نطق نواف: ماشفتوا وش صار على موضوع ابو حميد
نطق خيّال: احمد؟
هز راسه بالنفي نواف ينطق : لا محمد عبدالعزيز
هزّ كتفه خيّال بعدم المعرفه ، والتفتوا على فواز الي نطق : بنت سعود وافقت عليه
توسعت عيون نجد بذهول: اسألك بالله!!
هزّ راسه فواز بالايجاب يشرب من قهوته ، ودخل الدكتور يقاطعهم ينطق: كيفك اُختنا نجد؟
ناظرته نجد تنطق : الحمدلله بخير
نطق خيّال: نقدر نطلعها يادكتور؟
نطق الدكتور يتجاهل خيّال وينطق لنجد : الست نجد لو عايزه تُخرجي، مُش مشكله لان ولادتك طبيعي
هزّت راسها بالايجاب نجد ونطق خيّال :وراك تناظر المَره انت؟ صدّ صدّ
،
« بيت راجح »
التمّوا حول بعض البنات يناظرون سنابات نجد عن البيبي وضحكت نوف : الله يالدنيا صررت عمّه ، وعمّة من بعد؟ عمّة ولد خيّالوووه ،
نطقت تِذكار: توقعت جسّاس والجوهره يجيبون اول تصدقون
ضحكت سِهام: لا جسّاس والجوهره عاقلين ، خيّال ونجد مايصبرون ، مافيه كلمه توصف جنونهم
ضحكت نوف من جتهم روز تنطّ وتنطق: بيبي جديد بيبي جديد ، هيييه هييه
مشت تِذكار تطلع فوق من دقّ جوالها ، وضحكت سِهام تقوم تشيل روز وتدور فيها ،
،
اخذ الفناجيل والبيالات احمد يحطّها بالصينيه، وتقدم يطلع من المشب يدخل البيت ، نسى وجود بنات عمّه عبدالعزيز ، ودخل وبيده الصينيه ،ناظرها احمد يتأمل خُلقة الله ولوهله استوعب وصحى على نفسه من صرخت عليه نوف: سِهام موجووده سِهاااام
صدّ يستغفر بسرعه وتوتر ، ونزلت روز سِهام تركض مع الدرج ، زفرت نوف: غبي انت؟
نطقت اسماء تضحك: معليه معليه، تكبرون وتنسون
ابتسم احمد وناظر نوف ينطق: خلّي الشغاله تغسل الفناجيل والبيالات وتحطها على باب المشب
ناظرته نوف : لا بليز رح لها انت ، صايرره مستفزه ولسانها اطول منها
مشى احمد للمطبخ يحطّ الفناجيل والبيالات ينطق: ازيرا غسلي فنجال بياله
نطقت زيورا بعصبيه: ازيرا هادا سياره انتا ، انا اسم زيورا ياهومار
نطق احمد بذهول يأشر على نفسه: انا حمار؟
هزّت راسها زيورا تتخصر تنطق: اي عينداك شيء؟
احمد بحدّه : غسلي الفناجيل والبيالات ولا يكثر
دخلت العنود: وش عندكم
التفت عليها احمد ينطق: مدري عنها نفسيه
ضحكت العنود تنطق بذهول: شعندك انتي
نطقت زيورا تتافف: جوز مال انا اخذ فلوس الي وديتها له وتجوز فيها
توسعت عيونه احمد يضحك: العب ، يعدد من فلوسك يعني؟ والله انه مطنووخ
ناظرته زيورا بحقد ، ورجعت تناظر العنود الي نطقت: اخلعيه يا امتس وافتكي من الغثا
ضحك احمد يطلع وهو ينطق: الفنااجيل والبيالات
نطقت زيورا: يعنني رجال الحين وكبرت ، روح روح انا يذكر غيّر بامبرز انتا بيبي
ناظرها احمد يلتفت: وبكره بتغيرين لورعي شرايس؟
،
شالت اغراضها نَجد بِـ مُساعدة خيّال ، وطلعوا من المستشفى وخيّال شايل سَهم ويلاعبه وهم يمشون متجهين للسياره ، ركبت نَجد وتقدم خيّال يحطه بحضنها ، ورجع لمكانه يركب ، حرّك وهو يناظر سَهم ومبتسم ينطق: ياجعلننني يانااس
مسك خدوده وهو يضحك ، ورجع يلتفت للطريق ينتبه له ، بعد مُده وصلوا لبيت راجح الي مُستقرين فيه اهل نجد بالاجازات ، والحين وَقت اجازه عندهم ، تقدم خيّال لباب نَجد ياخذ سَهم منها وهو مبتسم وسعيد لاقصى حدّ ، نطق خيّال وهو يضحك: ابك الورع نتفه اخاف يزحلق
ضحكت نجد تاخذ شنطتها اليدّ وتنزل ، دخلوا الصاله وتقدم خيّال لامه ينطق بسرعه وهو يستعجل خطواته: يمه طاح طاح طاح
ماكان يقصد ان سَهم طاح فعلياً ، كان يحذّر انه بيطيح من يده ، اخذته العنود بسرعه ونطقت: انت كيف صرت ابو؟
جلست نجد على الكنب بتعب ، ونطق خيّال: توك ياحبيبتي باقي ١٤ ورع
عقدت حجاجها اسماء: ياجيّتي
نطقت العنود تحط اطراف اصابعها على فمّها: ياواقتي واقتاه ! ابك ١٥ ورع لاه! اسراف هذا يا امك
ضحك خيّال بقوه : ياخي الحسّ الكوميدي ورثتوه مني
عقدت حجاجها العنود: مايخسى غارك !
ضحكت نجد بهدوء: عطيييه يام جسّاس
ناظرها خيّال ينطق: اجل عطيه؟
ابتسمت نجد ببراءه تضيع الموضوع ، ونطق خيّال بهيام: عادي اصلاً امي
التفت على امه ينطق : صح يمه؟ عادي عادي
ضحكت نوف: ايا الخروووف
ناظرها خيّال : على تراب انتي اخر من يتكلم عن الخفّه
ناظرته نوف تضحك: هو يعني انت صادق ، بس برضوا انت خفيف مو انا وبس
نطق خيّال: اهم شيء انك معترفه انك خفيفه
نوف: ترا حتى انت خفيف!!
