ظبيه ودموعها قاعده تنزل: بطيي تراك تعورني
بطي ودر ايدها و ركب السياره، نزل الجامه
بطي: مب ناويه تركبين
ظبيه ركبت
وصلوا البيت و على طول نزلت ظبيه من السياره سيده راحت غرفتها وهي تصعد الدري جافت زايد اللي كان توه طالع من غرفة بطي لانه كان ياي ياخذ بوكه نساه عند بطي يت عينها ف عين زايد انتبه زايد انها عيونها ممزوره دموع
دشت غرفتها و صاحت بصوت عالي سمعها زايد بس ماقدر يسوي شي وهو نازل جاف بطي
بطي: اعرف انك كنت ف غرفتي اعترف شو مسوي
زايد: ماشي ييت اخذ بوكي
بطي: زين زين
زايد: مابا أتدخل بين مشاكلك مع اختك بس بقولك شي
بطي: أسمعك
زايد: تراها تصيح
بطي: والله بلشه هالبنت كل ماقلت لها شي صاحت
زايد: يعني بنت و حساسه شو متوقع منها
بطي: تصيح تصيح ولا تصيح
زايد: تستهبل علي
بطي: لا
زايد: انزين اسكت بروح عندي شغل عبالك فاضي شراتك
بطي: اويه مارمست حتى سايكو
زايد: روح روح عند اختك
بطي: صح والله نسيت
دق باب غرفتها و دش
بطي: ليش العنزه اتصيحح
ظبيه:
بطي: يعني انتي غصب تخليني اعصب خلاص اسمعي الرمسه قلتلج اطلعي من الكوفي يعني اطلعي، أنا اخوج و أنا أدرى بمصلحتج
ظبيه: انت منو عسبت جي تقولي امايه راضيه
بطي يود عمره عشان مايعصب: حبيبتي ظبيه امايه مايت الكوفي و جافت اللي أنا جفته
ظبيه: شو جفت مافي شي الكوفي عادي وثاني شي تراني ماسويت شي
بطي: انزين ماقلت انتي سويتي شي، الكوفي متروس شباب تبيني اخلي اختي ف كوفي كله شباب
ظبيه: كان فيه بنات
بطي: منو انتي و ربيعاتج؟
ظبيه:
بطي: ظبيه حبيبتي امايه مايت الكوفي و جافت اللي فالكوفي عشان جي قالت لج عادي
ظبيه:
بطي: أنا يوم قلتلج اطلعي كنت بوديج كوفي ثاني بس انتي عصبتيني و نرفزتيني
ظبيه:
بطي: عرفتي ليش مسكتج من ايدج بقوه
ظبيه: حتى لو بطي ترى عورتني صج
بطي: انزين اسف
ظبيه: قولها حق مرتك هالاسف
بطي ضحك: شو سوتلج مرتي
ظبيه: ولا شي خلاص اطلع برقد
بطي: مابترقدين وانتي زعلانه
ظبيه: مب زعلانه
بي: انزين اقبلي اسفي
ظبيه: قبلته
بطي: اسف والله اسف
ظبيه: خلاص خلاص سامحتك
بطي مسك ايدها و باسها: هالبوسه لاني مسكت ايدج بقوه بعد شو تبين اكثر من جي
ظبيه: ودني كوفي ثاني
بطي: بس تم متى تبين تروحين
ظبيه: باجر اليوم مب متفيجه
بطي: ماطلبتي شي كلشي إلا ظبيه الحب
ابتسمت ظبيه، طلع بطي من غرفتها
شوي و دشت هند (حرمة اخوها خليفه )
هند : ليش الحلو زعلان
ظبيه : والله ما شي تضاربت و يا بطي
هند : و بعدين صحتي و هو ياي راضاج صح هذا السناريو المعتاد
ظبيه : انزين شو بغيتي
هند : ولا شي بغيت أطمن عليج بس
ظبيه : انزين بقولج شي أنا قررته
هند : قوليلي يا ام القرارات
ظبيه : ابا اجمع راسين بالحلال
هند : ظبيوه مستويه خطابه
ظبيه : و الله ما يالسه اتغشمر صدق
هند : ما عرفتج ام احمد انزين بتخطبين حق منو
ظبيه : يعني منو غير بطوي
هند : الله يعينه منو ان شاءالله
ظبيه : حمده ربيعتي
هند : ما عرفتج وانتي تعرفين تختارين والله من سافرتي و هي مب مقصره ويانا مول
ظبيه : اقولج سر
هند : قوليلي
ظبيه : بطوي يحبها
هند : اونه ما عرفته العاشق الولهان
دش حميد ( ولد هند و خليفه ) بالقو
هند : بسم الله شوي شوي ماما شو فيك
حميد وهو يصيح : عمووووو
ظبيه : عيون عموه شو بلاك منو منزل هالدموع
حميد و يسير فحضنها: هذا اخوث الخايث بطي
هند : عيب حبيبي ما يقولون جي حق عمهم
ظبيه : شو سوالك
حميد : ما يخليني اللعب معاه ثوني
ظبيه نشت : على كيف منو ما يخليك شلته و سارت غرفة بطي فجت الباب بالقو
ظبيه بصوت عالي : ليش ماتخلي حميدوه يلعب هااا
بطي يفلعها بالمخده : اسكتي ارمس ربعي غبيه شو
ظبيه : ما يخصني ليش ما تلعبه
بطي : ظبيوه ظهري انتي وهو من الغرفه جوفيه السبال يطلع لسانه بعد صدق ما يستحي
ظبيه : حميد حبيبي عيب ما يقولون جي
هند اتي من وراهم : ماشي لعب يالا بنسير نرقد
حميد : ماما ما ابا
بطي : صكرو الباب حشره والله
ظبيه : تعرف كان عندي خبر حلو حقك بس انت خربت على عمرك وسكرت الباب بالقو
بطي : ما عليه شباب نكمل
سارت ظبيه و انسدحت على شبريتها شوي و تجوف تلفونها يرن
الكول :
ظبيه : الو
الريال : السلام عليكم
ظبيه : وعليكم السلام منو معايه
الريال : افا ما عرفتيني
ظبيه : لا
الريال : و الله بزعل منج
ظبيه : اخوي منو انت تراني مب فاضيتلك
الريال : إنزين أنا مايد
ظبيه : انت شو تبا مني الحين
مايد : اباج
و هاي نهايت بارت اليوم اتمنى عيبكم و تتوقعو شو رد ظبيه و هل بطي بيخطب حمده ها كله بتعرفونه فبارت الياي اجوفكم اسبوع الياي باااااااي
أنت تقرأ
لا خلت عيـني مـن عيونـك يـا حـبيب القلـب يالغالـي
Romanceهل بعد اللقى صدفه ؟ وترد كل المشاعرالجديمه اللي تملكتها له ؟
