عند الجوهره وجسّاس ، وصلوا الساعه 8 الصباح للديره ، وقف جسّاس عند البيت ياخذ مفتاح السياره ونزلوا ، نزّل شناطها ودق جواله وقف ياخذه من جيوبه ويرد عليه وهو ينطق : امرني طال عمرك
الفريق اول رامي: دوامك بدا استاذ جسّاس متى ناوي تحضّر!
نطق جسّاس : انا فالديره ياحضرة الفريق اول
رفع صوته رامي : تدري ان عندك دوام ورايح لي للديره على ايّ اساس ؟ غياب ياجسّاس بدون عذر ولاتسأل ليه اذا نقص راتبك ، قفل رامي مايعطي جسّاس مجال للكلام
ناظر الجوال جسّاس ينطق بحدّه : ماني بحاجتك انت والراتب انت الي تحتاجني ياسافل
دخل جواله بجيبه وناظرته الجوهره ، حست بتأنيب ضمير ، لان هواش الفريق اول له بسببها هي ، ناظرها جسّاس ينطق: ماودك تدخلين؟
مشت تدخل الجوهره تتجاهله ودخلت البيت ، ودخل جسّاس المجالس حقت الريجيل يناظر ساير وسعود الي جالسين يتقهوون وعندهم محمد وعبدالعزيز ،
ابتسم ساير : ارحب ابو نسب
،
بكت عهود تناظر الجوهره وهي تضمّها ، ناظرتها الجوهره تستغرب ونطقت: يمه شفيك
سكتت ثواني عهود تهدي من بكيتها ونطقت :بصمت تكفين
الجوهره بخوف: وش بصمتي!
بكت عهود : جوهره لاتستغبين! صرت زوجته تكفين
الجوهره: مِتحت هنا؟
ضحكت عهود بوسط بكائها : اسمه محمد
ضحكت الجوهره: تكفين وليش تقولين لي مِتحت؟
عهود: ياخي هو قال لي اسمه مِتحت ، يوم جيت اوقع الحين مكتوب محمد بن عبدالعزيز
ابتسمت الجوهره: الله لايبلانا ماتعرف اسم زوجها!
عهود: على زق مو زوجي
غمزت الجوهره تدفها بهدوء مع كتفها: زوجك زوجك
عهود بذهول : بنت!
ناظرتها عهود تستوعب: صدق انتم وش جابكم ؟ ،مسرعكم
الجوهره تتصنع الخجل بطقطقه وهي تمسك يدينها تفكرها ببعض: تهاوشنا
رفعت صوتها عهود: كذااابه
الجوهره:للاسف حبيبتي
عهود: تستهبلين انتي! لو العنود درت وش بتقول ، متهاوشه معه من ثالث يوم؟ غبيه انتي غبيه ماتوفرين؟
قالت لها الجوهره السبب وكل شيء ، ناظرتها عهود : تصدقين رحمتك ؟ بس قد استحليت غرفتك سوري رفعت صوتها الجوهره : والله لا اخذها مو على كيفك
عهود: تعرفين تدزين امها؟
دخل ساير يناظرهم يتهاوشون ونطق: عهود رجالس يبيس
ناظرته عهود والتفتت للجوهره: شفتي؟ يحب ينكد علي
ساير : الله اكبر ! ترا قلت زوجك يبيك انقلعي له
عهود: تراني اختك زي مالجوهره اختك وجع!
طلعت عهود للمقلط تدخل على محمد ،
والتفتت الجوهره لساير : ساير بقولك موضوع تعال
جلسوا ساير والجوهره وعلمته بكل شيء الجوهره وانه ظالم محمد وعهود وماكان بينهم شيء من الاساس ، ساير : مستحيل يابنت انا شايفهم بعيني
الجوهره: طيب يوم دخلت عليهم كان يبيها تسكت عشان ماتطير نيتهم اذا جو على الصراخ !
