‏لا خلت عيـني مـن عيونـك‏ يـا حـبيب القلـب يالغالـي

35

مها: سهيل عيل
عاشه: خلاص خلوها ترتاح الحين
مريم: الله يعطيه الصحه والعافية
سلامه: أنا بروح ابدل و ارقد تعبانه
عاشه : سيري
مريم : سمعو لازم محد يعرف والله والله ما بيخلونا انروح مكان روحنا
ظبيه : ألي يقول الحين يخلونا يعني
مها : صح كلام مريوم على الاقل شوي فاجين علينا لو عرفو مول ولا شي و اي شي قلتو بيقولون خذو واحد من الشباب معاكم
عاشه : خلاص بينا و ما نبا حد يعرف و لو استوا اي شي سيده تعالو و خبرونا
الكل رقد لان السفره كانت طويله و كانو تعبانين 
اليوم الثاني نشو البنات و نزلو تحت مع باجي الأهل عسب يفطرون
فغرفة البنات كانت مها راقده و عاشه يالسه اتوعيها
عاشه : يلا نشي كلهم نزلو إلا أنا
مها : ما ابا سيري
عاشه : لا تستهبلين ما ابا اروح روحي
مها راقده ولا داريه عنها
عاشه : والله براويج يالهيسه
مها مطنشتنها ولا جنه يالسه تسمعها
نزلت عاشه و راحت عند الباجين خذتلها صحن و يلست تغرفلها ياي راشد عندها و همسلها
راشد : وين العنزه
عاشه تطالعه و مب فاهمه شي
راشد : قصدي وين مها
عاشه بنفس الهمس بس بأستعباط :راقده
راشد جافها : ترا ما يضحك
عاشه : انزين ما ضحكت يالعاشق
راشد : والله بمسح ويهج باللبنه
عاشه : و الله قليل ادب
راشد : يا عمي طيري و سار عنها
عند سلامه كانت يالسه اتصبلها عصير و تجوف واحد واقف يغرفله اكل سارت عنده
سلامه بصوت خفيف و هادي : اخوي
سهيل لف عليها بسرعه : لبيه
سلامه و هي متوتره : شكرا والله البارحه ما كنت اعرف شو بيستوي فيني
سهيل : عيب عليج أنتي بنت بلادي
سلامه : بس حبيت اشكرك
راشد بصوت عالي بس كان شوي بعيد : سلاموه وينج
سلامه بين عليها التوتر : عن أذنك الأهل يتريوني
سهيل : اذنج معاج
سارت سلامه والابتسامه شاقه ويهها
راشد : هدي حبيبتي ويهج بينطر
سلامه : جب جب ما يخصك
على الطاوله الي كل العايله يالسين عليها
منصور : انزين ياي عندي اونه انت منو و اقولج امشي بدون ما أعطيه ويهه ياي زخني من كمي وليش ما أعطيه هذاك الكف الي يرقده على الارض
زايد : انتر تيقر مب منصور ماشاءالله
ظبيه : كمل منصور ما عليك منه ما عنده سالفه
زايد : لاوالله
منصور: يوم و دوه غرفة التحقيق اول ما جافني اني أنا الي بحقق وياه اقولج ويهه استوا اخضر
ظبيه ضحكت من الخاطر 
حمد : بلاج ابويه ترا السالفه ما تضحك هالكثر
ظبيه متيبسه من الضحك : هلكني
اليده : منصور الله يخليك المره اليايه لا تقول سوالفك هاي اختنقت من الضحك عن تموت  علينا
منصور يالس يضحك : هاي خبله
عليا : ظبيوه ما يضحك هالقد بالغتي
ظبيه :اتخيلت الموفق جدامي و ردت تضحك
هزاع : انزين متى بتظهرون
منصور : وألله أنا عن نفسي اجوف الساعه عشر نظهر عسب اتريحون و عقب نظهر شو رايكم
سعيد : خلاص ما عندنا مشكله
ردو غرفهم و على الساعه عشر و نص ظهرو و نزلو من الفندق و ظهرو يمشون يتريون الباص
نزلو الشباب و الأمهات و الأعمام يالسين يتريون البنات
اليده : وين هالطفاسه ريولاتي عوروني من الوقفه