،
ناظرته الجوهره تنطق: جسّاس احس بمغص ، يمكن بولد صح ؟
ضحك جسّاس: والله لو انك ويش ، شكلك تأثرتي بنجد
نطقت الجوهره: وربي ليتها ماولدت خوفتني الحيوانه ،
ابتسم جسّاس يحضنها ينطق: معليك ميسّره ان شاء الله
سكتت الجوهره وهي شايله همّ الولاده ، هي خوافه بدون شيء، كيف بتتحمل ألم الولاده ، قاطع تفكيرها جسّاس الي نطق يضحك وهو يبتعد عنها يمسك كتوفها: من الحين تفكرين؟ يابنت الحلال توّك بالرابع
ناظرته الجوهره بعتب : اجل الرابع جسّاس ؟؟
حكّ راسه من الخلف جسّاس بوهقه ينطق: كنت بقول الخامس بس لساني الله يهديه ، الخامس؟
نطقت الجوهره : السابع ياجسّاس
ضحك جسّاس بنكّبه:اي عادي ماغير فرق واحد
،
طلع محمد من الحلاق يركب سيارته ، والتفت لجواله ياخذه ، دخل على رقم عهود يناظرها شايله البلوك عنه ، وابتسم يحرّك ويدق عليها ،
،
«الاستراحه»
التفتت للجوال الهَنوف تنطق : جوالك يدق عهود
اخذت الجوال عهود وطلعت من الغُرفه الي يتجهزون فيها هي والبنات ، ردّت تسكت ، ونطق محمد يقطع الصمت الي بينهم: ارحبي
ابتسمت عهود تنطق: ارحب انت
ضحك محمد يهزّ راسه بالنفي ينطق: لا مُب كذا
كشرّت عهود تنطق: اي ادري انها مو كذا ! ليش ماقلت خطاك بعيوني صواب؟ هاه ؟؟
قفلت عهود وهي تضحك ، وناظر الجوال محمد مصدوم ينطق: العن ابو ترنداتكم ياشيخ ، طيب خليني اتهنى دقيقه،
ضحكوا البنات بعد ماقالت لهم السالفه ، ونطقت تِذكار:
هو خلقه مايحب الترندات ذي ، وانتي زدتي الطين بلّه
ضحكت عهود: خل يتأدب
نطقت نوف: اشوفك حبيتيه ولا
هزّت راسها بالنفي عهود تضحك بخجل ، ونطقت سِهام: لا لا تحبه انا متاكده
ناظرتها عهود بطرف عين ورجعت تجلس تكمل لها الميك اب ارتست، والهير ستايل ورا تسوّي شعرها ،
تقدمت نَجد تدخل ومعها سَهم في سريره المحمول ، مشت بهدوء للهنوف تنزله عندها تنطق: انتبهي له بروح اساعد امي
عدّلت بطانيته الهنوف تنطق: استعجلي عشان بتجهز
هزّت راسها بالايجاب نَجد تطلع ،
تقدمت روز بتشوف البيبي وهي تنطق بطفوله: الله ابي ابي
كانت بتشيله لكن فزّت الهنوف تنطق: لالا صغيير ذا
يطيح منك
ناظرتها عهود: يعنني صرت خاله وكذا
رجعت شعرها لورا الهنوف بحركه سريعه تنطق بغرور: شعرفك
،
التفت لجواله راجح من دقّ ياخذه يرد ينطق: ارحب ؟
ابتسمت نَرجس بِخُبث تنطق: اهلييين
عقد حواجبه راجح يطلع من المشب ينطق: من معي؟
ضحكت نرجس بدلع تنطق: نرجس
رفع حواجبه راجح بذهول ينطق: وش تبين ؟ ومن عطاك رقمي؟
نطقت نرجس : لا بس بقول لك شيء لازم تعرف عنه
نطق راجح بترقب : وشنهو؟
ضححت نرجس تنطق: زوجتك ، الي ماتوقع انها بتبقى زوجتك بعد الي بقوله ،
زفر راجح بغضب ينطق: وش عندك!!
ضحكت نرجس مما ادى لغضب راجح اكثر ، ونطقت بعد ثواني : العنود لها اسبوع تتقابل مع واحد بدون تدري انت
ضحك بسُخريه راجح ينطق: ماعندك سالفه روحي بس
استفزها راجح وكيف واثق بالعنود ونطقت: برسل لك صورتها معه الحين دقايق بس
ضحك راجح بسخريه يقفل ينطق : ناس فاضيه
لانت ملامحه من ناظر الصوره الي انرسلت له من رقم نرجس الي دقت عليه فيه الحين،
زوّم على الصوره يناظر العنود تتكلم مع رجال غريب ،
ناظر السماء راجح يزفر بغضب يمسح على شنبه ، التفت يدخل البيت ، يمشي بخطوات هاديه ، وراسه بينفجر من العصبيه وضغط التفكير ،
ابتسمت العنود تنطق: ماشاء الله تنازلت تدخل عندنا ، تعال اجلس ،
زحفت عن مكانها العنود تأشر له ، ونطق بعصبيه : الحقيني ابيك بكلمك راس
عقدت حجاجها العنود تقوم ، وناظرتهم نوف باستغراب ، والتفتت على امجاد الي تنطق : بينهم شيء؟
هزّت راسها بالنفي نوف باستغراب ،
دخل الغرفة راجح وتبعته العنود تسكر الباب ، التفتت تناظره من نطق: من الي تقابلينه لك اسبوع؟
عقدت حجاجها العنود تنطق: من اقابـ
صرخ راجح بعصبيه يرفع جواله يوريها الصوره ينطق: هذاا ويييشش؟؟
ناظرته بحدّه العنود تنطق: انا تدور على زلّه ؟ لو تموت ياراجح ماتلقى علي الزلّه
نطق راجح بجنون يمسك راسه : وهذااا وشش ؟؟ وش تقولين انتي ؟
اخذت الجوال منه العنود تقرا اسم المُرسل ، ولقته مو من جهات الاتصال ، وكانت بتبحث عن الرقم لولا راجح الي نطق بحدّه: نرجس مايحتاج تبحثين ، والحين علميني من هذا
ضحكت العنود تنطق: نرجس ؟ حلو حلوو
ناظرها راجح مايستوعب شيء ، ونطقت تقاطع تفكيره: من يوم رجعت نرجس وانا حاطّه مُحامي للعايله وكل يوم اروح اسوي معه اوراق وعقود الاتفاقيه ، وامس خلصنا ،
نطقت العنود تضحك بسُخريه تكمل: كنت عارفه بتسوي شيء الحيّه ذي من رجعت ، لكن هيّن
التفتت على راجح ورجعت تناظر جوالها تدقّ على المحامي تنطق : السلام عليكم استاذ عادل
نطق عادل باحترام: وعليكم السلام استاذه العنود ، وش بغيتي ؟
نطقت العنود تناظر راجح وتكمل للمحامي : برفع قضيّة تخبيب
نطق عادل: من المُخبب؟
نطقت العنود : نَرجس بنت عون
أرتبك عادل ينطق: عيدي اسمها ولا عليك امر
نطقت العنود تعقد حجاجها : نرجس بنت عون !
نطق عادل: اعتذر عن رفع القضيّه هذي استاذه العنود
نطقت العنود : لييه؟
نطق عادل يمسح شنبه يرتبك: عـ عمتي عمتي
توسعت عيون العنود بذهول تنطق: وش اسمك الكامل انت؟
نطق عادل : عادل بن طاهر بن عون
مسكت راسها العنود تنطق: وليش ماعلمتني من قبل ؟ ليه؟؟
نطق عادل: لان مالي صله فيها ، وبيننا مشاكل ، وابوي يحاول يبعدنا عنها وعن شرّها
نطقت العنود: طيب تقدر تنتقم منها بالقضيه ذي !