كملت الجوهره تنطق :وللاسف انت الي طارت نيتك ، هذا وهي اختك ياساير تظن فيها كذا
مسك راسه ساير بقلق يناظرها مايدري كيف صار ذا كله ، هو انعمت عيونه عن الحقيقه ، ولا انتظر تبرير ، يوم شافها معه بنفس الغرفه ولحالهم وكان شكلهم يخليك تشك غصب ، طلع ساير يدخل المقلط ونطق : عهود ادخلي
طلعت عهود ، وتقدم ساير لمحمد ونطق: والله توني ادري
محمد: عن وش؟
ساير: توها الجوهره علمتني سالفتك انت وعهود ،
ناظره ساير يكمل: انت حط نفسك بمكاني ، كيف لو شفت اختك مع رجال مايحل لها وبنفس المنظر الي كنت انت وعهود فيه؟
ضحك محمد بسخريه: توك الحين تعرف؟ بعد ماطاح الفاس بالراس؟ فصخت خطبتي من الي احبها عشان اتزوج اختك ، ولقمت كف من ابوي عشان اختك ، والحين جايني تقول ماكنت ادري
ساير: اجل انت خاطب؟
محمد: ايه خاطب ، وخلني اتزوج اختك شهرين بس وبطلقها واتزوج الي احبها وزق على اختك بيقولون عنها وحده مطلقها رجالها من شهرين صدقني ماحد يبيها ،
ناظره ساير يشدّ على ياقته: صدق انك حقير ياكلب ،
رفع صوته: ماتستاهل الي يبرر لك ياكلب وهاذي نيتك يا اسود الوجه
دخل عبدالعزيز ووراه سعود يناظرون ساير الي ماسك محمد يشدّ عليه ، صرخ سعود: ساير فكّه فكّه
فلته ساير بقوه والتفت على ابوه الي نطق: وش مسوي لك؟
رفع صوته ساير : يقول خلني اتزوج اختك شهرين بس وبطلقها واتزوج الي احبها وزق على اختك بيقولون عنها وحده مطلقها رجالها من شهرين صدقني ماحد يبيها ،
كمل ساير ينطق: هذا كلام رجال؟؟ علمني يبه هذا رجال استأمن اختي عنده؟
التفت سعود ينطق : رح ناد لي عهود
ناظره ساير بجنون: يبه تستعبط!
صرخ سعود: عهوود
سمعته عهود ونطقت بخوف: الجوهره تكفين ، علمه ساير علمه
الجوهره: لالا مستحيل انا قلت لساير الحقيقه الحين ، روحي شوفي وش يبي بسرعه لايعصب زياده قومي
قامت عهود ودخلت عليهم وناظرت ابوها تنطق بخوف: هلا
التفت سعود على عبدالعزيز: خلّ ولدك يطلق بالطيب ياعبدالعزيز
ناظرتهم عهود ماتفهم شيء واستغربت ليه ابوها يبيه يطلق والتفتت من نطق عبدالعزيز : لا انفداك يابو ساير الامور ماتنحل كذا
سعود: سمعت ولدك انت وش يقول؟
عبدالعزيز : محمد يخونه التعبير ، ماقصده كذا انا اعرفه
محمد: لا يبه ماتعرفني اذا هذا كلامك ، ماخاني التعبير واعني كل حرف قلته ، وباخذ روند لو فوق راس هذي
صرخ سعود: طلّق بنتي
كان بيلفظ بالطلاق محمد لولا ابوه الي قاطعه : لا لا البنت مالها ذنب مالها ذنب
تشتت عهود ماتدري وش تسوي بهاللحظه بكت تناظرهم الي يصارخ من هنا والي يصيح من هنا والي يهاوش من هنا، تحس راسها بينفجر ، مسكت راسها بألم تبكي وتصرخ: بس بس بس اسكتوا
صرخت بقوه تكاد انها تفجر اذانيهم تنطق: اسكتوووا
ناظرها ساير يقرّب منها وصرخت بهدوء تدريجي: ابعد ابعد
