عفرا: صح امايه امس اتصلت فيني ام حميد
مريم فزت من مكانها من سمعت ام حميد
اليده: هي عرفتها
عفرا: اتصلت اتقول انها تبا مريوم حق ولدها حميد
اليده: والله زين وانتي شو قلتي
عفرا: قلتلها بشاور البنت و ابوها و برد لج خبر قالتلي دخيلج اسأليهم اليوم ولدي متحرقص يبا يتزوج
مريم غدت حمرا
ظبيه ضحكت: انزين ليش مستويه طماطه
مريم: جب جب
بطي: الصراحه عمي أنا ماجوف اللي احسن من حميد ماشاءالله الولد مؤدب وايد اعرفه من وانا ياهل
هزاع: تراه ربيع العايله بعد مب بس ربيعك
زايد: تبى الصج عمي ماشاءالله أنا اجوف حميد احسن من رشود
راشد: أنا شو يخصني انزين اونه احسن من رشود
سهيل: مع اني ماعرفه عدل بس كم مره يلست وياه يبين انه ولد وايد زين
ظبيه: اخته ربيعتي ماشاءالله عليهم عايله ماشاءالله يعني محترمين عمي تعرف انه يصلي الفير فالمسيد و المغرب و العشا بعد
زايد: انزين و الظهر و العصر مايصيليهم
ظبيه: لا يصليهم فالدوام
بطي: ماشاءالله كل المعلومات عندج
ظبيه: هي لاني كل ما ارمسها تقولي اتريي بقوم حميد عشان يروح المسيد وغمزت حق مريم
حمد: مسكين ماقصر فالعزا كان يروح يساعد زايد عشان الغدا و يقعد من الصبح لين الفليل
سعيد: رشود انت ليش ساكت قول شي
راشد: اخاف اقول شي تضربني
سعيد: ماتستحي على ويهك
راشد: ويهي كيف استحي منه
اليده: رشود بعدين تعال عندي قول بيضربني من حركاتك قليل ادب
هزاع: مب موضوعنا راشد موضوعنا حميد
مها: انزين خذتو راي الكل إلا راي العروس
مريم: على طول قالت عروس
هزاع: مريم حبيبتي انتي شو تجوفين
مريم: مادري ابويه رايي من رايكم
اليده: حبيبتي انتي روحي استخيري و بعد المغرب او باجر بعد قوليلي شو تحسين
مريم: أنشاءالله
سلامه: الله وناسه بطي تزوج و منصور تزوج و مريم تزوجت وايد عندنا أعراس وناسه برقص
اليده: ماتستحين على ويهج جدام الكل جي تقولين
سلامه تقلد راشد: ويهي كيف استحي منه
اليده جافتها
سلامه: والله اقلد رشود
سعيد: أنا يايب توأم حمير
زايد: ابويه رشود الحمار مب سلامه
سلامه: كفو اخويه تعال معزوم ويانا
سهيل: صح عمي راشد الحمار مب سلامه
سلامه: كفو سهيلو معزوم ويانا
ظبيه: انتي كلشوي تعزمين حد
سلامه: هي
زايد: انزين يلا روحو اتجهزو عسبت نروح
سلامه: مها بتين
مها: طبعاً
سلامه: انزين مريوم و عواش بتون
مريم: لا بروح اصلي
عاشه: ماحب اشرب كوفي العصر
زايد: يلا ترى بنسحب عليكم
راحو فوق و لبسو عبيهم ركبو السياره
زايد يسوق و سهيل عنده ورا زايد سلامه وورا سهيل ظبيه ومها فالنص
ظبيه: بشبك
زايد: اصلاً فونج شابك
ظبيه: انزين شو تبون تسمعون
سلامه: لماح
ظبيه فتحت الاغنيه
سلامه وهي مندمجه:
"كيف ابين لك شعوري دون ما احكي
خابرك لماح لكن مالمحته
لاتغرك كثرت مزوحي وضحكي
والله ان قلبي لغيرك مافتحته"
مها: دوري
"الف مره جيتلك شايل شعوري
وارجع بنفس الشعور و ماشرحته
ياكثر ماقلت عادي مو ضروري
لوجمعت الشوق فيني او طرحته"
ظبيه: بارتي
"كليوم اكتب لك اكثر من رساله
والقى كل الي كتبته لك مسحته
خايف انك تترك العاشق لحاله
تجرح اللي طول عمرك ماجرحته"
أنت تقرأ
لا خلت عيـني مـن عيونـك يـا حـبيب القلـب يالغالـي
Romanceهل بعد اللقى صدفه ؟ وترد كل المشاعرالجديمه اللي تملكتها له ؟