حكّ دقنه عادل بتفكير ، ورجع ينطق : طيب ، ارسلي لي كل شيء عن القضيه وانا احلّها ان شاء الله
ابتسمت العنود براحه تنطق : حلو
،
قام جسّاس من وسط الريجيل بتعب ، يدخل البيت ينطق بصوت عالي: درب ياولد
تغطوا البنات ونطقت نوف وهي تصب القهوه : ادخل
مشى جسّاس يدخل ، وطلع الدرج فوق والتفت من نطقت العنود: وش عندك جسّاس
نطق جسّاس : تعباان بريّح
هزّت راسها العنود بتفهم ، وكمل جسّاس يطلع الدرج ودخل غرفته وناظر الجوهره الي تعدل مكياجها ، سكّر الباب وتقدم يرمي نفسه على السرير يتنهد ينطق: اهخخ تعببت اليوم الله لايوريك
نطقت الجوهره تنزل الفُرشه: حبيبي اجر وعافيه
ابتسم جسّاس يفصخ شماغه ، وتقدمت له الجوهره تاخذها منه وتعلقها بالعلاقه الخاصه بعباياتها ، ونطق جسّاس : كم باقي على عيد الاضحى ؟
التفتت له وهي ماسكه بطنها تجلس على طرف السرير تنطق: باقي اسبوع اتوقع ،
تنهد جسّاس: بكره ملكة محمد
تنهدت تنسدح وتسند راسها الجوهره على كتفه وتنطق: مالي خلق صراحه تعبت
نطق جسّاس: اشوف ساير يقول لمحمد يخلي عرسهم سوا
ناظرته الجوهره تنطق: وافق؟
رفع اكتافه جسّاس بعدم المعرفه ينطق: مدري والله
نطقت الجوهره : ليته يخلي زواجهم سوا نرتاح مره وحده ، بس ماتوقع عهود توافق اكيد تبي تحضر زواج ساير ،
هزّ راسه جسّاس ينطق: اي انا اقوله ماهي تاركه اخوها بيوم زواجه
،
دخل خيّال الصاله بعد ماتغطوا البنات ، وتقدم ياخذ سَهم من حضن نجد يرفع لفوق ويرجع يمسكه ، صرخت نجد بخوف : يمممه ، خيّال نززللله
ضحك خيّال يجلس ويحطه بحضنه ، ويلعب بخدوده ، ينطق: وه ياخديداته ،
نطقت الهنوف من ورا الجلال: الحسنه الوحيده انه ولد نجد
التفت عليها خيّال : مايخسى غيرك انتي ونجد ؟ قال من يشهد لك يابا حصين قال ذنبي
دفّته بخفّه نجد تنطق: خير ماني ذنب انا
ناظرها خيّال ينطق: صادقه زوجتي ،
التفت على الهنوف ينطق: انتي ابا حصين وانتي ذنبه بعد
ضحكت خزنه تنطق: يويلي انت صاحي
نطق خيّال : لا نايم ، وش تشوفين الله يسعدك؟
ضحكوا البنات ونطق خيّال: عيب انتي وياها ، تحسبوني باخذ وحده منكم لاضحكتوا؟
التفتت عليه نجد بحدّه ونطق: لا ماني باخذ من قال
التفت خيّال من نزل جسّاس ونطق خيّال : تعال جابك الله
تقدم جسّاس يسلم على سَهم يقبّل جبينه ، والتفت على خيّال ينطق: وش تبي
همس خيّال: ياولد عجزت اسوي الشخصيه زي الناس
ضحك جسّاس وتقدم له خيّال ، وقفوا قبال بعض ، وعدّل له جسّاس ترسيمة الشماغ ، ياخذ طرف ويحطها فوق الثاني، صورتهم نوف وهي تبتسم ، ووراها امجاد الي تصورهم فيديو ، تقدم خيّال للمرايه ينطق وهو مبتسم : ايباااااه ، حي عينك يالعضيد
ربت على كتفه جسّاس ينطق : ابو ومايعرف يشخّص للحين
لانت ملامح خيّال ينطق: ماتفقنا
ضحك جسّاس : عاد اتفقنا ولا ماتفقنا ، هذا الصدق
دخل راجح: ماشاء الله ، وين انتم يالسرابيت ؟ المجلس مليان ريجيل وانتم هنا تتضحوكون
حكّ رقبته من الخلف خيّال يصغر عيونه ينطق: طيب ماهو قدام حريمنا يالغالي
ضحك جسّاس يهزّ راسه : والله انه اول مره خيّال يقول شي صح ،
نزّل عقاله راجح ينطق: المجالس
التفتتوا على بعض خيّال وجسّاس ونطق خيّال بسرعه : واحد اثنين ثلاثه هربقااا
ركضوا الثنين يتعدون ابوهم وهم ينطون ، ضحك راجح ينطق: منتهين
تقدم ياخذ سَهم ويحطه على كتفه ، ونطق: باخذه معنا للريجيل
نطقت العنود: بدري على علوم المراجل
ضحكت نجد ، وطلع راجح وسَهم معه يدخل مجلس الريجيل ، وضحك خيّال بصدمه ، ونطق جسّاس: وسعوا للبناخي وسعوا له
ضحك خيّال من تصرف ابوه الغير متوقع ، وجلس على الكنب ونزّل سَهم على السجاد ياخذ راحته ، وبعد سوالف وضحك كل واحد على جواله ماعدا عدد من العيال بسيط، صرخوا بفرحه وصدمه من تقلّب سَهم على جنب ، ولاول مره يتحرك ، وبما انه دخل ثلاث اشهُر ، قام خيّال بسرعه من بكى بخوف سَهم من صراخهم ، يشيله ويرفعه فوق ويرجع يمسكه ينطق بلعب وهو يضحك : كغغغه
هزّ راسه يكمل يلعب عشان يسكت: كغغغه ودينووو
ضحك سَهم بطفوله ، وابتسم خيّال بحنيّه وفرحه: ياجعععللللننننييييييي
ضحكوا من خفّة خيّال مع سَهم ، وحضنه خيّال ينطق: وووووه يارب رحمممتك الجمال طااالع عليي
كشّر جسّاس: لا حرراام انه طااالع على عمّه
ضحك احمد بنرجسيه: اكيد تقصدني ،
نطق جسّاس: تخسى! عمّه الكبير ، ماقلنا الصغير يالاصمخ ( ياللي ماتسمع ، بس بطريقه اوقح)
نطق احمد يأشر على نفسه: انا اصمخ؟
هزّ راسه جسّاس بالايجاب ، والتفت احمد على ابوه يأشر على جسّاس: يبه يقول عني اصمخ
ضحك راجح ينطق: ماعادك ابو الثمان سنين ، دبّر عمرك بنفسك
ضحك جسّاس بقوه يتشمت فيه : اهخخ ياربي لاتحطنني مكاننه
ضحك بقوووه يكمل شمااته وهو يرجع راسه لورا ينطق: ياعيييييااااااللل
رفع جواله ساير يصوّرهم وهو ميييت ضحك ، اخذ عقاله راجح يرميييه على جسّاس بقوه ، ووقف الضحك جسّاس يوّن بألم من الضربه ، وضحك احمد ينطق: انقلببب السحرررر على السااحرر
كشّر ساير من الطاري يصدّ يستغفر ، وانلجم سعود كذلك ، واستوعب على نفسه احمد يسكت ، وهمس خيّال ينطق: ثور من يومك ياثووور
تكهرب الجوّ ونطق جسّاس يغير الموضوع: تبون جديدي بالقصيد ؟
نطق راجح : وفرّه
ضحكوا من ردّ راجح عليه ، ونطق جسّاس يتكّي على المركى: مقبوله منك يالغالي
التفتوا على جوال سيّاف الي دق ، اخذه سيّاف يرد على رفيق دربه واعزّ اخوياه واطيبهم بالنسبه له : ارحب
نطق جابر : تبقى يامرحب ، عساك بالديره ياسيّاف
ابتسم سيّاف : اي بالله
نطق جابر: عاني فيها
ضحك سيّاف بفرحه يعتدل بجلسته: اااارررحببب عليي بالحررام
ضحك جابر من ردة فعله ينطق: وينك فيه تراني بلشان ماعرف احد هنا جاي لمزرعة جدّي ارتب لهم القشّ عشان يجون ، وخلصت وابتلشت مدري وين اروح
ضحك سيّاف : خابرك ، ماتحب الوحده ، حيّاك عاننا مجتمعين انا وعيال عماني والعايله الكريمه
تنهد جابر: لا وين ، ماني بجايكم ابعص جوّ العايله
عقد حواجبه سيّاف ينطق: يارجال علي بالطلاق لتجي وانا ابن ابوي ! قال ابعص الجوّ قال !