طاحت عليهم عهود مغمى عليها ، رفع صوته عبدالعزيز يناظر محمد : رح شغل سيارتك رح
طلع محمد بخوف يشغل سيارته وناظرهم جايين وشايلينها بعد مالبسوها عبايتها وغطوتها ،
،
الدكتور: ماشاء الله غزال تبارك الرحمن مافيهاش حاقه
، بس من شدّة الظغط الي عليها ، اُغمى عليها ماتحملتش اكتر من كدا ، البت جسمها ضعيف مايتحملش حاااجه ياخويا ،
تأفف محمد يطلع وناظره ساير : ابرك اذلف
فتحت عيونها بهدوء تناظرهم مجتمعين عند راسها يتكلمون مع الدكتور ،
ناظرها الدكتور ينطق: المريضه اكيد عاوزه ترتاح ، اتفضلوا بالاستراحه على بال ترتاح شويه
طلعوا ساير والجوهره وسعود يجلسون بالكراسي بعيد عن الغرفه ،
سند راسه محمد يتكي على الجدار يفتح محادثته مع روند الي لها ثلاث ساعات ولا ردت للحين ، فزّ من شافها تكتب وتلاشى ابتسامته من شاف رسالته الي تحتوي "اصلاً مادري شلون وثقت فيك وانت ببدايتنا كنت تقول ماخذ وحده تراسلني من ورا اهلها ، انا غبيه واعترف ، لكن صحيت على نفسي ، وببتعد عنك وبغير حساباتي كلها ، وكل طرقك لي مسدوده ، "
ياما اقنع امه وابوه لين وافقوا بعد عناء يزوجونه اياها ، والحين جت عهود من حيث لا يعلم وخرب كل شيء ، زواجه من روند الي تحسبه كذاب وانه ماكان يبيها من البدايه ، رفع جواله وهو يكتب قبل تبلكه "والله اني مغصوب والله ماباليد حيله ياروند لاتزيدينها" كتب رساله تتبعها" لو اني مابيك ماخطبتك من البدايه" ارسل وناظر الصح واحد ، صرخ بقهر سمعوه كل المستشفى، التم عليه الطاقم الطبي بحذر يشوفون فيه شيء ،
ناظرهم محمد بجنون: انقلعوا انقلعوا عن وجهي
صرخ ينهي جملته ، التفت على ابوه الي نطق: علي بالطلاق ،طلاق ثلاث ان ماتتزوج روند يامحمد ،
وقف محمد بذهول: يبه!
عبدالعزيز: طلقت يامحمد
سجلوا خروج لعهود ، طلعت من الغرفه بجنب الجوهره بتعب، التفت جسّاس من طلعوا وناظر الجوهره ، تقدم لها يسحبها بيدها ، ناظرته : سلامات ؟ شتبي؟ ماتشوفني مع اختي؟
جسّاس: بمشي لابها
ودها تقول له ارتاح لانه طريق طويل ، المسافه بعيده بين ديرتهم وابها ، بس كبريائها يغلبها ، رفعت كتوفها وهي تهز راسها بعدم الفهم تنطق: طيب؟
حكّ جبهته جسّاس يتأمل انها تقول له اقعد ، لانها لو قالتها بيقعد لو العمر كله ، ويسحب على دوامه بس لعيونها ، جسّاس: ناقصك شيء؟
الجوهره ببرود: لا
جسّاس: اذا احتجتي شيء دقي علي
الجوهره : ماني بحاجة لاحد
جسّاس بحدّه: ماني ايّ احد ، انا زوجك مكلّفٍ فيك
ضحكت الجوهره: الحين صرت مكلّف فيني ؟
،
رجعوا كلهم لبيت سعود ماعدا جسّاس الي رجع لابها لدوامه، دخلت عهود مع ساير المجلس الي ماكان فيه غير سعود وعبدالعزيز ومحمد
التفت ساير يناظر محمد : طلّق
