කළු පාට ටැටූ ✔

05 වෙනි ටැටූව

මං එදා හවස ගෙදර ගිහින් වොශ් එකකුත් දාගෙන ඇඳට වැටුණා .එදා දවසෙම මං හිටියේ දුරුතු අයියගේ ඩාන්සින්ග් අයිටම් එකේ වැඩවලට හිරවෙලා.සිංහරාජ වන්නමේ කවි ටික ඒ වෙද්දිත් මට නිකන් කට පාඩමින් කියන්න පුළුවන් තත්වෙක හිටියේ.කට දෙපැත්තයි,උගුරයි සම්පූර්ණ රිදෙන්න ගත්තා .උගුර නිකන් බැරැන්ඩි වෙලා වගේ.ඇඳට වෙලා ඒ මේ අතට පෙරළි පෙරළි ඉඳලා ඒත් නින්ද යන්නෙ නැති හින්දා මං පෝන් එකත් අතට අරන් whatsapp එක පැත්තට ගියා.නාඳුනන number එකකින් ඒ වෙද්දිත් මැසේජ් කිහිපයක් ඇවිත් තිබුණා .

" hey , mk? "

" කාලද?මහන්සිද? "

ඔන්න ඔය වගේ මැසේජ් කිහිපයක් ඇවිත් තිබ්බ නිසා මං reply කලා.

" Hi... "

" ඔව්...ටිකක් විතර මහන්සියි ඉතින් ... "

ඒ දුරුතු අයියා තමයි.ටික වෙලාවකින් මට එයාගෙන් ආයෙමත් reply ආවා.

" එහෙනම් නිදාගන්න ... "

ඒත් ඉතින් මට නින්ද යන්නෙ නෑනේ.ඉතින් මොකක්ද කරන්නේ.මාත් දුරුතු අයියට reply කලා.

" නින්ද යන්නෑනේ ඉතින් ... "

"ඒ මොකෝ? "

" අනේ මන්දා..."

"ඉන්නකෝ මං call එකක් ගන්න..."

දුරුතු අයියා එහෙම කියද්දි මං බයවුනා.බයටත් වැඩිය මට එයත් එක්ක කතා කරන්න ලැජ්ජයි.

"ඒ ඇයි? "

" නැලවිලි කවියක් කියන්න..."

ඒ මැසේජ් එකත් එක්කම දුරුතු අයියා මට call කලා.හැබැයි ඒක answer කරනවද නැද්ද කියලා මගේ හිත දෙගිඩියාවක තිබ්බේ.ඒත් answer නොකර ඉන්නත් බෑ.ඒ හින්දාම මං call එක answer කලා.

"හ්...හෙලෝ..."

" හෙලෝ තමා ...මොකෝ පරක්කු? "

" මොකක්ද ?"

මං අහිංසක විදිහට ඇහුවා.

" මං ඇහුවේ ඇයි කෝල් එක ආන්ස්වර් කරන්න මෙච්චර පරක්කු කියලා ..."

"හී...හී...සොරි ඉතින් ..."

මූත් අහන්නෙ මාර කතානේ.මොකෝ මූ කෝල් ගන්නකොට ඒවා ආන්ස්වර් කරලා උත්තර දෙන්න මං සැදී පැහැදී ඉන්නවයැ.