اشرّ له عبدالعزيز يعزمه وان الذبيحه جاهزه
ابتسم سيّاف : عان الوالد يحلف يقول الذبيحه طايحه
ضحك جابر : قوّمها
ضحك سيّاف بقوه: لا الوالد حلف مايقومها غيررك يابن سطّام
ابتسم جابر: والله اني مادري وين اودي وجهي من جمايلكم ، ومن لايشكر الناس مايشكر الله يابو عزيّز
ابتسم سيّاف : ازهلنا يالعضيييد ، المره الجايه ان شاء الله واهلك وجدك معك هاه لاوصيك
نطق جابر وهو يسوق: ماتقصر يالنشّمي
نطق سيّاف يبتسم: يابعد راسي ، يالله عاننا ننتظرك
،
نطقت خَزنه: يقولون عبدالعزيز عزم للعشاء هنا ،
نطقت العنود بتساءل : حريم ولا مغير ريجيل؟
ناظرتهم شيماء بِحُكم انها زوجته: لا مغير ريجيل يقولون خويّ سيّاف ولدي
ارتعش كل مافي امجاد من جابو طاري سيّاف ، وكل ماتتذكر اعترافه لسِهام وانه قال بالصريح انه يحبها هي ترتبك وكل انواع التوتر والخوف والرهبه تجيها ، لو يدري انها تكلّم واحد من ورا اهلها كيف بتكون ردّة فعله ؟ ، وهل بيبلغ اهلها ؟ ، ارتعشت بخوف تقوم تطلع من عندهم للحوش باللفّه، واتصلت على حَمد ومن ردّ نطقت بسرعه : حَمد خايفه بيكشفووني
عقد حواجبه حَمد يبتعد عن الازعاج ينطق: مشغول وش تبين ؟
نطقت امجاد بخوف: ولد عمي يقول لاخته انه يحبنـ
صرخ حَمد بعصبيه : وش تقولين انتي؟
نطقت امجاد بتوتر: هو هو الي يقوووله مو انا ، اخاف يخطبني تكفى حَمد
نطق حَمد بغضب: انا وش كنت انتظر من بنت تكلم رجال غريب اصلاً ، بما انك كلمتيني تقدرين تكلمين غيري عَشره ! ولا ؟
نزلت دموع امجاد بخوف : لا لا حمد انت اخر من يظنّ فيني كذا تكففى ، انا خالفت اهلي وخنت ثقتهم عشانك لاتتركني
نطق حَمد: ومثل ماخنتي ثقة اهلك عشان رجال ، يمكن بكره تخونين ثقتي عشان غيري ؟
حطته سبيكر من اختفى صوته تنطق: الـ الو حَمد
نطق حَمد بعصبيه : تبعدين عني سامعه ؟ انتي بطريق وانا بطررريييق، ماعااد ابييك عااافك الخااطر
احتدت ملامح سيّاف الي كان وراها وسامعها من عند جُملتها له "انا خالفت اهلي وخنت ثقتهم عشانك لاتتركني " الى جملة حَمد الي نطق فيها" تبعدين عني سامعه ؟ انتي بطريق وانا بطريق "
سحب منها الجوال ينطق: لانك رخمه يالرخمه يازلابـ*ـه
لو فيك ذرّة رجوله ماكلمت مَره وتركتها عند اقرب مفرق ،
نزلت دموع امجاد بحرقه تناظر سيّاف مايسترها شيء ، بكت اكثررر بحرقه ، انكشفت الحين ، هي لو تركها بدون احد يدري ، كان تسترت على نفسها، لَكن زادت فضيحتها ، وحست بدموعها تحرق جوفها قبل خدّها ، التفتت تسمعه ينطق لحَمد: إتفوو عليييك وعلى اشكالك ياكلب لاعاد اشوفك متصلل على الرقم سمعت؟
قفّل بوجهه سيّاف ، والتفت عليها من شافها ميّله راسها تناظره بترجي وتبكي ، تقدم يحضنها ويحتويها ، هو حاول يمسك نفسه ، مايبيها غير بالحلال ، لكن ماتهون عنده انه يشوفها تبكي ويتركها ، رفعت يدينها تبادله الحضن ، وسكت سيّاف يعطيها كامل حُريتها بالبكي ، بكت لوقت طويييل ، لين ماتعبت وابتعدت عنه تمسح دموعها الي تنزل بكثررره تنطق وهي مميّله راسها :تكفى
نطق سيّاف: ابشري بي ، انتي في وجهي وشنبي علي بالحرام مايمسّك بشعره ،
نطقت امجاد وهي تبكي بحرقه: خايفه سيّاف خايفه
ناظرها بهيام سيّاف من نطقت بإسمه ونطق: مِن مَن ؟ والله لاسوي به الي يرضيك
بكت زياده امجاد تنطق: انت
لانت ملامحه بذهول: ابن ابوي ! وش مخوفك فيه الله يسبق بي !