هزّ راسه عبدالعزيز بيأس: لاحول ولاقوة الا بالله ، اقصر الشر ياساير ، الامور ماتنحل كذا
تجاهله ساير ينطق بحدّه : طلّق يامحمد
ناظرها محمد ، يتذكر روند الي غيرت جميع حساباتها ، وقطعت التواصل بينهم ، وابوه الي حرّم عليه روند والا يطلق امه ، ناظرها يحسّ ماعاد له امل مع روند ، يبي يبتدي معها هي ، لانه مجبور مو لشيء ثاني ، ناظرته عهود متردد وسكتت تنتظره يلفظ بالطلاق ،
ندم محمد على كل كلمه طلعت منه لساير واهاناته لعهود ، ناظر عهود يحررها من ذمته لذمة ابوها : انتي طالق
لانت ملامحها ورجعت خطوتين لورا ولفت تطلع من المجالس وقسم الريجيل تدخل لعند الجوهره الي واقفه تنتظرها على احرّ من الجمر ، نطقت عهود تهز راسها بتوتر : طلّق
التفتت عليها الجوهره بحزن ، تدمر شباب اختها من بدايته ، هي يوم زوجوها محمد ووقع الفأس بالرأس رضت ،ليه الحين خرب كل شيء؟
ميّلت الجوهره راسها تناظرها: زعلانه؟
هزّت راسها عهود بالنفي تمسح الدمعه الي نزلت وتنطق بضحكه: اصاله وش تقول ؟ قلبك اذا ماضمني غيره قلوب تضمني ، ولا انت غيمٍ في السماء ولاني الميت ضما
ضحكت الجوهره بذهول: يامُدمنه ! اصاله حتى باحزانك؟
عهود برجفه تمسح دموعها: اصاله قدوتي بكل وقت
الجوهره : الله يشفيك
دخلت نوف تركض وترمي الاكياس على الكنب تنطق: صدق الي سمعته ؟
هزت راسها الجوهره ونطقت نوف: وش ذا ، اقصر قصه حزينه فعلاً ، تزوجت وتطلقت بنفس الساعه ،
التفتت تناظرهم: تصدقون ماتوقعت كذا من محمد
عهود: ابشع مما تتوقعين
نوف: والله ان يجيك الي افضل منه وتشوفين ،
كشرت عهود : ويع بليز مابي لا هو ولا غيره
جلست نوف على الكنب تتربع وتنزل عبايتها وغطوتها ، تنهدت براحه تناظرهم ونطقت : اصلاً انتي حماره ، ساير من يسمع كلامـ
قاطعها دخول ساير ينطق: الجوهـ
ناظرها بذهول ورجع يناظر خواته: ذي متى رسبنت
الجوهره: عادي عندكم انتم ؟ ، صرخت الجوهره: تغطي يامال اللّي
فزّت نوف تاخذ عبايتها وغطوتها تلبسها بسرعه وجلست تهمس لعهود: ترا عادي حفظني وحفظته ،
قرصتها عهود وفزّت تصرخ ،
فزّ ساير برعب : ابن ابوي
فركت نوف مكان القرصه تنطق : الله ياخذك انت وابـ
قاطعها ساير: تعقبين
نوف بدلع: انا اعقب ياساير؟
ساير: من يقوله؟ انا الي اعقب
عهود : اشوفك ياساير تهاوشني عشان محمد وانت كل بوم تغزل في ذي من ورا البيبان
ساير بحدّه: ذي الي تقولينها خطيبتي
الجوهره بذهول: متى خطبت انت؟
التفت عليها ساير: الحين تمسكني تحقيق ، خطبت وخلصت والعرس تراكم مانتوا معزومين عليه
الجوهره: على كيفك يابوي ، حنا خواتك ياجحود
نوف بتوتر: ترا وافقت على فواز
التفتوا عليها كلهم بذهول ، ورفع صوته ساير: نعم؟
نوف بتمثيل للبراءه :ساير لاتصرخ علي
لانت ملامح ساير يتأملها: اصلاً انا ملعون
الجوهره: ساير برا