سعيد : تعالي ريحي اميه
سارت اليده و يلست على الكرسي
هزاع : من متى نحن قايليلهم سير زايد ازقرهم
اول ما زايد سار يبا يدش انفج الباب و ظهرو البنات
اليده : صباح الخير
مها بعبط : صباح النور
اليده : تطنزين
مها : لا والله
اليده: الساعه كم نحن قايلين تنزلون
مريم : هاي عواش اونه ما بتظهرون لين ما تيمعون الملابس مسويه فيها ام
عليا : عواش ترا مول مب وقتج نحن ساعه يالسين و الجو حار
ظبيه : نحن ما يخصنا هاي عواش
هزاع : خلاص يلا نسير نتمشى قبل ما الباص يوصل
كلهم كانو جدام إلا مها ورا ترمس تلفون وتبتسم راشد سار عندها بدون ما حد يحس فيه
راشد : هلا بالسحيبه
مها و عينها على التلفون : شو
راشد ما حب حركتها و سحب التلفون منها و رفعه فوق
مها يالسه اتناقز تبا تلفونها و راشد يالس يقرأ المحادثه
راشد : فديتج مشتاقتلج
مها : رشود رد فوني خلاص
راشد : منو هاي الي مشتاقتلج و لا انتي شو اتقولين و (يقلدها ) و أنا مور يا حبيبي انتي
مها تنقز و راشد يمشي بسرعه وهي تركض وراه تخرطفت وطاحت على الارض محد انتبه عليها لانهم كانو متجدمين على طول لف راشد و جافها طايحه والدمعه فعينها
راشد بخوف : اتعورتي
مها ادزه : خوز عني
راشد كان يبا يلطف الجو زخ خدودها : ليش اللقيمات زعلانه
مها بجديه : خوز عني و نشت و تجدمت عند الباجين
لحقها راشد و حس انه بالغ فغشمرته
راشد  يرمس عمره: انزين شو اسوي يعني تراني احبها بس هي حماره ما تفهم و بعدين حسيت شي فداخلي يوم كانت يالسه تبتسم حق ربيعتها عبالي حد ثاني شو اسوي انزين
يت عاشه صوبه
عاشه :ليش العاشق مويم
راشد : ما يخصج
عاشه : انزين خبرني يمكن اروم اساعدك
راشد: الحين لو شوي بالغتي فردت فعلج لازم يزعلون منج
عاشه : هو مب لازم بس شي ناس ما تتقبل هالمبالغه
راشد : إنزين أنا ما كان قصدي اطيحها روحها انخرطفت
عاشه : اممم سير وراضها
راشد : اقولج هاي خبله هالكثر اسويلها أشيا و هي مب فاهمه اني احبها غبيه والله
عاشه : صدقني تعرف كل شي بس تستغبي
راشد : والله لو تعرفين كيف احبها و أغليها
عاشه : مب لازم ترمس عيونك فاضحتنك
راشد : قولي تبين اتجعميني بس ما تعرفين كيف
عاشه تضحك : ترا وايد مستوي حساس و شخوصي
حمد يصارخ : يلا الباص وصل تعالو
عاشه : يلا نسير و انت فكر كيف بتراضيها
الكل ركب الباص و يلسو يسولفون
اليده : سعيد ليكون نسيت ولدك
سعيد : منو
اليده : رشود ماله حس غريبه ليكون نسيناه
منصور يدق جتف راشد الي كان سرحان فعالم ثاني يفكر كيف يرضي نظرعينه
منصور : رشود امايه تدور عليك
راشد : لبيه يدوه شو بغيتي
اليده : طلعت هني و أنا عبالي نسوك وينك ما يالس اتسولف
راشد : ما فيه شي
اليده : عيل ليش صاخ ترا السوالف مره بدونك
راشد : حطي فيها شكر بتستوي حلوه
الكل يالس يضحك على سخافته
اليده : أنا الغبيه الي يالسه احاتيك زعلتني والله
راشد نش و باس راسها : و الله كل شي يهون إلا زعلج منصور اشبك و شغل و لا تزعل
منصور : من عيوني
و شغل منصور الغنيه
ياي بارت