رفعت اكتافها بعدم المعرفه: اخاف تسوي نفس ماسوّا فيني حَمد
توسعت عيونه بحدّه ينطق: اسمه حَمد؟ اوريك فيه خليني اشوفه بس
ابتسمت وهي تمسح دموعها : شُكراً مرره سيّاف
مسك قلبه سيّاف ينطق: يااابررري حااالك ياسيّااف
ضحكت بخفوت تنطق: اسكت مالي خلق اضحك
ابتسم سيّاف : لا ، من يوم ورايح مافيه مالي خلق اضحك ، بتصيرين مالك خلق تبكيييين
ابتسمت له بإمتنان وسرعان ماتذكرت انها واقفه قدامه مايستررها شيء ، لا جلال ولا عبايه ولا لثمه ، ركضت تطلع من اللفه تدخل البيت وناظروها البنات وعيونها المتنفخه من الدموع ، ونطقت سِهام: امبيه من مبكيييك
،
التفتوا العيال من دخل عليهم احمد يبلغهم ان القطوه دخلت بالمشب وقاموا كلهم يطلعون للمشب ، وناظروا القطوه الي بِسُرعة ترقى فوق الوجار حق المشب ، وضحكوا من فزّ ساير يعدّي على الوجار ويحاول يمسكها ، ضحك راجح: مانت بحولها مير انزل
ضحك جسّاس : خلّوه يحسب المدام تشوفه
التفت عليهم ساير بحدّه وهو فوق ينطق : تخسى يالرخمه ماهب انا ذا
ضحك خيّال ينطق: اي ماهو انت يصير خير مير انزل
،
«مِلكة محَمد بن عبدالعزيز & عهود بنت سعود »
بينما عهود جالسه في غرفتها تكمل تجهيزها ، فتحت الباب سِهام : انززلي يلا بيلبسك الدبله
هزّت راسها بالايجاب عهود ، وطلعت سِهام ، حطّت اخر لمساتها روج من درجات النود تحط بنصّه تنت وتضيف القلوس عليه ، وتقدمت تفتح الباب تنزل بفستانها وهي شايله طرفه ، تقدمت توقف قدام المَجلس الي بتنزف لمحمد فيه ، وطلعوا البنات من المجلس من ارسلت لهم ، وشكّلوا صفّه وراها وثنتين يمينها وثنتين يسارها وكلاهما معهم مباخر ، تقدمت تفتح الباب وتدخل وتمشي بهدوء ، همست عهود لسِهام وتِذكار الي يمينها بالمبخره تنطق: كتمتووني بصيح
وتلتفت من الجهه الثانيه يسارها الجوهره ونوف بالمباخر
تنهدت بقل حيله ، ومشت للكوشه الي مزينينها باللون الوردي فاتح ، واطرافه بيضاء ، تقدمت لمحمد توقف قباله ، وتقدم يقبّل يدها وجبينها ينطق: مبروك
سكتت عهود ماترد بإحراج ، والتفتت تلين ملامحها من ناظرت روند الي من ظمن المعازيم ، وكانت مسويه شعرها كيرلي ولابسه جمبسوت ، التفتت على البنات تناظرهم بحدّه وتاشر بعيونها على روند ، بمعنى "خلوها تتغطى " لان فعلياً ماكانت روند لابسه شيء يسترها عن محمد ،
ناظر محمد لروند كيف ترمق عهود بنظراتها ، ومكسوره ، سكت يصدّ يستغفر والتفت من جابت له امه الخواتم والعِقد ، ناظرها وهو يبتسم وناظر يدها الي ترتجف وثبّتها يلبسها الدبله واعتلت الاصوات بِمُختلف المباركات، تحت احتراق روند ، الي محد حَسب لوجودها حساب ، ولا هي الي انعزمت ، لكن جَت ،
ناظرت الحريم الكبار يسلمون على محمد والبنات يباركون له من مسافه شوي ومتغطين بجلالاتهم ماعداها هي ، تقدمت له وكانت اقرب من مسافة البنات ،
نطقت وهي تضحك بقهر تخفيه: مبروك
ناظرتها عهود تترقب منها تسوي شيء ، وكانت محذره البنات من ناحية روند ، سكت محمد مايرد والتفت من نادته شيماء وهي ماسكه الجوال تنطق: ابوك يقول خلوه يطلع
ابتسم ينطق: مع زوجتي؟
ناظرته بحدّه شيماء ، تلاشى ابتسامته يوقف ، وطلع من عندهم ، ونزلوا جلالاتهم البنات يتحررون ، ماعدا سِهام الي طلعت من عندهم بجلالها للحوش ، ناظرت العقود والسجاد الاحمر ، هي تحب الاجواء الي كذا ، تفضلها على عيشتهم بالرياض ، تنهار على الاشياء الي تلمس فيها شيء بدوي وتُراثي ، تقدمت للورود تناظر المويه بجنبها ، وانثنت تتحسسها وكيف ملمسها حلو واستنشقت ريحتها الي فايحه بالمكان ، اعتدلت بوقوفها من لمحت احمد جاي ، سكتت توقف مكانها ووقف احمد من ناظرها ينطق : تِذكار امي وين ؟
كشّرت سِهام تنطق: انت على اخر تحديث؟ اسمي سِهام مو تِذكارر
توسعت عيونه بذهول يحك حاجبه ينطق: اماا عااد
هزّت راسها بالايجاب ونطق: هيّا نادي لي امي بالله
نطقت سِهام تصدّ تمشي للبيت: اوكي
دخلت عندهم بالمجلس تنطق: عميمه خزنه ، احمد يبيك برا بالحوش
هزّت راسها خزنه بالايجاب تقوم تطلع ، وتقدمت تجلس عند البنات الي ياكلون كيك ، وحطوا لها تاكل معهم ، ونطقت نوف : سوسو اشوف مواجهك لاحمد كثرران
كشرت سِهام: من متى !
غمزت الهنوف: تحبيننه اعتررررفي
نطقت سِهام بسرعه: لا !! خير مابقى غيره
نطقت نوف تضحك: منجد ماتخيلهم، يوووه بنات كايلي والشاايب احس مستحيل
سكتت سِهام تتجاهل شُعورها وماتبي تقولهم ، هي تحبه بس تخاف تقولهم ويطقطقون كعادتهم ، تنفي شُعورها له ، لان شخصياتهم فرق السماء عن الارض ، بس هي وقعت فيييه وفي غراامه بدوون لاتحس ، ناظرتهم يطقطقون ونطقت بملل: اوف بنات يع خلاص وقفوا وش قلة الحيا ذي !! نليق مانليق ، استحوووا بلييز
قامت من عندهم بغضب ، وتوسعت عيون نوف تأشر عليها وهي مصدومه: ذي لايكون تحبه !
التفتوا على تِذكار ونطقت نجد: اختك تحبه؟
هزّت راسها تِذكار بالنفي وهي تاكل :لا مستحيل احس مره الفرق الي بينهم بالشخصيات مايخلي سِهام تحبه ابداً ،
،
بكت سِهام تدفن وجهها بالمخدّه ، هي تحب شخصية احمد وكيف يتكلم ، تحب حركاته العفويه الي تعودها كـ واحد بدوي عايش بين بيئة كلهم بدو ، كذا شخصيتها بس البيئه الي تعيشها مُخالفه لشخصيتها ، هي ماتحب الرياض ، مجبوره على الجامعه من ظغط ابوها ، تحب احمد لدرجه صارت تحب الديره من حبها له، وتجيها افكار مرات تترك الدراسه عشان اهلها يستقرون هنا ، اهلها ماقعدوا بالرياض غير عشان جامعتها ، وهي صارت تكره الرياض من كرهها للجامعه ، شُعورها يتغلب عليها ، وتحس انها مظغوطه من كل الجهات، هي حسّاسه كيف بتتحمل مواجهتهم لها اذا اعترفت بحُبها له
،
نطقت نوف: بناات المشكله تدرون وش؟ احمد مستحيل يلتفت لها !! بنات تعرفون يعني وش مستحيل؟ البنت مافيه فايده بحبها له
نطقت امجاد بذهول: ليه مستحيل؟؟
تاظرتها نوف تنطق : حبيبتي احمد مايحب الدلوعه والحساسه ، احمد متقممص شخصية جدي بحتت ! يويلي ماتخييلهم مع بعض