سكت ساير يناظر نوف وفزّ من صرخت الجوهره ينطق: لعنننه لعننه ، رجالك وينهو عنك انتي
قامت عهود من عندهم تطلع لفوق بطفش،
الجوهره : مالك دخل ، وبقعد هنا ليييين يخلص دوامه وكل تراب ، بييييت ابوووي ، شدخلك انت؟
ساير: نفس ماهو بيت ابوك تراه بيت ابوي على فكره ،
دخل سعود يناظرهم وناظر نوف ينطق: ماشاء الله وانا اقول بيتنا وراه منور
ساير: يبه حرمتي عيب
التفت عليه سعود بحدّه: بعض السوالف لبسوّها شراعِ ياساير ،
ضحكت الجوهره من انلخم ساير ،
الجوهره: خالتي ماجت؟
التفتت نوف من دخلت امها بعبايتها وشرشفها وبرقعها ، وضحكت تنطق: اسلمي لو طاري مليون
توسعت عيون العنود: انا بنت ابوي بنته
لتفتت عليهم العنود: جيت ابلغكم ، حياكم الله على زواج خيّال ، السبت الجاي ،
صرخ ساير : حاااااي ،
ناظرتهم الجوهره تزغرط : الف الصلاة والسلام عليك ياحبيب الله مُحمد ،
ضحكت نوف بفرحه وذهول: ياربي ماني مصدقه ، تقدمت نوف تضمّ الجوهره والجوهره تضحك ونوف تبكي ، ماحد مصدق ان خيّال بيتزوج ، فرحتهم ماتوصف ، واخيراً نجد السلطان ، تنازلت ووافقت ، واعلنوا فرحتهم ،تغطوا البنات ودخلوا العيال وركض خيّال يزحلق على البلاط يزغرط ، اخذ الدي جي ساير يرفعه فوق ، بصوت مهنا: قبل مابدا القاف والغايه تبررها الوسيله ، جاتكم دهم المخايل من بحرها لي بحرها، مايطيب البال لين سهيل يدرج في مسيله، سهيلٍ يمزع جفاف الارض ويخضر شجرها ،عاد ياطيب المخيله يوم تقفاها مخيله ، ترتوي منها الرحاب الي مشبعت(ن) ديرها ، ضرب بالارض سيّاف يلاعب صفة عيال عمانه الي واقفين ، صرخ احمد بحماس من نطق مهنا: يابعيد الشوح حط السرج في ظهر الاصيله ، واستلم معزوفة الابيات ياللي تنتظرها، القصيده بنت شيخٍ تلحق الغازي نخيله، مترفة ومطيشه والعقد يلمع في نحرها، صرخ نواف يرقص معهم ويغني مع مهنا بصوت عالي : زانت بيوت القصيده الي علينا الله ومرها ، طلعوا العوايل للقصر يزينونه بالعقود، وتقدم فواز يزين العقد وهو يغني مع الشيلات الي حاطينها ، ناظرتهم الجوهره تحس ناقص مكانه بينهم، هي مسرع تعلقت فيه، بدت تلاحظ عليها انها صارت تفقده في كل شي ، بكل مكان وزمان تتذكره ، التفتت من دخلت بي ام مع بوابة القصر تدق بوري ، ومشغل الاغاني اغاني لابعد حد، ضحكت بذهول من لمحته جسّاس ، صرخ جسّاس يضحك : عرس اخوي شفيكم منصدمين ، التفت يناظر الجوهره وهو مبتسم ، صدّت الجوهره تمثل الزعل ، نزل يناظرها صادّه ،
قرب منها يهمس باذنها: سنابش انفداش،
التفتت عليه بذهول ، ناظرها وضحك : اوه طلعتي زوجتي ،
الجوهره: اجل سنابش؟
هزّ راسه جسّاس ينطق:الا مافقدتيني اجل ،
الجوهره : لا ،
جسّاس بذهول: اعوذ بالله ! مرّه؟
انستا > vv.dd00
تشبيهات الزواج هناك💙💙