ولا تزعل ولا تتعب شعورك ولا تاخذ على خاطرك مني أبتأسف
الين ارضي غرورك و بقول اني مقصر غصب عني

و طول الوقت راشد يطالع مها فهمت مها ان الإهداء حقها كانت طايره من الوناسه بس ما بينت و لا شي
اليده : رشود ازعاج ما فهمت ولا شي
راشد يطالع مها  : عيل سمعي هالشعر اهداء من القلب و يأشر على قلبه
اليده : يلا سمعني
راشد : يقولج الشاعر
لك حق تزعل ثم لك حق اراضيك
ما اقوه زعل حبيب قلبي وعيني
مادام قلبي ياريش العين مغليك
اطلب ولك روحي وما في ايديني
لا تنشغل مالك زين يضاهيك
‏حي ابيك انا لو كان غيرك يبيني
و سلامتكم

اليده : الله يسلمك من كل شر قول امين
راشد : امين
ابتسمت مها ابتسامة رضا و جافها راشد و يلس مكانه و هو طاير من الفرحه يحس ملك الكون كله بس عشانها رضت عنه وصلو المكان بعد درب طويل نزلو من الباص
منصور : ابويه شي يلسه هناك سيرو ايلسو و نحن بنسير نلعب
هزاع : خلاص من تخلصون عطونا خبر
منصور : ان شاءالله
راحو الكبار و يلسو صوب يسولفون و الشباب و بنات راحو يلعبون جت سكي راحو صوب البحر و راح منصور و يا راشد يرمسون الريال عن السعر وتم زايد و يا البنات
سلامه : زيود عينك عينك حاسب
زايد : والله ما اجوفهم
سلامه : هي امبين يالس تتأمل جمالي صح
زايد : مب جنه وايد عطيتج ويه
سلامه : اسكت اسكت
انروح عند ظبيه الي ابتعدت شوي عن البنات عشان اترد على مايد
الكول
مايد : خلاص ما تبيني
ظبيه :منو قال
مايد : لا اتصلتي و لا سألتي و لاشي
ظبيه : يعني والله البارحه واصله متى بلحق و الأهل كلهم عندي
مايد :  انزين سامحتج
ظبيه :
مايد : والله لج و حشه
ظبيه :
مايد : بالعه لسانج فديتج
ظبيه : لا بس ما عندي شي اقوله
مايد : انزين انتي وين
ظبيه : فالبحر
مايد : اقولج عندكم مزايين
ظبيه : ما يخصك
مايد : بلاج انزين قولي عادي
ظبيه : ترا والله ما برد عليك يوم بتتصل
مايد : خلاص انزين هدي
زايد بصوت عالي من بعيد : ظبيوه يلا بنروح تعالي
ظبيه بصوت عالي: يلا يايه اتريوني
مايد : خيبه طريتي أذني
ظبيه : احسن
مايد : اترمسين منو كنتي
ظبيه : ماشي زيود يزقرني عشان بنسير نلعب
مايد يقلدها : زيود قولي زايد شعنه زيود
ظبيه : بلاك ترا عادي من نحن صغار و نزقره زيود شو فيك
مايد : مافيه شي يلا سيري عند زيود مالج
ظبيه : بسير يعني بترياك مثلا و صكرت فويها
سارت عند الباجين و كل اثنين على جت سكي
منصور : بطي و ظبيه و يا بعض و زيود و سلامه و يا بعض أنا و مريم ويا بعض و رشود و مها ويا بعض
مها : منصور تستهبل كيف اركب ويا رشود
منصور : ياحماره مب لازم تحضنينه شي حديده ورا بتزخينا و امورج فالتمام
طبعا عاشه ما تبا ادش لان اتقول انها اتخاف ما تحب هالسوالف راحت و يلست مع الأمهات
منصور : يلا لبسو الجاكيت و ركبو بسرعه لان ما عدنا غير نص ساعه و الاميره ظبيه بليز لا تغرقين و تموتين لان محد بيقدر يساعدج لا زيود و لا بطي سيده فبطن القرش أنا قلتلج
ظبيه : يعني اتنكت انت ورأسك
بطي : ليش فجيتو حلجها الحين يلا منو بيصكره
راشد : يلا جب جب خنسير بسرعه
منصور : طع هذا مسوله راس
راشد: طبعا بسولي راس بترياك يعني اخ منصور
منصور: صدق ماتستحي على ويهك
مريم: هذا لو ابوه ما احترمه تباه يحترمك انت ضحكتني والله
راشد: الحين أنا المسكين الكيوت و الحلو ماحترم ابوي
سلامه: اخيييجج انت كيوت انت خيوت والله
بطي: خلصتوا