نطقت الجوهره: اقول نويفه تراك قهرتيني وانا مالي دخل ! وش الي مايجتمعون ! قلتوها عن خيّال ونجد وشوفيهم عندهم ولد الحين ماشاء الله ! خلاص اتركوها بحالها ، تحب الي تحبه ، انا بالنسبه لي بوقف معها بكل الي تختاره
نطقت نوف : انا ماقصددي اني ضدّها ، انا اعرف اخوي اقول لك بتتعب مععه! ذولي الاثنين مستحيييليين
احمد وسِـ
تنحنحت امجاد تسكتهم بِمعنى انه جا ، وتغطوا الي مو محارمه ، وارسلت الجوهره لسِهام: تعالي بسرعه بنصور مع عهود
كان مقصد الجوهره تبي تنبّه احمد على سِهام ، وتبيه يشوفها ، ويفكّر فيها ، يمكن تغلبه مشاعره وتساعد سِهام ،
شاافت الرساله سِهام وهي منسدحه ، قامت تترك المخدّه وتعدل شعرها ومسحت مكياجها تعيده ، لانه خرب من بكائها ، وعدلت شعرها تنزل ، دخلت المجلس بدون لا جلال ولا شيء ، قطع سالفته احمد يناظر فيها وسرعان ماصدّ ، ماودّه بالصدود لكن كانوا كلهم حاضرين ومايبي يطيح من عيونهم ، حذفت اسماء الجلال عليها واخذته سِهام بسرعه تلبسه ، وطلعت من عندهم بإحراج ، طلعت للحوش ملجأها كل ماتضايقت ، جلست على عتبة الباب تسند راسها على طرفه ، واعتدلت تبتعد عن الباب توقف من تنحنح احمد بيطلع ، ونطق قبل يطلع يناظر عيونها الي مطلعتها مع طرف الجلال: فيك شيء؟
نزلت دموعها الي كانت على طَرف ، كانت حابستها لكن يوم سألها فاضت دموعها ومشاعرها وكل شيء فيها هيّضه سؤاله ،
نطق احمد تتوسع عيونه بذهول: اخوو نووف انه اناا
ضحكت من كلمته بوسط بكائها وابتسم احمد ينطق: عسى ماشرّ ؟ كنت بقول شكلها تحب محمد لكن نسيت انك اخته، العذر والسموحه
ضحكت سِهام ونطق احمد: كلهم يقولون عنّي سخيف بس انتي تضحكين ، عززتي ثقتي الله يسعدك
ماكانت قادره توقف ضحك وهي تبكي
ونطق احمد:تبكين وتضحكين بنفس الوقت ؟ جديده ذي
التفتتوا اثنيناتهم كل واحد على جواله ، يفتحون رسالة خيّال الي مصوّر يشتري لحم وكاتب تحتها" جهّزوا شبّة الناارر بيجيكم شوي من الشييخ خيّال "
ناظر احمد تحتها جسّاس كاتب: " مشويّات خيّال للي يبي يتسمم"
ضحك احمد يكتب " والله ياخوك ماني بايع نفسي اكل من شويك "
ضحكت امجاد من رسالة نجد الي كتبت" شفيكم على ابو عيالي ، انا باكل من مشوياتك ياحُب"
ضحكوا من رسالتها وطلعت زيورا تحط الجلسه بالحوش ، وابتعد احمد يلوّح لسِهام ، بادلته التلويحه وهي مبتسمه من ورا الجلال تتنهد : اهخخخ
فزّت برعب من جت وراها الجوهره تنطق: ياخفييفه اجلل اهخ
ضحكت سِهام وهي مرتبكه ، ونطقت الجوهره: معليك مالومك يجنن ولايقين مرره على بعض
ابتسمتت بسعااده سِهام من كلامها ، ولوهله استوعبت ونطقت: من الي يجنن اشوف؟
ضحكت الجوهره: كلي ترااب لا غسلل شراعك مسويه تغارين يامعفنننه
ضحكت سِهام: يمكن
،
حطّوا الجلسه بالحوش والسجاد الاحمر ، وجلسوا كلهم ماعدا الشيّاب الي ناموا هم وحريمهم، ابتسمت الجوهره تنطق: مشتهيه اغنيه
نطق خيّال يلتفت على جسّاس: وتطقطق على حرمتي عشانها مشتهيه تراب؟ شف حرمتك بالله
ضحك جسّاس : اجيب لك السيدي تبلعينه ولا؟
ناظرتهم الجوهره بزعل: خيير ! اقصد ودي نشغل شي وحنا نشوي
نطق خيّال يرفع اصبعه : حنا ! قصدك انا لحالي الي بشوي !
ضحك احمد بتهديد : لا لا ياحبيبي ، والله نحتاج معدتنا الايام ذي ، خلّ على الاقل نحظر تمايم ولدك
نطق خيّال: ياذا التمايم الي عيّت تعجل ، كل يوم اقول لابوي اليوم يقول لالا يابوك انتظر خلنا نريّح
نطق سيّاف: ياعيال تبونا نعزم جابر ؟
صرخت امجاد: لاااااا، نبييي نشوي معكم خيرر
ناظرها سيّاف بحدّه يسكّتها ، ونطق احمد: حسّك لايعلى يابنت راجح
ابتسمت امجاد بإحراج: شفيكم تراني كتكوته بس مدري شصار
ضحكوا ونطق خيّال : الشيخ سَهم بن الشيخ خيّال وين ؟
ضحك بخفوت جسّاس يعتدل بجلسته ينطق: الشِيخه عندكم مايبي لها شيء،
ناظرهم محمد الي حاط شماغه على كتفه وطاقيته وعقاله على راسه ينطق: يارجال والله ماطقع منه الا ولده
نطقت الجوهره بذهول: وي عيب
ضحك جسّاس بطقطقه: ياكيوت انتي
اعتلت اصواتهم بـ: ااااااااييييييييييييي
ناظرهم جسّاس يضحك بذهول: على شحمم
تقلّب سَهم وصار عند رجول ابوه ونطق خيّال: اخذييه لاتاكله النارر
وقفت نجد تشيله وتوقفه بجنب خيّال وهي ماسكتها ضحك خيّال يقبّل جبين سَهم ، وشالته تحضنه وتلعب معه وهي تضحك وتغمض عيونها وتفتحها تضحّكه: كوتشي كوتشي
ضحك خيّال : الله يشفيك
التفتت له نجد: لك مين عمم يحككككي
ضحكوا البنات ، ونزّلت نجد سَهم ، تنطق : انتبه له يا الي يقولون انك ابوه
ناظرها خيّال باستهزاء: بالله ؟
تجاهلته تضحك وهي تمشي لداخل ، التفتوا على محمد الي نطق: ياولد استعجل علينا ، ورانا اشغال
ناظر ساعته خيّال والتفت عليه ينطق: وش اشغاله الساعه 4:30 ؟
مسح على شنبه محمد ينطق: وانت شتبي ؟
نطق نواف : يارجال ماغير بيروح يرقد ماعنده ماعند جدتي
نطق سيّاف: على الطاري ، ياعيال من يذكر جدّتي ؟
ناظره جسّاس ينطق: انا ، ماتذكرونها بالله ؟
ضحك محمد ينطق: الله يسامحها عطتني بالسلك لين قلت امين
ضحك خيّال بقووه: اهخخ ياعيال والله ياهي طايحةٍ فيه ضرررررب
حكّ شنبه محمد يضحك ، ونطق سيّاف: ياعيال علي بالحررام اني ودّي انادي جابر
التفتتوا على امجاد ينتظرونها تطلع ردة فعل وضحكت بخفوت تنطق: لا خلاص لقمت درس قبل شوي
ضحك سيّاف بخفوت ، وبعد دقايق استوت المشويّات ووزعها خيّال بالصحون ينطق: حياكم الله على كثر الكلافه
نطق جسّاس يضحك بصدمه : ابك لا
التفت له خيّال ينطق: يارجال كلها واحد
وبعد دقايق خلّصوا اكل وكل واحد قام يغسّل ،
« عند المغاسل»
نطقت تِذكار بوهقه : يووه
التفت عليها نواف ينطق: وش العلم
ناظرته تِذكار تنطق وهي تأشر على المغسله: عيّا الماء ينزل
ابتعدت عن المغسله وتقدم نواف يحاول فيه ، وناظر المحبس الي مقفّل والتفت عليها يناظرها بحدّه: بالله هذا ويش؟
سكتت تبتسم بوهقه من تحت الجلال ، وعرف انا تبتسم من عيونها الي مبينه من الجلال ، نطق نواف: غسّلي غسّلي الله يخلف على اثنين جابوك
نطقت تِذكار بسرعه: هيه هيه انت !! لاتغلط على امي وابوي
ناظرها بذهول: وش قلت؟
نطقت تِذكار: تقول الله يخلف عليهم!
