتها وسند راسه على الباب يناظرها وهو ينطق: ماكنت ادري
تجاهلته ترتب شنطتها وانتهت منها تسكرها وهي تنطق : توديني ولا ادق على ساير؟
جسّاس : ودي ، بس عندي دوام
ضحكت الجوهره بسخريه: انا غبيه، اسألك وانا اعرف الجواب
طلع جسّاس برا يمسك راسه ، وفكّر فيها ورجع للغرفه ينطق: لاتدقين على ساير ،
تقدم ياخذ شنطتها يطلع فيها ويحطها بالسياره
التفت من جت تركب يمينه ، سكر الباب يسمي ويمسك طريقه للديره ، سندت راسها على الشباك الجوهره تناظر الطريق ، وجسّاس يسرق النظر بين الدقيقه والثانيه
