‏لا خلت عيـني مـن عيونـك‏ يـا حـبيب القلـب يالغالـي

2

فالطياره طول الوقت ظبيه اتحاول ما تصد عسب ما تجوف مايد لانها متفشله بعد ساعات طويله
كبتن الطياره : اربطوا الاحزمه سوف نهبط على اراضي دوله الامارات العربية المتحده
بدت ظبيه تتنفس بسرعه و صوت انفاسها قام يزيد اكثر عن اول مره اتيمعو عليها المضيفات و هي داشه حاله هستيريه من الخوف مايد اول ما سمع الصراخ نش و جاف حالتها و المضيفات يحاولون يرمسونها وهي ما ترد
مايد : خوزو انا بهديها
المضيفه : هذا شغلي و انا اعرف كيف اشتغل ممكن اتنش
مايد بحده : لو سمحتي هاي من اهلي ممكن اتهدونها معاي لانكم جي يالسين اتخوفونها اكثر
اتفهمت المضيفه و خبرت المضيفات يخوزون لف مايد على ظبيه و رفع راسها ويهها كان محمر و دمعوها تنزل
مايد : ليش الصياح
ظبيه بصوت متروس خوف : اخااف و نزلت راسها
مايد : ما في شي
ظبيه :
مايد : جوفيني انزين
رفعت راسها شوي شوي
مايد : جوفي الطياره فيها شي
ظبيه هزت راسها بعمنى لاء
مايد : خلاص عيل ليش هالفلم كله
ظبيه : اخاف
مايد : سكري عيونج وردي اتساندي على الكرسي
سوت ظبيه الي قاله وحط  السماعه على راسها و يلست تسمع  لين حست صدق انها هدت و غفت
نزلت الطياره و طلعو الركاب و كانت ظبيه راقده ييت عندها المضيفه
المضيفه : لو سمحتي لازم تنزلين
ظبيه : اوه سوري و نزلت من الطياره و يالسه اتحاول ادور ريم لين ما لقتها يالسه على الكراسي تترياها
ريم : وينج يالهبله ساعه يالسه هني اترياج الكل نزل الا انتي
ظبيه: والله ما انتبهت غفيت
ريم : فضحتينا الكل سمع صوتج قلنا اتخافين بس مب جي
ظبيه : شو اسوي انزين اخاف
ريم : اتخيلي يالسه احاول معاهم ابا اي عندج ما خلوني اونه نحن نعرف نتفاهم مع هالامور
ظبيه : و الله خوفوني زياده لو مب الريال الي عندي انا كنت بكون ميته
ريم تغمزلها : منو ها الريال حلو ولا
ظبيه : بعدين بخبرج يلا نسير احس اني تعبانه
ريم. : زين يلا
ظبيه : منو بيمر عليج
ريم. : اقول ولا اسكت
ظبيه : قولي بلاج
ريم : بروحج بتوجوفين مفاجأه
ظبيه : قولي خلاص ما احب ايلس اتريا وايد
ريم : انتي منو بيمر عليج
ظبيه : يعني منو غير بطي حبيب قلبي
ريم : لازم حبيب قلبج لان الوحيد الي معبرنج و معطنج ويه
ظبيه : اسكتي خلاص راسي يعورني
ريم : لازم جفتي شي حلو شاغل بالج صح
ظبيه : تراج سخيفه وايد
خلصو و راحو ياخذون شنطهم و يلسو يتريون شوي وصل بطي و ربعت ظبيه عنده
ظبيه و هي فحضن بطي : اشتقتلكككك
بطي يبوس راسها : و انا اكثر يا حبيبتي
ظبيه و عيونها ممزوره دموع
بطي يمسح دموعها : ليش هالدموع
كانت ريم يالسه تتأمل بطي و  عينها ما خازت عنه بس هو ما كان معبرنها موول
يت حمده و هي تربع اتجاه ظبيه
ظبيه بصوت عالي : حمدوووه و سارت لوت عليها
حمده : فديتج اشتقت لج
ظبيه : و انا اكثر
حمده لفت جافت بطي يالس يجوفها جنه يتأملها استحت و لفت على ظبيه و قالت بصوت خفيف : اوي ما انتبهتله
ظبيه : عادي هذا بطي اخويه
حمده : حتى لو
بطي حس بعمره : اسمحولي ظبيو بسير عند واحد من الربع من اتخلصين دقيلي اترياج هناك
ظبيه : تمام
يت ريم عندهم و اتحس قلبها يالس يحترق
حمده يت و لوت عليها بس ريم ما بادلتها الحضن نشت حمده و لفت على ظبيه و طالعتها بنظره ان ريم بلاها ردتلها ظبيه النظره ان ما اعرف
حمده : افا ريمو مب مشتاقتلي
ريم بأسلوب بارد : لا عادي جني سرت البارحه و رديت اليوم و سارت
حمده : بلاها
ظبيه : مادري توها كانت اتسولف
حمده : ليكون ما تباني
ظبيه : لا ريم اتموت فيج بس يمكن تعبانه
حمده و هي مب مقتنعه : يمكن

انسير عند بطي :
بطي : هلا والله ميووود
ميود : اهلين
بطي : والله لك وحشه بو سلطان
ميود : شو اسوي الدراسه كسرت ظهري 
بطي : خلاص ياريال ارتحت الحين ما وراك شي
ميود  : هي والله
بطي : معزوم
ميود : لا والله ما فيه حيل ابا ارد البيت ابا ارقد خلاص ميت تعب
بطي : منو بيردك
ميود : طالب تكسي
بطي : عيب و انا موجود تركب تكسي
ميود : ياريال انت ياي اتشيل اهلك انا شو يركبني وياك
بطي : اتصدق نسيت
ميود : يلا عيل انا بترخص تامر على شي
بطي : ما يأمر عليك عدو

انرد عند البنات :
حمده تتصل في ظبيه
الكول :
حمده : اقولج وين ريموه
ظبيه : مادري قالتلي بترد وياج
حمده : ما دري وينها اتصلبها ما ترد
ظبيه : شكلها ردت بتكسي خلاص سيري انتي
حمده : تستهبل هاي انا ظاهره بدون ما ابويه يعرف و اخر شي اتخون
ظبيه.: حمدوه اعذريها تعبانه البنت
حمده : عشان خاطرج والله بسكت عنها
ظبيه : حبيبتي انتي يلا انا سايره
حمده : يلا مع السلامه
بطي : ها ظبيوه نسير
ظبيه : هيه يلا
و سارو ركبو السياره متوجهين بيتهم