ضحك يناظرها: طيب ؟
تِذكار : وش الي طيب! لاتسب ياورع
نطق نوّاف : ياثورر ! الله يخلف عليهم يعني مثل الله يعوضهم
نطقت تِذكار بفهاوه توسع عيونها: اهاااا
،
التفت جسّاس من ناظر ملامح الجوهره تكشّر وكأنها تتألم ونطق: عسى ماشرّ ؟ يوجعش شيء؟
نطقت تتجاهل الالم: لا لا مافييني شيء
هزّ راسه جسّاس يلتفت لهم يسمع سوالفهم ، وبعد مُدة كِلٍ راح يرقد ، الا جسّاس والجوهره ، ناظرها توّن وانخرش يوقّفها معه ينطق: تبين المستشفى؟ وقفت الجوهره تمسك ظهرها تنطق برجفه: بـ بووولد بـ
ماكمّلت كلمتها الا وهي تصررخ تستنجد فيه ، كانت بجلالها ومسك يدّها جسّاس يمشيها معه للسياره بهدوء وركض يرجع يجيب جواله ورجع للسياره ركض يركب ويشغل السياره يحرّك ، كان متوتر من صراخها ، وزاد سرعته ومن صرخت بقوه نطق يرفع صوته: ابنننن ابووووي
وصلوا ونزل جسّاس ومن التوتر ماجاب عربيّه ، شالها بيدينه ، ودخل بسرعه ينادي الممرضات ، نزّلها على السرير المُتحرك، ودفّوها الممرضات يدخلونها الغُرفه ، وركضت الدكتوره تلبس القُفازات تدخل ،
جلس على الكراسي جسّاس من حسّ بالدوخه ، وسرعان ما اغمى عليه من شدّة التوتر والسهر والارهااق ، تجمعوا عليه الطاقم الطبّي ، وشاله دكتور سعودي ، يحطّه على السرير ينطق: مُغذي بسرعه ،
دخّلوه الغُرفه ، يعطونه اُبر وبعد ربع ساعه تقريباً صحى ، وفزّ بسرعه يفتح المُغذي عنه ، وينطق: وولدت؟؟
نطق المُمرض : إنتا حامل يابني ؟ ماتيقيش
مسح على راسه بغضب ينطق: زوجتي ياخي زووجتي ، وينهاا ؟
كانوا بيردون لكن تجاهلهم يطلع ويناظر غرفة الولاده ، سند راسه على الجدار ينتظر احد يطلع من عندهم ويطمنه، التفت من طلع الدكتور شايل بنت وولد ، ضحك بفرحه وذهول وشُعور صعب وَصفه ، تقدم يمدّهم له الدكتور ينطق: الله يرزقك برّهم ان شاء الله
اخذهم جسّاس تنزل دموعه تلامس وَجنتيهم بحنيّه ، وابتسم الدكتور يناظر فرحته فيهم ،
جابوا سراير الاطفال وحطوّهم فيها ومسح دمووعه جسّاس بطرف شماغه والتفت على الدكتور ينطق: اقدر ادخل لها يادكتور ؟
هزّ راسه بالايجاد الدكتور وتقدم جسّاس يدخل وناظرها تبكي بخوف اكثر من ما أنه ألم ، اخذت جهاز التحكم الي بجنبها ترفع السرير من خلف ظهرها يسندها تجلس ، جلست وتقدم بها جسّاس يقبّل جبينها ينطق: الحمدلله على السلامه ومبروك ماجبتي لنا ،
ابتسمت بتعب تهمس: الله يسلمك
جلس على طرف السرير جسّاس ويسولف معها ويضحكون ، ولوهله تذكّر ووقف ينطق: بروح اجيب لهم رضاعات وحركات بركات تعرفين صرت ابو وكذا
ضحكت الجوهره ترجع راسها لورا ، وطلع جسّاس والابتسامه شاقّه وجهه وناظر العايله كلها جايه ، وناظرته العنود مبتسم تنطق: ياجعلني قبلك يا امي ، مبروك ماجاك ويتربى بعزّك
نطق جسّاس يبتسم: يتربّون بعزّي قصدك
توسعت عيونهم بذهول جميعاً بلا استثناء ، وضحكت العنود بفرحه: اسألك بالله
ضحك جسّاس يهزّ راسه : اي والله
ناظرهم خيّال ينطق: دبّلها الكلب عشاني جبت ورعي قبله قال ليش ماجيب ثنين
ضحك جسّاس بذهول: ورع
ضحك خيّال ينطق : وانا صادق
نطق راجح: ها تمايمكم بكره و الحاضر يعلم الغايب
نطق جسّاس : اربع ذبايح والقصر عليّ
توسعت عيون ساير : يخرب بيتك قصر مره وحده
ضحكوا ونطق ساير: ها ماني بأقل منكم ، القهوجيين والحلويات والقهاوي والضيافه كلها علي، حريم وريجيل
نطق خيّال: يسلمكم ، وانا بجي انا وورعي ، وش تبون اكثر من كذا؟
ضحكوا ونطق خيّال يضحك: مزوح ، ذبيحتين عليّ وبنزين كل نفر بيحضر علي
ضحك نواف: بيجيب محطّة مُتنقله
خيّال : وبالمرّه الي مايدانينا يولّع فينا ويحط رجله شرايك
ضحك فواز: ذكي النسيب
، تغطّت الجوهره ودخلوا كلهم ،
قبّل جبينها سعود ينطق: مبروك ماجبتي يابوك
نطقت الجوهره تبتسم: الله يبارك فيك
ناظرها ساير يتخصر: حفيدنا وين ؟
ضحكت الجوهره بخفّه تنطق: ماجابوه للحيـ
قاطعها دخول الممرضه الي تدفّ سرايرهم وهم بوسطها، نطق خيّال يصفق : حيّو البناخي حيّوو ، حيّو البنااخي حيّوو
صفقوا معه العيال ، وكلهم مبتسمين وتغمررهم السعااده ، دخل جسّاس وبيدّه كيسة فيها الرضاعات والبامبرز ومُلتزمات الاطفال بشكل عام ، ابتسم من شافهم عند الجوهره ، وتقدم يحط الاغراض على الطاوله الي جنبه ينطق: وش تتوقعون سميّتهم
نطق خيّال : يارجال مايبيلها ، رعد
ابتسم جسّاس : لا ذا تعرفونه ، البنت وش تتوقعون؟
نطق ساير: قل بالله وش ؟
ضحك جسّاس يلتفت على الجوهره: وش تتوقعين؟
ماعلمّها بأسم البنت ولا عمره جاب لها طاري ، خمّنت الجوهره تنطق: اتووقع عشان رعد ، بتسمي البنت برق او شيء كذا ؟
ابتسم جسّاس : بُروق ، جابتها ام رعد
ضحكت الجوهره تنطق: بسم الله علي ذكيّه
التفت خيّال على نجد ينطق: ناوليني سَهم بالله
ضحكت امجاد: وش الي ناوليني كوره هو ؟
