🌹 මේඝ 🌹 JIKOOK NONFICTION ( COMPLETED ✅ )

💐විසිනව වන මේඝය 💐

මේ ගේ මගේ කොල්ලො දෙන්නගෙ. උන් කොහෙවත් යන්න ඕන නෑ සුලෝචනා.......
 

බොහොම අමාරුවෙන්.... ගෙදර ඇහෙන කෝලහාලයේ සද්දෙ ඇහුණු ලොකු හාමු ව මම දැක්කෙ ඒ වෙලාවෙ... එයා අමාරුවෙන් පඩි පෙලේ අත් වාරුව අල්ලගෙන හෙමින් පහළට බැහැගෙන එන හැටි මම තේජානයගෙ ඔලුවට උඩින් ඔලුව දාන ගමන් බලාගෙන හිටියා.

අපිට ඔය ප්‍රශ්න වලට සම්බන්ධ වෙන්න බැරි නිසා මමයි තේජානයයි කළේ හැංගිලා ඔලුව විතරක් දාලා වෙන එක බලන් හිටපු නිසා... තේජානයා පාතින් ඔලුව දැම්ම නිසා මම තේජානයගෙ ඔලුවට උඩින් ඔලුව දැම්මා.

ඇත්තටම මේඝ අයියගෙ අප්පච්චි තරුණ කාලෙ මේඝ අයියල වගේම ගොඩක් කඩවසම් වෙන්නැති. එයාට හැට පැනලා වුණත් එච්චර වයස පාටක් පේන්නවත් නැහැ... ඒ වුණත් හරිම මැචුව පාටක් තමයි ඒ චරිතෙන් පේන්නෙ. මදැයි පියානෝ පුතා වෙනුවෙන් වචනයක් කතා කළා. එහෙම එකක් නොවුණා නම් අම්මප මමයි ඕකාව ලෙඩ ඇඳේ ඉඳන් ඇදගෙන එන්නෙ... අර ලමාතැනී මේඝ අයියට කියන කතා කන් දෙකටම ඇහෙන්න සලස්වන්න..

හෙමීට ඇවිදන් ආවත් ලොකු හාමුගෙ මූණෙ ලොකු වෙහෙසකර බවක් පෙනෙන්න තිබුණා. ඒත්.... එයා ඒ වෙහෙස ගැන හිතන්නෙ නැති ගානට කතා කළේ සුලෝචනා මැණිකේ දිහා ම බලාගෙන....

මේඝ කියන්නෙ මගෙ ලොකු පුතා... හරි මට තේරෙනවා... එයාට මාත් එක්ක ඒ තරම් හොඳ ඇයි හොඳයියක් නෑ කියලා...
ඒත් මම තවම එයාගෙ තාත්තා... මම මේඝට දේපළ ලිව්වේ නැත්තෙත් තමුන් ඒ අහිංසකයා එක්ක පැටලෙන්න යන නිසයි සුලෝචනා....
මම හිතුවා... මගෙ කොල්ලා රස්සාවක් කරලා දෙපයින් හිටගෙන ඉන්න නිසාවත් එයාට පාඩුවේ ඉන්න හම්බෙයි කියලා..
අද නවතියි හෙට නවතියි කියලා හිතුවට.. තමුසෙගෙ හිතේ තියෙන තණ්හාව දවසින් දවස වැඩි වෙන එක විතරයි වෙලා තියෙන්නේ...
ඒ ළමයා තමන්ගෙ ජීවිතේ ජිවත් වෙන්නෙ... ඒ ළමයා තමන්ගෙ ම මහන්සියෙන් හරි හම්බ කරපු සල්ලිවලින් ජීවත් වෙන්නේ...
මගෙ එකා සල්ලාලයෙක් නෙවෙයි එක එක ගුබ්බෑයම් වල රිංගන්න... ඔහේ හිතන් ඉන්නේ මගෙ එකා රස්තියාදුකාරයෙක් කරන්නද... එහෙමත් නැත්තම් පිස්සෙක් කරන්නද....?
මතක තියා ගන්නවා සුලෝචනා... තමුසෙ ආයෙ හයියෙන් එක වචනයක් මගේ පුතාට... මගෙ අහිංසක දරුවට කිව්වොත්....
දිව උගුල්ලනවා... මතක තියා ගනින්... "