"ඔව් හයි ස්කූල් එකේ.." ජානකී උරහිස අකුලුවලා කිව්වේ චිරාත් වාහනේ දොර වහලා ගේ දිහාවට ඇවිදගෙන යද්දී..
"යූ.එස්..?" චිරාත් නැවතිලා අයෙමත් හැරුනේ ඒ මොන මරාලයක්ද කඩන් වැටෙන්න යන්නේ හිතාගන්න බැරුව..
"ම්ම්.."
"මොකක්..? ඒගොල්ලෝ කොහොමද අම්මා මෙහෙ ගෙදර දන්නේ..?"
"මම කොහොමද ළමයෝ ඒක දන්නේ..?"
"මුකුත් හොයන්නේ බලන්නේ නැතුව ඔයත් කට්ටියව ගේ ඇතුලට ගත්තද..?"
"මම නෙමෙයි.. අප්පච්චි.. අප්පච්චි ඒ ළමයින්ව දන්නවා කිව්වා.."
"අප්පච්චි ගෙදරද..?"
"ඔව්.. ඇයි..?"
"න්..නැහැ.. මුකුත් නැහැ.." අඩියට දෙකට ගෙදර ඇතුලට ගිය චිරාත් හිටපු තැනම ගල් ගැහුනේ අප්පච්චි එක්ක කතා කර කර හිටපු දෙන්නා දැකලා..
"ආහ්.. ඉලන්දාරියා.. ලස්සනයි ඊයේ ගෙදර ආපු හැටි.." මහසෙන් හිටියේ තේ බොන ගමන්..
"වැඩක් වැටුනා අප්පච්චි.."
"වැඩේ බිල් එකම 54000ක් නේද..?"
"යෝහ්.. අප්පච්චි.. මම මගේ කාර්ඩ් එකෙන් නේ පේ කලේ.. ඔයා මගේ කාර්ඩ් එක ට්‍රැක් කරනවද..?"
"උඹේ කාර්ඩ් එකට සල්ලි එන්නේ දේවාලේ පිං කැටෙන්ද..? ඕකට මගේ නම්බර් එක ලින්ක් කරලා තියෙන්නේ මම.."
"මොනාද අප්පා.. ප'සනල් ස්පේස් එකට අත දානවනේ ඔයා..."
"ප'සනල් ස්පේස් එකට අත දානවා..? මට කියලා කණ අතගාගන්නේ නැතුව මෙතනින් ඉඳගන්නවා.. මුන් දැන් බලනවා ඇති අපි මොන කුනුහර්පද මේ කතා කරන්නේ කියලා.." සැරින් සැරේ චිරාත් දිහායි මහසෙන් දිහායි බලන කොල්ලෝ දෙන්නා පෙන්නලා මහසෙන් කියද්දී චිරාත් මූණත් දෙක කරගෙන ඇවිල්ලා වාඩි වුනා..
"මුන්ව ගේ ඇතුලට ගත්තේ ඇයි..?" චිරාත් මුමුනද්දී..
"ගෙදරට ආපු මිනිහෙක්ට හරියට කතා කරනවා චිරාත්.. ඔව්වා බේරුමක් කරගෙන එනවා.. ඊට පස්සේ රාජා ජුවලර්ස් එකේ බිල් එක ගැන කතා කරමු.."
"අයියෝ අප්පා.. ඕවා ඔයාගේ සල්ලි නෙමෙයි අනේ.. මම යූ.එස්. ඉද්දී ස්විමින් ක්ලබ් එකේ මැචස්වලින් හම්බුන සල්ලි එකතු කරපුවා.."