تقدمت نَجد وهي تضحك بسَهم تعطيه لخيّال ، ناظرهم خيّال: كراسيهم توججع ياووولد
ضحكوا من نزل خيّال عن الكرسي يجلس على السيراميك ، نطقت نجد: ابك قوم لاتفشلناا
نطق خيّال بعناد : اهم شي راحتي
وقف جسّاس ياخذ بُروق من سريرها يسمّي عليها ويقبّل وجنتيها ينطق: يووولد رييحة ورع وكاااله
قام ساير ياخذها منه : ماشاء الله
دخّل الظرف معها ساير ، ونزلّها بدون يلاحظون واخذ رعد بحجة انه يقبّله ودخّل معه ظرف ، ونزلّه بالسرير وتقدم بيطلع ونطق : شوفوا ورعانكم تفقدوهم
فتح الباب وطلع ، والتفت جسّاس : وش يهبد ذا
تقدم لسرير بُروق يدور بأطرافها ، وناظر الظرف ياخذه وفتحه يلقى خمس الاف ، ورجّعه يفتح ظرف رعد يناظره برضوا خمس الاف ، نطق جسّاس: ابك يستهبل ذا؟ عشر الاف ياولد سلامات
توسعت عيونهم بذهول ونطق خيّال: تستاهل يابو رعد
ناظره جسّاس : كل تراب بالله ، النفاس انا ولا حرمتي ياغبي؟
ضحك خيّال يحكّ جبينه: نسيت والله
مدّها لها جسّاس ودقّ على ساير ينطق: صاحي انت؟
نطق ساير بحدّه: مالك شغلل الهديه لبناخييّ انت شتبي
نطق جسّاس : ياوليدي بناخيك وش يقرب لي؟
ضحك ساير: اذلف ياورع
،
«تمايم سَهم بن خيّال ، رَعد بن جسّاس ، بُروق بنت جسّاس »
كان جابر من ضمن المعزومين هو واهله جميعاً ، دخلوا القَصر الي حاجزه جسّاس وكان كبيييير وشَرح ، وقف بسيارته بنص حوش القصر من استوقفه العامل يدق باب الدريشه ، فتح دريشته جابر ينطق: هلا؟
نطق العامل : بنزين or ديزل ؟
عقد حجاجه جابر ينطق: ليه؟
نطق العامل: بابا خيّال كلام بنزين كُلوا نفر عليه ،
نطق جابر: وينه البنزين؟
ناظره العامل يرفع الجراكل الي بيده: هادا
نطق جابر يضحك: بنزين يامُدير
عبّى له العامل بنزين لين فللّ ، وسفط سيارته جابر ينزل هو وجدّه وجدّته وامه ، ابو جابر متوفي وهو وحيد امّه ،
نزلوا ودلّ امه وجدته على قسم الحريم ودخلت وفاء ، وطلع جابر مع جدّه لقسم الريجيل ونطق فهّاق: ماشاء الله وانا جدّك القصر واضح مكلّفهم
هزّ راسه بالايجاب جابر ودخل مع جدّه للمجالس الكبببيييررره ، دخلوا يسمعون صوت الشيلات والفَرحه الي متوسطه قلوبهم وتنعكس عليهم ،
تقدموا خيّال وجسّاس يرحبّون بالضيوف وساير يرحبّ معهم بما إنه متكلف ببعض الضيافات ، نطق جسّاس: ارحب يا ابو سطّام ،
نطق وافي : البقى يامرحب
سلّموا عليه ورجعوا يسلمون على جابر ، ودخلوا الضيوف بعد ماسلموا ، ونطق جسّاس لأحمد يهمس: رح شف الحريم ناقصهم شيء
هزّ راسه بالايجاب احمد يطلع ، ويمشي على رجوله لانهم نفس القصر ، وقف عند باب المَدخل وهو يسمع الاغاني الي معليّن عليها ، فتح طرف الباب وناظر القهوجيه يناديها : يا اُختاه
التفتت له القهوجيه ونطق: نادي لي وحده من اهل العزيمه بالله
مشت القهوجيه تنادي نوف وماكانت فاضيه وجت سِهام بدون جلال بسرعه ونست ، وماتدري انه احمد بالاساس ، فتحت الباب بقوه تنطق : نَعـ
ناظرها احمد مايشيل عيونه ينطق: شسمه
عقدت حجاجها : وشو؟
نطق احمد: اي صح ، جسّاس يقول ناقصكم شيء؟
رجعت ورا الباب ونطقت سِهام من تذكرت: اي اي ، كراتين الموويه خلصت
هزّ راسه بالايجاب ينطق: خليك هنا بروح اجيب من عندنا واجي
مشى احمد وناظر العمال ينطق: مُدير نزل عشره كرتون مويه
شالوها العمال يتبعونه ووصلوا لعند الباب ونطق: نزلوها خلاص
نزلوها وراحوا وتعصّب بالعمامه على راسه ، ورفع ثوبه يربطه على خصره ، وذرّع باكمام يدينه، وشال كرتونين فوق بعض ، وتقدم ينطق: اخت محمد
نطقت سِهام : هلا ؟
نطق احمد : افتحي الباب بدخلهم
فتحت طرف الباب ونزلهم احمد بعيد شوي ، ورجع ياخذ وينزل لحد ماخلص ، وعدّل اكمامه وعمامته وثوبه ، وطلع من عندهم ، تحت انهيار سِهام على شكله ، وكيف عشوائي بشكل يحبّه قلبها ، فزّت برعب من تِذكار الي نطقت: امي تقول تعالي بسرعه
تنهدت براحه تحطّ يدها على صدرها ، همست بقلبها: الحلم هو والواقع تِذكار اهخ
ضحكت بخفوت وناظرتها تِذكار: اعوذ بالله شفيك انتي
نطقت سِهام: مافيني شيء ، مشينا يلا
دخلوا ، وكانت المُغنيه بحفلتهم الليله" اصاله"
قامت عهود تصور مع اصاله والابتسامه شاقّه وجهها ، وكانت اصاله اقتراح عهود ،
نطقت عهود: اصولتشي غنّي قانون كيففك
هزّت راسها بالايجاب اصاله وبدت الالحان ، وتقدمت توقف عهود على طرف المَنصه تستعد للاغنيه ، وجا البارت الي عهود تفضّله وتقدمت ترقص بهدوء وتتمايل بكتوفها وشوي خصرها ، ابتسمت عهوود بسعااده تغني مع اصاله وهي ترقص : اناا ماقدررر اكووون الي تبيي ،
ضحكت سِهام تصورها لمحمد ، وثواني خلصت الاغنيه وجلست عهود تشرب مويه واخذت جوالها ، وناظرت محمد الي مرسل لها " اجل ماقدر اكون الي تبي هاه "
ضحكت بذهول تكتب" بموت كيف عررفت !!"
تعالوا سالانستا vv.dd00 ❤️❤️
