‏لا خلت عيـني مـن عيونـك‏ يـا حـبيب القلـب يالغالـي

9

ركبوا السياره بقولكم الترتيب الي يسوق زايد و عنده راشد ورا راشد مريم عندها ظبيه ورا زايد عاشه و فالدبه مها و سلامه اتمنى فهمتو

راشد: شوها الجو التعبان حطوو اغاني ملل
عاشه: لا
ظبيه: عواش ياخي مره بس
عاشه: يوم اليمعه اليوم مب زين
مريم: انزين بس شوي لين مانوصل
ظبيه ومها فنفس الوقت: أنا بشبك
مها: لا أنا
ظبيه: أنا
مها: أنا
زايد: و تقولون ليش ما اطلعكم
راشد: كل واحد يحط اغنيه
ظبيه: تمممم
مها: أنا اول شي
مريم: لا زايد لانه هو اللي يسوق
سلامه: ما يخصه
راشد: اي اغنيه تبا اخ زايد
زايد: مليت المحلك
راشد يضرب جتف زايد : هااااا اعترفففف تلمح حق منووووو
عاشه: رشود ترى مايخصه
ظبيه: رشود يلا شغل فكنا
فتح راشد الاغنيه
اشتغلت بطلتنا
ظبيه: في عز ماكنت اهوجس فيك وافتحلك
مريم: أبواب قلبي خذتني رجلي لبابك
سلامه: جيتك وانا ماذكر اني كنت رايحلك
مها: بس اذكر اني كذا لاطّول غيابك
راشد: يمااا تردددت مدري كيف بشرحلكككك
زايد وهو يغني بذمه و ضمير: أجيك و ارجع ابيكككك تقول وش جابككككك
ظبيه: ياابن الاوادمممم ترى مليتتتتت المحلككككك
زايد: اناااااااا أعزك و احبكككككككككك و اعشق ترابكككككك
راشد: ها ها تحبه عيل منوووو ليكونننن اللي فبالي
زايد: رشود جب
راشد: عادي اعترف ياخي
ظبيه: دوري دوري
راشد: اويه دوري
ظبيه: يلا يلا رشود
راشد: انزين شو تبين
ظبيه: الله ياخذك
راشد: ايه انتي شو الله ياخذك
ظبيه: اويه اسم الاغنيه جي
راشد: منو اللي غناها
ظبيه: حسون
زايد: منو ها بعد
مها: انتو شو فيكم ماتعرفون حسين الجسمي شو
راشد: اوهههه
فتح راشد الاغنيه
ظبيه: الله ياخذك منهم ولا يأخذني من يدك ولا ياخذ غلاك وعمرك الغالي وتبقى لي وش أيامي بدونك وش بعد عمري بلا ودك تراك أغلى بشر عندي ولا غيرك ابد غالي
راشد: صوتج خايس جب
زايد: حرام عليك والله صوتها طررررر بصوت خفيف شراتها
مريم: ترى كلحد سمع
زايد: شو قلت انزين
عاشه: بنسكت عشان ماتنفضحك
راشد: تراه مفضوح من زمان بس بعض الناس مايجوفون
ظبيه: إنتوا شو فيكم ترمسون بالألغاز زيود ليكوننن تحب وحده منو منو قول قول بخطبها لك
زايد ابتسم و قال بصوت وايد خفيف: لو تعرفين انها انتي
راشد: بس بس سمعتك ترى بس بسكت
.
.
.
في مكان ثاني عند مايد يالس فالسياره ويا (حميد)
حميد: انزين ميود و اقولك جي السالفه
مايد:
حميد: ولد ميود ارمس منو أنا
مايد:
حميد بصراخ: ميوودددددددددددد
مايد: وصمه يالخايس طريت أذني انت وصوتك الخايس مب صوت عليك
حميد: عسبت يوم ارمسك ترد علي
مايد: يعني الواحد مايفكر ولا كيف
حميد: خاطري اعرف شو هالشي اللي شاغل بالك هالكثر و ماترد علي
مايد: مايخصك
حميد: بنت صح
مايد: مايخصككك
حميد: اعرف انه بنت
مايد: ياخي ابا ارمسها بس ماعرف كيف أبدا
حميد: ماشاءالله عليك ماخليت بنت مارمستها و الحين ماتعرف كيف تبدّا ترمس بنت
مايد: هاي غير
حميد: كيف يعني غير
مايد: ماعرف ماعرف بس غير
حميد: انزين شورايك باجر نطلع
مايد: تم بس وين تبى تروح
حميد: السينما منزلين فلم رعب يديددددد طرر يمدحونه
مايد: جوي افلام الرعب اول واحد أنا
.
.
.
.
يوم السبت جريب المغرب بيت بو خليفه،
ظبيه: بطويييييييي
بطي: بسمالله الرحمن الرحيم
ظبيه: جايف يني؟
بطي: شو فيج
ظبيه: ودني السينما منزلين فلم رعب يديد و ربيعاتي يمدحونه
بطي: متى الفلم
ظبيه: الساعه عشر
بطي: انزين بوديج انتي ومنو
ظبيه: ماعرف بجوف لو بيون ولا لا
بطي: انزين
راحت ظبيه ترمس البنات و كلهم قالو بيروحون إلا عاشه ما بتروح
.
.
وصلوا السينما و راحو يأخذون فراخ حق الفلم
ظبيه: مريوم اي واحد تبين
مريم: كراميللللللل اف ماتفهمين
زايد: بسكم ضرابه
ظبيه: وانت زايد شو تبا
زايد: ماعرف
ظبيه: تستهبل علي
زايد: ماعرف انتي اختاري
ظبيه: انزين
مريم راحت عند راشد: رشوووددد الحقققق فاتكككككك
راشد: شو فاتني
مريم: زيود قال حق ظبيوه انتي اختاري
راشد: شو تختار
مريم: شو ياكل
راشد: تعالي بنروح نلعوزه
مريم: يلا يلا
راشد: ها طيور الحب واقفين هني اجوف عيل اختاري ها
زايد عطا مريم نظره
مريم: يعني ماقدر ما اقول حق رشود
ظبيه: اف وايد ترمسون رشود خذ الاكل وياك أنا بروح اقعد هناك تعبت
زايد راح عندها: فيج شي
ظبيه استغربت: لا ليش
زايد: تعبتي من شو
ظبيه: وايد وقفت ابا ايلس
زايد: اها انزين وين بطي
ظبيه اشرت صوب التذاكر: هناك
زايد: بروح عنده انتي اقعدي اتريي رشود و الباجين
ظبيه: انزين
وهي يالسه تجوف تلفونها مروّ شلة شباب و صوتهم وايد عالي ميزت صوت واحد
مايد: اوه حميد جوف بطي وزايد هناك قوم بنروح نسلم عليهم
حميد: يلا يلا
رفعت راسها جافت مايد و حميد رايحين عند بطي و زايد