في بريطانيا و تحديدا في مطار( لندن ستي )كانت بطلتنا يالسه مع ربيعتها تتريا طيارتها عسب ترد الدوله
ظبيه : اووف تعبت من متى نحن يالسين هني
ريم : يلا هانت ما باقي شي ساعه و بنركب الطياره ان شاءالله
ظبيه : راسي بينفجر ماقدر اتريا
ريم : راسج شو يخصه
ظبيه : مادري بس ابا ارد البلاد مشتاقه حق اميه و حق البنات و حمدوه اوووف مشتاقتلها هيسه مايت ويانا
ريم : و الله كله من ابوها
ظبيه : مشتاقتلها ابا اجوفها اول وحده
ريم : اقولج انا بسير ايبلي كوفي تبين شي
ظبيه : لا سيري بسرعه لا تطولين
ريم : ما بطول
سارت ريم اتيبلها كوفي كانت ظبيه يالسه اتجوف تلفونها حست ان فيها رقاد سارت الحمام غسلت ويهها عسب اتصحصح طلعت من الحمام و هي تمشي بسرعه لان نست اغراضها على الكرسي و هي تمشى بسرعه بلغلط دعمت واحد طويل و عريض
ظبيه : اخخخخخ
الريال : ما تجوفين جدامج
ظبيه رفعت راسها اتجوف الريال : اسفه ماكان قصدي
الريال : مواطنه
ظبيه كانت خايفه لان الريايل الي وياه كانو كلهم يالسين يجوفونها : هي
الريال : حلو
يت بتمشي و قف جدامها الريال
الريال : انزين ما بتعطيني سناب شي
ظبيه و هي تبلع ريجها : خوز عن دربي
الريال : ترا عادي ما فيها شي محد بيعرف نحن برع البلاد
ظبيه : خوز ابا اسير
الريال الي حذاله : عطيه السناب و بنهدج
ظبيه لفت بترد الحمام و يزخ ايدها الريال : على وين يالحلوه
ظبيه اتحاول اتمط ايدها : هدني
الريال : كلمناج بالطيب ما عيبج ما عندي غير هالحل و رص على ايداها
ظبيه و عيونها متروسه دموع و بصوت عالي متروس خوف : هدني اقولك والله بزقر السكيورتي
مايد دش بقوه و مط ايد ظبيه و قال بصوت عالى و عصبيه : ما قالت لك هدها
الريال : تعرفها
مايد : مايخصك اعرفها ما اعرفها انت منو عسب اتزخ ايدها استح على ويهك ريال لحيه و شنب اخر شي تراكض ورا البنات
الريال دزه : احترم عمرك شو الي تراكض ورا البنات
ردله مايد الدزه : والله هذا الي انا يالس اجوفه
الريال عطاه بكس قوي على ويه من قوته خشمه نزف نش من مكانه و شرد
مايد وهو زاخ ويهه : الله يغربل عدوك
ظبيه كانت بعدها واقفه مكانها و خايفه مايد لف جافها وكمل مشي ييت ريم عندها يوم سمعت الصريخ سارت عندها
ريم : ظبيو بلاج
ظبيه تمت ساكته
ريم بخوف : بلاج شو استوا قولي
ظبيه : كله مني
ريم : خلاص تعالي ويايه
و سارو يلسو فالكراسي و ظبيه رقدت مرت ساعه و زقروهم عسب يركبون الطياره ريم وعت ظبيه و سارو الطياره ريم و ظبيه ما كانو حذال بعض كل وحده مكان راحت ظبيه ويلست على الكرسي و يلست اتجوف فونها و بدو الركاب يدشون كانت يالسه عند الجامه و يت حرمه عيوز يلست فالنص و حذال الحرمه كان يالس مايد يلسو شوي لين رمست المضيفه وقالتلهم يربطون الحزام
العيوز اترمس مايد بالانجليزي: لو سمحت عادي ايلس مكانك لان انا احتاج اسير الحمام كل شوي
مايد : طبعا تفضلي
قام ويلس فالنص حط سماعته و شغل الاغاني و رد راسه ورا ، ظبيه طول الوقت يالسه اتجوف الجامه اتحاول اتخفف خوفها لانها اتخاف من الطياره تمت تستغفر بدت الطياره تطير وظبيه غمضت عينها و بدت ترجف و تتنفس بسرعه و كانت صوت انفاسها عاليه لف عليها مايد جاف حالتها شل السماعه
مايد : انتي بخير
ظبيه تتنفس بسرعه
مايد : اتخافين من الطياره
ظبيه هزت راسها
مايد : اهدي عادي ما فيها شي ما بتطيح الطياره
ظبيه : لا
مايد : اهدي اهدي اتنفسي شوي شوي
ظبيه تحاول تتنفس شوي شوي ولين ماهدت
مايد : فجي عينج عادي جوفي ما فينا شي الحمد لله
فجت عينها جافت الجامه ارتاحت لفت على مايد : شكرا
ابتسم مايد ابتسامه خفيفه و كمل رقاد
استحت ظبيه من الموقف
أنت تقرأ
لا خلت عيـني مـن عيونـك يـا حـبيب القلـب يالغالـي
Romanceهل بعد اللقى صدفه ؟ وترد كل المشاعرالجديمه اللي تملكتها له ؟
